Terminator Salvation (2009)

Terminator Salvation. Hér er komin fjórða myndin um tortímandann og sú fyrsta sem ekki skartar Arnold Schwarzenegger í aðalhlutverki. Sú framtíðarsýn sem kynnt er í myndunum er sú að tölvuheilinn Skynet, öðlast sjálfsvitund og reynir að útrýma mannkyni til að tryggja eigin framtíð. Með kjarnavopnum tekst Skynet að drepa meirihluta mannkyns, en eftirlifendur, undir stjórn Johns Connors, berjast á móti. Fyrstu þrjár myndirnar gerast fyrir þetta stríð og fjalla um tortímanda sem sendir eru aftur í tímann til að drepa John Connor meðan hann er ungur. Þessi mynd gerist hins vegar í framtíðinni og fjallar um stríðið gegn Skynet.

Það er Christian Bale sem fer með aðalhlutverkið í myndinni og er sá þriðji til að fara með hlutverk John Connor. Bale er frábær leikari og túlkar John Connor með öðrum hætti en áður. Hann er ekki lengur unglingur á gelgjuskeiði líkt og í Terminator 2 og ekki sá aumingi sem við sáum í Terminator 3. Sá John Connor sem við sjáum í þessari mynd er stríðsmaður. Bale gerir mikið fyrir myndina með þessari túlkun sinni.

Því miður þá er handritið afar gloppótt og eiginlega óspennandi. Hvað söguna varðar þá er fátt eftirminnilegt. Það mætti vel halda að Michael Bay hefði skrifað þetta handrit því það er fátt annað í því en heilalausar hasarsenur, og tölvugerð vélmenni að slást. En þó Michael Bay hefði getað skrifað handritið þá er ljóst að það er ekki hann sem leikstýrir, því útlit myndarinnar og tölvubrellur eru ekki beint það flottasta í dag. Yfir myndinni hvílir ákveðin MTV stemning. Leikmyndin er ófrumleg og kjánaleg.

Terminator Salvation er versta myndin í seríunni, á því leikur engin vafi.

Davíð Örn Jónsson.

Myndin byrjar með nýjum karakter, Marcus Wright, og svo strax skipt inn með geðveiku stríðsatriði 2018. Myndin er skipt í tvennt fyrsta helminginn, Marcus Wright og Kyle Reese í leiðangur að höfuðstöðvum og John Connor í stríði við vélmennin og svo sameinast þeir í lokabardaga við Skynet.

Myndin almennt er vel gerð, smá humór af og til og allir leikarar standa sig vel í myndinni. Myndin reiðir sig lítið á fyrri myndirnar og er bara ein stór stríðsmynd. En fólk gæti ruglast aðeins með Kyle Reese/John Connor söguna en ég séð allar og ég skildi myndina vel.

Myndin reiðir sig mikið á sprenginar og hasaratriði Micheal Bay style. Hún hefur samt söguþráð en engann persónuleika. Ágæt sumarskemmtun.
7/10

Fjórða Terminator myndin gerist árið 2018 á tímabili í hinu mikla stríði manna gegn véla og John Connor(Christian Bale) gegnir hinni ábyrgðarfullri stöðu sem leiðtogi andspyrnuhreyfingarinnar. Ekki batnar ástandið þegar vélarnar ætla að drepa Kyle Reese(Anton Yelchin) sem er verðandi faðir John's(sjá fyrstu myndina) og nú reiðir á að redda málunum. Ég hef lengi haldið upp á Terminator myndirnar, mér finnst fyrstu tvær báðar svo djöfulli góðar og svo er ég einn af þeim fáu sem finnst þriðja myndin vera það líka. Terminator Salvation er ólík hinum af ýmsu leyti, ekkert tímaflakk og Arnold kemur bara með cameo en leikstjórinn Mcg gerir þessa nýju stefnu bara vægast sagt mjög áhugaverða og þrátt fyrir að þessi mynd sé PG13 þá finnst mér hún alveg jafn góð og hinar(hefði þó verið gaman að sjá eitthvað líkt því þegar Robert Patrick stakk í gegnum hausinn á fólki með puttanum í annarri myndinni). Christian Bale á dúndur frammistöðu og gerir alveg jafn góðan John Connor og Nick Stahl gerði í þriðju myndinni. Anton Yelchin kemur stórlega á óvart sem hinn ungi Kyle Reese og sannfærir mann alveg um að þessi strákur eigi eftir að vera sami karakter og Michael Biehn's í fyrstu myndinni. Stríðið sem Terminator Salvation sýnir okkur er miskunnarlaust og kröftugt og myndin er svöl almennt. Nær ekki alveg allra hæsta gæðaskalanum en frábær mynd engu að síður og hef ég góða trú á næstu myndum í þessari seríu.

Terminator-serían endaði fyrir mér árið 1991 með einni bestu hasar- og framhaldsmynd sem hefur verið fest á filmu (tek þó fastlega fram að Director's Cut-útgáfan hefur ávallt verið í meira uppáhaldi hjá mér). Fyrsta myndin var ekkert annað en upphitun fyrir hana og mun ég seint kalla þá ræmu einhverja snilld. Hún hefur klikkað afþreyingargildi og er stútfull af skemmtilegum hugmyndum en því miður eldist hún alveg skelfilega. Ég tala þá ekki um '80s klæðnaðinn, því hann sleppur, heldur örfá "guð-minn-góður-hvað-þetta-er-áberandi" brelluskot svo ég minnist heldur ekki á Syntheseiser-músíkina sem var vel úr takti við hasarinn.Terminator 3 var óþörf framlenging. Hún var svosem ekkert hroðaleg, en samt það mikil vonbrigði að ég hef hingað til meira litið á hana sem aukaefni frekar en part af hinum myndunum. Eins mikið og mig langaði að halda í vonina og búast við "kick-ass" ræmu með þessu fjórða eintaki þá þorði ég engan veginn að gera mér miklar vonir. Samt einhvern veginn tókst mér að finna fyrir smá bjartsýni um leið og Christian Bale ákvað að taka að sér John Connor-rulluna, en eins og eflaust margir vita, þá þiggur þessi leikari ekki hvaða hlutverk sem er.Terminator Salvation reyndist síðan ekki vera neitt mikið betri en þriðja myndin. Reyndar er hún örlítið verri. Hún virkar þó ekki jafn ónauðsynleg því hún fyllir nokkuð vel í ýmsar eyður sem tengir hana betur við hina forverana. Þetta er augljóslega metnaðarfull mynd en orð eins og "spennandi" eða "áhugaverð" komu einhvern veginn sjaldan upp í hugann meðan ég horfði á hana, og fyrir Terminator-mynd er það virkilega stórt feilspor.Maður eins og McG er undarlegt val á leikstjóra fyrir þessa mynd, en þó svo að Charlie's Angels-myndirnar teljist seint til merkilegra kvikmyndaverka þá höfðu þær ágæta keyrslu og flottan stíl og þar sést úr góðri fjarlægð hversu hæfileikaríkur McG er. Hann er flinkur í sínu fagi hvað útlit varðar enda sést á Terminator Salvation að hann hefur mikið vaxið sem stílisti. Myndin lítur nefnilega frábærlega út, og mögulega betur en nokkur önnur Terminator-mynd. Maður verður að gefa McG visst hrós fyrir gífurlegan áhuga á efninu sem skín í gegnum alla myndina. Hann er áberandi mikill aðdáandi Cameron-myndanna eins og hann margoft sýnir með skemmtilegum tilvísunum sem dreifðar eru út alla myndina (virkilega töff að heyra t.d. gamla, góða upphafsstefið aftur). Samt er eins og hann hafi lagt einum of mikið púður í að fanga rétta lúkkið og stílinn heldur en að einbeita sér að handritinu og almennt kjarna sögunnar, því innihaldslega kemur myndin hvað verst út.Svipað og T3 þá nennir þessi ekkert að vera að draga hasarinn úr sviðsljósinu til að gefa persónunum smá tíma til að anda og ná betra sambandi við áhorfendur. Jafnvel þó svo að fyrstu tvær Terminator-myndirnar hafi verið drekkhlaðnar hasar þá gafst alltaf einhver tími fyrir persónusköpun. En eins vel og leikararnir standa sig í þessari mynd, þá er varla neinn sem fær almennilegan fókus, og síst af öllum lykilpersónan, sjálfur John Connor. Handritið fer með þessar persónur eins og hver sé öðrum ómerkilegri og stútar möguleikanum fyrir áhorfendur að halda með þeim eða vera annað en nokk sama um þær.Hasarsenurnar, eins svakalega vel gerðar og þær eru, ná heldur engri spennuuppbyggingu. Maður horfir á fólk hætta lífi sínu og lenda í hinum ótrúlegustu aðstæðum en samt er adrenalínið í lágmarki og er maður líklegri til að geispa fremur en að éta á sér neglurnar.Síðan held ég líka að myndin hefði gagnast af því að vera bæði myrkari og grimmari. Yfirleitt reyni ég að láta ekki aldursstimpla fara í taugarnar á mér en í þessu tilfelli hefði það mikið bragðbætt myndina hefði hún gengið lengra bæði í tón og ofbeldi og sóst eftir R-merkinu, frekar en að sleppa með hið aumingjalega og táningavæna PG-13 merki. Minniháttar kvörtun svosem, en ég sé bara engan veginn tilganginn með því að láta eins harða seríu eins og Terminator þróast út í svona mikið rugl, hvað þá þegar um alvöru stríðið er að ræða, sem maður sá aðeins brot af í hinum myndunum.Þótt Terminator Salvation sé ekki alfarið slök mynd þá er hún pottþétt ein af lakari myndum Christians Bale í ágætan tíma. Líka leiðinlegt að segja það, en hann hefur sjaldan verið eins þurr og einhæfur á skjánum. Sam Worthington og Anton "Charlie Bartlett" Yelchin eru þrusufínir og fá örlítið meira að gera. Bryce Dallas Howard er hins vegar hrikalega vannotuð og hef ég sjaldan séð jafn mikla sóun á jafn þrælfínni leikkonu og henni í stórmynd.Myndin er ekki algjörlega laus við skemmtanagildi, en sem bíómynd sem byggir á margbrotinni hugmyndafræði er það undarlegt hversu flöt og innantóm hún er. Ég las m.a.s. að Jonathan Nolan (Memento, The Dark Knight) hafi átt þátt í handritinu en ekki fengið credit fyrir það. Í staðinn ákváðu framleiðendur að ráða sömu gaura og skrifuðu meðal annars Catwoman (!!) og Terminator 3. Greinilegt merki um að aðstandendur hafi tekið ýmsar heimskulegar ákvarðanir við gerð myndarinnar.5/10

 Já ég fór á þessa mynd á forsýningu í Borgarbíó.Ég var að búast við slæmu... MCG hefur sitt orðspor. Ég fílaði þessa mynd bara vel.. fyrir terminator mynd. Fanns mjög gott hjá MCG og James Cameron að bæta inn nokkrum svona "Golden Moments" úr myndunum og nokkra litla hluti til að ná til hardcore aðdénda (þar má nefna eitt skemmtilegt atriði þegar john connor stelur mótorhjóli og þá kemur You could be mine með guns'n roses og þetta lag heyrðist líka í nr 2 þegar john var með skellinöðruna sína í byrjuninni.)Handritið fannst mér öflugt og nokkrar skemmtilegar línur koma... en ekki er mikil endurnýting var á þessu og mér líkar spuni....Leikaravalið var alls ekki slæmt. Mér fundust Sam Worthington og krakkinn sem lék Kyle Reese standa uppúr og annars var Christian Bale fínn eins og vanalegaeeen já ég vil ekki ljóstra upp miklu af söguþræðinum en ég mæli með þessari myndgef henni 8 af 10Gott Reeboot af Terminator