Með allt á hreinu (1982)

Klassamynd, og örugglega með betri myndum sem að Íslendingar hafa sent frá sér í gegnum árin. Hún er alveg meiriháttar fyndin mynd, með virkilega góðri tónlist frá Grýlunum og Stuðmönnum(gæti það verið betra?), og frábær leikur frá helstu leikurum. Þá helst frá Eggerti Þorleifssyni sem Dúdda. Örugglega með skemmtilegri karakterum sem hann hefur leikið. Skylduáhorf fyrir alla að sjá.

Flott mynd með flottri tónlist og var feikilega vinsæl á sínum tíma. Dúddinn stendur sig lang best eins og í takt við tíman. Og er það augljóst að þessar myndir væru ekkert sérstakar án Eggerts. Flestir hafa séð þessa mynd og farið í feiki mikið stuð yfir henni.