Væntanlegt

Yfirmaður Auschwitz útrýmingarbúða Nasista, Rudolf Höss, og eiginkona hans Hedwig, leggja sig fram um að byggja upp draumalíf fyrir fjölskylduna í húsi með fallegum garði rétt við hlið búðanna.

Fyrrum sérsveitarmaðurinn John Gold fær tækifæri til að koma Sean Teague - manninum sem sveik teymið hans í hinstu ferð þess í Austur-Evrópu mörgum árum áður, í herfangelsi, þó hann væri miklu frekar til í að sjá hann dauðan og grafinn. Leiðin í fangelsið er þó ekki greið því félagar Teague vilja frelsa hann og leyniskytta vill drepa hann.

Magda er sál skógarins og sér um að vernda hann fyrir ágangi mannfólksins. Þegar hún verður ástfangin af mannveru, tónlistarmanninum Lúkasi, vandast málið heldur betur, því nú stendur hún frammi fyrir vali á milli þess sem er hjartanu kærast eða skógarins sem þarf nauðsynlega á henni að halda eigi hann að blómstra og dafna.

Hjómsveitin Fisherman´s Friends vill fylgja óvæntum vinsældum fyrstu plötu sinnar "No Hopers, Jokers and Rogues" eftir og gefa út nýja plötu. Það er hægara sagt en gert, enda fátt eins erfitt og einmitt það og pressan mikil.

Eftir að fyrrum stöðvarstjóri bandarísku leyniþjónustunnar CIA kemst að því að dauði eiginkonu hans var ekki slys, sogast hann inn í undirheima njósna. Þar tekur hann upp samstarf við andstæðing sinn til að upplýsa um samsæri sem breytt gæti öllu sem hann áður hélt að hann vissi.

Sjúkraflutningamaðurinn Cassandra Webb byrjar að finna fyrir skyggnigáfu og getur séð framtíðina. Hún þarf nú að horfast í augu við atburði úr fortíðinni og vernda þrjár ungar konur fyrir dularfullum fjandmanni sem vill þær feigar.

Fljúgandi diskur lendir í garði eldri manns, Milton, sem á við minnisvandræði að stríða. Hann nær góðum tengslum við geimveruna sem hann kallar Jules sem er í fyrstu lafhrædd inni í geimfarinu. Málin flækjast þegar tveir nágrannar fá veður af geimverunni og fljótlega blandast yfirvöld í málið.

Þegar einn af nemendum hennar er grunaður um þjófnað ákveður kennarinn Carla Nowak að komast til botns í málinu. Hugsjónir hennar og reglur skólakerfsinsins togast á og málið verður að krefjandi verkefni.

Þegar stjórnsamur siðblindingi fær ástríðu fyrir hlutabréfaviðskiptum ákveður hún að ná á toppinn í fjármálaheiminum, frá bækistöð sinni í kjallaranum heima hjá sér.

Í suðurríkjum Bandaríkjanna á sjöunda áratug tuttugustu aldarinnar reynir Phil Robertsson, sem löngu síðar átti eftir að gera það gott í Duck Dynasty raunveruleikaþáttunum, að sættast við skömmina úr fortíð sinni, og flókið fjölskyldumynstur, og finnur endurlausn á ólíklegum stað.

Fátækur hermaður, Ludvig Kahlen að nafni, kemur árið 1755 á heiðar Jótlands með eitt markmið: að hlýða skipan konungs og rækta landið og efnast á því sjálfur. En Kahlen eignast fljótt óvin. Það er hinn miskunnarlausi landeigandi Frederik De Schinkel, en hann telur sig eiga heiðarlöndin en ekki konung. Þegar þræll De Schinkel flýr ásamt eiginkonunni Ann Barbara og leitar skjóls hjá Kahlen, þá gerir landeigandinn allt sem hann getur til að koma Kahlen í burtu, og skipuleggur í leiðinni grimmilega hefnd. Kahlen berst á móti og tekur með því mikla áhættu.

Þrjár ungar breskar stúlkur fara í geggjað sumarfrí, þar sem þær drekka og daðra við strákana. Sólarstrendur, endalausar nætur, naktir kroppar. En verður þetta besta sumar lífs þeirra eftir allt saman?

Mikael Lindnord, fyrirliði sænsk þríþrautarliðs, kynnist meiddum hundi þegar hann er að keppa í 650 km langri þraut í frumskógum Ecuador. Fyrstu kynnin urðu þegar hann gaf honum að borða en svo elti hundurinn liðið í gegnum einhver erfiðustu landsvæði á Jörðinni. Lindnord ákveður að taka hundinn að sér og fara með hann heim til Svíþjóðar.

Nafnlaus ungur maður fer í hefndarför gegn spilltum glæpamönnum sem myrtu móður hans og víla ekki fyrir sér að níðast á fátæku og saklausu fólki.

Myndin er byggð á sönnum atburðum sem gerðust árið 1944 þegar Nasistar í Þýskalandi skipulögðu fótboltaleik milli fanga í útrýmingarbúðum og úrvalsliðs Nasista á afmælisdegi leiðtoga þeirra Adolfs Hitlers. Fangarnir ákveða að gera allt sem þeir geta til að vinna leikinn.

Aden er ungur maður sem eyðir mestum hluta tíma síns í að taka upp prufumyndbönd af sjálfum sér fyrir hlutverk sem hann fær aldrei. Eftir endalausar neitanir og margar martraðakenndar áheyrnaprufur ákveður hann að finna sér nýtt hlutverk þar sem hann hefur sjálfur meira að segja um framtíð sína.

Hárgreiðslukonan Sharon, sem býr í Louisville í Kentucky í Bandaríkjunum, fær fólk í bænum með sér í lið til að hjálpa ekklinum Ed að bjarga lífi alvarlega veikrar ungrar dóttur sinnar þegar mikill snjóbylur skellur á bænum.

Tveir ungir drengir, bestu vinirnir Malik og Eric, upplifa bæði gleði og erfiðleika þar sem þeir alast upp í félagslegu íbúðahverfi í Chicago árið 1992.