Á leigunum

Í New York á sjötta áratugnum fer borðtennisspilarinn Marty Mauser, ungur maður með draum sem enginn tekur mark á, í gegnum súrt og sætt í leit að frægð og frama.

Dr. Kelson lendir í nýju og átakanlegu sambandi – með afleiðingum sem gætu breytt heiminum eins og við þekkjum hann – og kynni Spike af Jimmy Crystal verða að martröð sem hann fær ekki flúið.

Eftir 25 ára dygga þjónustu hjá pappírsfyrirtæki er manni skyndilega sagt upp störfum. Hann stendur nú frammi fyrir atvinnuleysi og pressu frá fjölskyldunni og framkvæmir örvæntingarfullt ráðabrugg til að útrýma keppinautum sínum.

Í þessari óvenjulegu sögu af venjulegum manni, upplifir Charles 'Chuck' Krantz undur ástarinnar, missi og margbreytileikann í okkur öllum.

Eftir að hafa fundið öruggt skjól í neðanjarðarbyrgi á Grænlandi í kjölfar þess að halastjarnan Clarke eyðilagði jörðina, verður Garrity fjölskyldan nú að leggja allt í sölurnar og halda í hættulega ferð yfir eyðilendur Evrópu til að finna nýtt heimili.

Nýuppgötvað samtal ljósmyndarans Peters Hujar og vinkonu hans Lindu Rosenkrantz frá árinu 1974 veitir innsýn í listalíf miðborgar New York og þá persónulegu baráttu og vitranir sem móta líf listamanns.

Millie er í miklu basli og verður því mjög ánægð þegar hún fær vinnu sem heimilishjálp hjá auðugu efristéttarhjónunum Ninu og Andrew. Hún kemst þó fljótt að því að fjölskylduleyndarmálin eru mun hættulegri en þau sem hún sjálf burðast með.

Árið 1976, þegar Argentína er að sökkva í ofbeldi og glundroða, endurheimtir lífsþreyttur enskukennari samkennd sína þökk sé óvæntri vináttu við mörgæs.

Rannsóknarlögreglumaðurinn Dan Lawson frá Chicago ferðast til Skotlands til að aðstoða skoska rannsóknarlögreglumanninn Glen Boyd eftir að raðmorðingi, sem fremur glæpi sem líkjast óleystu máli sem Lawson rannsakaði fimm árum áður, kemur aftur fram á sjónarsviðið.

Vinahópur í miðaldrakreppu fer út í regnskóg til að endurgera uppáhaldsmyndina sína frá æskuárunum, en lendir í baráttu upp á líf og dauða gegn náttúruhamförum, risaslöngum og ofbeldisfullum glæpamönnum.

Divine G, sem situr inni í Sing Sing fangelsinu fyrir glæp sem hann framdi ekki, finnur tilgang í lífinu með því að ganga í leikhóp með öðrum föngum í þessari sögu um seiglu, mannúð og umbreytingarmátt listarinnar.

Afskekktur þýskur bóndabær geymir leyndarmál kynslóðanna. Fjórar konur á ólíkum aldri sem hafa sameinast vegna áfalla, afhjúpa sannleikann á bak við veðraða veggi hans.

Átta ára gömul stúlka biður dularfullan nágranna sinn um hjálp við að drepa skrímslið undir rúminu sínu sem hún heldur að hafi étið fjölskyldu sína.

"Maðurinn sem neitar að deyja" snýr aftur að húsinu þar sem fjölskylda hans var myrt á hrottalegan hátt í stríðinu. Hann rífur húsið niður, hleður því á vörubíl og er staðráðinn í að endurbyggja það á öruggum stað þeim til heiðurs. Þegar herforingi Rauða hersins, sem myrti fjölskyldu mannsins, snýr aftur, harðákveðinn í að ljúka verkinu, hefst vægðarlaus og stórbrotinn eltingaleikur þvert yfir landið – uppgjör upp á líf og dauða.

Líf og ótrúlegur ferill Christy Martin, sigursælustu hnefaleikakonu tíunda áratugarins. Christy Martin hafði aldrei ímyndað sér líf utan smábæjarins í Vestur-Virginíu – þar til hún uppgötvaði að hún hafði lag á að kýla fólk. Knúin áfram af hörku, hreinum ásetningi og óbilandi sigurlöngun ryðst hún inn í heim hnefaleikanna undir leiðsögn þjálfara síns og umboðsmanns sem síðar varð eiginmaður hennar, Jim. En á meðan Christy sýnir eldheitan persónuleika í hringnum eiga erfiðustu bardagar hennar sér stað utan hans – þar sem hún tekst á við fjölskyldu, sjálfsmynd og samband sem gæti orðið upp á líf eða dauða.

Grace, rithöfundur og ung móðir, er smám saman að missa vitið. Hún er innilokuð í gömlu húsi í Montana og sífellt æstari og óútreiknanlegri hegðun hennar veldur Jackson, félaga hennar, áhyggjum og vanmætti.

Minnie og Quinn fæðast á sama degi, með einnar mínútu millibili. Líf þeirra hefst kannski á sama tíma, en heimur þeirra gæti ekki verið ólíkari. Mörgum árum síðar leiðir lífið þau saman á ný. Kannski er kominn tími til að gefa ástinni tækifæri.

Þegar fyrri heimsstyrjöldin geisar tekur dr. Henry Guthrie við breskum kór sem hefur misst flestar karlraddirnar í herinn. Samfélagið kemst fljótlega að því að besta svarið við ringulreið stríðsins sé að njóta saman fagurrrar tónlistar.

Þegar heillandi gestur kemur í afskekktan kastala fer viðkvæmt jafnvægi í sambandi hirðulauss eiginmanns, saklausrar brúðar hans, Cherry, og tryggrar þernu þeirra, Hero, úr skorðum.

Einlæg og afhjúpandi innsýn í einkalíf og feril Richards Harris. Þessi heimildarmynd fer í saumana á flókinn og stundum mótsagnakenndan persónuleika Harris, sem var einn merkasti leikari sinnar kynslóðar. Hver þriggja sona hans – Jared, Jamie og Damian – gefur sína eigin sýn á málin þegar þeir kalla fram anda föður síns heitins á hvíta tjaldið.