Alien (1979)

Ein besta geimmynd allra tíma.

Eg verð bara að hrósa Ridley Scott fyrir afbragðs leikstjórn.

Þessi mynd var upphaf allra geimhryllingsmynda.

Enginn mynd sem eg hef nokkurn tíma séð og það eru ekki fáar koma nálægt þessari snilld.

Skildueign í DVD safnið.

Allar fjórar alien myndirnar eru frábærar enginn eins góð og þessi samt.

Ótrulega spennandi og aldrei lángdreginn.

Mæli Potþétt með þessari.

Þessi mynd finnst mér, sem mikill Ridley Scott aðdáandi, ein af bestu myndum hans með Gladiator, Hannibal og fullt af öðrum myndum. Þessi mynd er samt ekki nálægt því jafngóð eins og Aliens, en hún skilar samt mikilli spennu, þó sérstaklega í endanum. Og atriðið þar sem að geimveran fer úr líkamanum úr gaurnum, það er náttúrulega orðið klassa atriði sem að enginn gleymir. Þótt, eins og ég sagði hér fyrr að Aliens væri betri en þessi, fær þessi samt 4 stjörnur.

Fyrst þegar ég sá þessa mynd fannst mér nú ekki mikið til koma. Það var sennilega vegna þess að ég sá Aliens á undan. Látum það líka fylgja með að ég var töluvert undir því aldurstakmarki sem var sett á myndina. En svo þegar ég sá hana aftur nokkrum árum seinna sá ég hvað hún er mikil snilld. Það er nú ekki margt kannski að segja um þessa mynd nema að þetta er ein besta vísindaskáldsaga sem gerð hefur verið. Allgjör klassík. Þegar maður horfir á myndina í dag getur maður ekki annað en tekið eftir því hvað hún er gömul, en það gerir hana bara betri. Leikararnir eru góðir... En fækkar alltaf stöðugt. Það vill henda þá sem leika í seríunni ;). Snilld. Parturinn af spennunni er það að maður sér mjög lítið af skrímslinu. Og þetta er bara allt svo drungalegt.

Fyrsta Alien myndin fjallar um venjulega flugáhöfn, geim-flutningaskipsins Nostromo. Þau lenda á eyðilegri plánetu, eftir að hafa orðið vör við neyðarkall. Fljótlega komast þau að því að neyðarkallið er í raun aðvörunarsending, en allt er um seinan. Eitt minnilegasta atvik kvikmyndasögunnar er snemma í myndinni. Vísindastjóri áhafnarinnar, Mr. Ash (Ian Holm), er illilega truflaður við málsverð, eftir að hafa losnað við hálfgerðan kolkrabba sem hafði fest sig á andlit hans. Brýst kvikyndi út úr brjósti hans með tilheyrandi látum og tilþrifum. Hefst nú mikill eltingarleikur um geimskipið til að finna skrímslið, sem stækkar hratt og virðist ódrepandi með öllu. Alien er ótrúlega góð mynd, þar sem persónusköpun er gefið mikið vægi. Sigourney Weaver fer á kostum sem Warrant Officer Ellen Ripley. Hefur verið sagt að þetta sé með fyrstu kvenhetjumyndum sem náðu vinsældum meðal kvikmyndagesta. Það hafa fáar leikkonur náð að skapa jafn góða hetju og Sigourney, nema ef vera skildi Linda Hamilton sem Sarah Connor í Terminator 2, og Geena Davis sem Samantha Cain í The Long Kiss Goodnight. Tom Skerrit sem Dallas sýnir líka góð tilþrif sem frekar einfaldur en áreiðanlegur yfirmaður þessarra sundleitu áhafnar. Allar tæknibrellur og myndasköpun eru mjög vel gerð, og oft skemmtilegt að sjá hvernig leikstjórinn Ridley Scott notar langar þagnir við uppbyggingu atriða. Margir segja að Aliens sé betri mynd en Alien, en ég vil halda því fram að myndirnar tvær séu svo ólíkar að ekki sé hægt að bera þær saman. Fyrsta myndin fjallar um 7 áhafnarmeðlimi geimskips, og áhorfandinn hefur samúð með hverjum og einum áhafnarmeðlim. Alien er líka mjög dimm og köld, þar sem mikil áhersla er lögð á persónusköpun og uppbyggingu geimverunnar sjálfrar. Aliens á hinn bóginn fjallar um herskara af hermönnum, sem manni er nokk sama ef eru drepnir. Hún er líka mun bjartari og miklu hraðari heldur en sú fyrsta. Ef þú vilt sjá cult mynd, þá er Alien rétta myndin, ef þú vilt sjá eina af bestu hryllings-spennu myndum nokkru sinni framleidd, þá er Aliens rétta myndin.

Þessi mynd er svo frábær og svo yndisleg á að horfa að það fer hrollur um mig í hvert skipti sem tónlist Jerry Goldsmith byrjar hana. Þekkt fyrir ýmislegt, m.a. að sýna í fyrsta skiptið frægustu geimveru síðari ára (fyrir utan E.T.) og fyrir að hafa verið fyrsta myndin í skemmtilegustu geim-sögu allra tíma. Síðustu tvær myndirnar standist forverunum engan veginn snúning og væri réttast að horfa eingöngu á þessa og Aliens og sleppa hinum algjörlega. Flottar sviðsmyndir, frábær kvikmyndataka, yndisleg uppbygging á spennu og fullkomnir leikarar gera Alien að bestu vísindaskáldsögu sem sést hefur, og þrátt fyrir að Aliens sé kannski betri mynd (að mínu mati), þá stendur þessi henni ekki langt að baki.