Cloverfield (2008)

 Cloverfield kemur á óvart hvað hún er drullugóð. Hún byrjar reyndar ekkert smá leiðinlega en síðan þegar árásin hefst þá byrjar fjörið. Atburðarrás sem er þvílíkt spennandi og sannfærandi og ég gat ekki betur séð en hægt væri að hrósa fyrir tæknibrellurnar. Ég hefði gagnrýnt myndina fyrir það að það er ekkert reynt að útskýra neitt í sambandi við þessi skrímsli, hvaðan þau komu og hvað þau vilja en það væri reyndar ósanngjart því öllum slíkum útskýringum væri erfitt að sinna með þennan stíl sem myndin hefur þannig að ég býst við að ég líti fram hjá því. Leikurunum tekst prýðisvel að túlka þessa nauðsynlegu angist en því miður sést samt að þetta eru stereótýpur. Flott mynd sem gengur upp á marga vegu og tek ég undir með þeim sem skrifað hafa um hana á undan og mæli með henni.

 Fyrir þá sem vilja láta hræða sig. Sem fynnst gaman af myndum sem eru ekki huggulegar, þá er 'Cloverfield' málið. Myndin er sögð frá sjónarhóli hóps ungs fólks sem lendir í ægilegum raunum, sem er dálitið dæmigert fyrir hrollvekjur reyndar. Eftir að atburðarásin fer af stað þá tínir það frekar hratt tölunni, sem einnig er frekar dæmigert. Myndin er sýnd frá sjónarhóli digital videokameru, og sést allt sem fram fer eins og í gegnum linsu hennar. Myndin flöktir og hreyfist þegar sá er heldur á Kamerunni hleypur og hreyfir sig, sem dæmi. Þetta er einfaldlega skemmtileg tilbreyting og gerir upplifunina nánari fyrir áhorfendur. Skrímslið sjálft er svona nokkurn veginn það sem maður gæti ímyndað sér að yrði til ef T-Rex og móðurskrímslið úr 'Aliens' myndu eignast afkvæmi. Eins og móðurskrímslið, er skrímslið í 'Cloverfield' greinilega 'hive' vera, þ.e. er drottning margra minni skrímsla. Þau koma til sögunnar er nokkuð er liðið á myndina, og svona kridda atburðarásina nokkuð. Einnig sbr. 'Aliens' þá getur bit þeirra haft nokkuð óvæntar en frekar 'gory' afleiðingar svona eftir á. Þannig séð má segja að 'Cloverfield' sé ekki alveg algerlega nýstárleg, þ.e. dálítið afleidd eða 'derivative.' Blanda af 'Jurassic Park' og 'Aliens' og ef til vill með nokkur gen frá 'Godsilla' myndunum. En hvað um það, þ.s. skiptir máli er að 'Cloverfield' alveg þrælvirkar. Er hvorttveggja í senn hrollvekjandi og spennandi. Þó að hún komi ekki með eins margt nýtt eins og 'Aliens' gerði á sínum tíma, en nánast allar skímslahrollvekjur sem síðan hafa verið gerðar hafa sókt í hana fyrirmyndir, þá er 'Cloverfield' algerlega án vafa besta hrollvekjuskrímslamynd sem hefur verið gerð síðan 'Aliens' var gerð. 'Cultmynd' þessa og næsta áratugar er komin í bíóhús. Ekki missa af henni.

 Ég fór á frumsýninguna á þessari mynd. Ég var svo ótrúlega spenntur allan tímann að ég get bara ekki lýst því. Ég fór með eldri bróður mínum, hann fór með engar væntingar en svo þegar við komum út sagði hann "Þetta var snilldarmynd". Því var ég sammála. Mér fannst markaðsherferðin hjá framleiðendum myndarinnar alveg frábær. Mér sjálfur finnst þessi mynd frábær (eins og ég segi hér að ofan), en allavega ef ég á að lýsa þessu í einu orði þá er það "spenna" og líka "snilld

 Cloverfield er helvíti öflugur spennutryllir sem nær að halda manni límdum við skjáinn þessar 73 mín. Myndin er þó að mín mati fullstutt og að bíóin séu að troða 20 min auglýsingum og 15 mín. hléi á 73 mínútna mynd er hreint út sagt með ólíkindum!! Myndin byrjar á því að byggja upp karakterana með misgóðum árangri, en þó tókst mér að finna til með þeim þegar leið á myndina. Leikstjórinn gerir sér grein fyrir takmörkunum leikarana á þessu sviði og að kynning og persónuþróun þeirra er í raun aukaatriði - það er ekki það sem myndin vill koma á framfæri. Henni tekst að leysa þennan vanda með að hafa 4 manna kjarna út myndina, en myndin fjallar um þeirra baráttu við að losna úr klóm New York þegar skrímslið kemur.Myndin er fáránlega vel gerð og handycam lúkkið algjörlega að gera sig, gefur myndinni mjög sérstakan blæ og hér eru menn virkilega að prufa mikið af nýjum hlutum sem allir ganga upp. Myndin skilur einnig mikið fyrir þá forvitnu en maður fær engin svör við hlutum sem maður venjulega fær að vita án fyrirhafnar í svona stórslysamyndum. Hreint út sagt er þetta helvíti öflugur thriller og ég hafði mjög gaman af Cloverfield. 8.5/10

Ég verð fyrst og fremst að hrósa aðstandendum Cloverfield fyrir brilliant markaðsherferð, en henni tókst að byggja upp góðar væntingar hjá mér fyrirfram. Í raun og veru er Cloverfield ótrúlega standard skrímslamynd, en frásagnarháttur myndarinnar er þessi kjarni sem lætur hana skera langt fram úr gleymdum ræmum á borð við Godzilla. Stíll myndarinnar (sem hefur verið margoft borinn saman við The Blair Witch Project) er ferskur og mun betur nýttur heldur en áður (t.d. Blair Witch...). Myndin heldur uppi góðri spennu og mótar mjög "intense" fíling.Myndin er líka virkilega flott, og nánast með ólíkindum miðað við kostnað hennar. Tæknibrellur eru sömuleiðis góðar. Skrímslið sjálft er mjög sannfærandi, þó svo að mér hafi persónulega fundist þeir sýna of mikið af því. Um leið og maður fékk að sjá það almennilega hugsaði ég: "Þetta allt og sumt??" Greinilegt að hugmyndaflugið getur verið margfalt óhugnanlegra, og leikstjórinn Matt Reeves hefði alveg mátt nýta sér það betur að "tease-a" skrímslið frekar en að leyfa áhorfendum að sjá það áður en fyrsti hálftíminn er liðinn.Cloverfield er líka stutt mynd, kannski alltof stutt. Hún skilar sínu með prýði og skilur mest eftir sig í stílfæringunni. Persónurnar hins vegar voru afskaplega flatar og ómerkilegar og var mér nett sama um alla (nema hugsanlega manninn á bakvið vélina - af þeirri einu ástæðu að hann var mjög fyndinn). Þetta er engu að síður vel heppnað bíó og almennt góð skrímslamynd. Annars, ef þið hafið áhuga á því að sjá frábæra skrímslamynd sem kemur enn meira á óvart og leyfir ímyndunaraflinu meira að leika lausum hala, þá mæli ég frekar með The Mist.7/10

Ekki hélt ég að ég gæti fengið sömu upplifun og þeir sem fóru á sýningu kvikmyndarinnar "The Great Train Robbery" árið 1903, en að fara á Cloverfiled komst ansi nálægt því. Ég ætlaði næstum að hlaupa út úr bíóinu af hræðslu. Ég man ekki eftir neinni mynd sem hefur haldið spennunni alla leið heim og alla nóttina. Ég bókstaflega vaknaði með hnút í maganum af hræðslu. Það er alveg ólýsanlegur frumleiki í heildaruppbyggingu myndarinnar og djörf í alla staði sem minnir óneitanlega á The Blair Witch Project.Þegar ég sá auglýsinguna frá Nexus um að þessa mynd þurfi að sjá án texta og hlélausa þá hélt ég að þeir væru nú bara að reyna að selja fleiri miða. En ég get staðfest að þeir voru ekki að grínast. Myndin er rétt rúmlega 80 mínútur, og það eitt er næg ástæða til að sleppa hléi, en að auki þá setur sérstakt útlit myndarinnar algjört bann á hlé og texta. Ég hvet kvikmyndahús til að hugsa sig alvarlega um hvort þeir vilji ekki sleppa hléinu á þessari mynd.Myndin tekur soldinn tíma í að byggjast upp. Maður fær að kynnast persónunum soldið. Og spennan fer soldið upp og niður. Sumir aulaskapir í einnum að aðal persónunum fór í taugarnar á mér. Annað sem fór í taugarnar á mér var hversu margir hafa borði hana saman við Godzilla, en Cloverfiled er alls ekkert lík Godzilla.Ég var fyrst að hugsa hvort þetta sé byrjunin á nýrri gerð kvikmynda, en núna held ég frekar að þessi mynd muni standa sér á stalli í ansi langann tíma. Ég get ekki ímyndað mér að nokkur maður eigi eftir að reyna svona lagað aftur.