The Incredibles (2004)

The Incredibles eða hin Ótrúlegu er ein besta teiknimind sem ég hef séð.Tölvuteykningarnar hjá Pixar verða alltaf betri og betri með árunum en þetta nær hámarki.Þess vegna var ég hálf sorgmæddur að heyra að þetta væri næst seinasta mynd Disney og Pixar.Þetta byrjaði allt með Toy Story árið 1995 en síðan hafa komið út fjöldamargar aðrar t.d. Bugs Life,Monster Inc og Finding Nemo.Þó að það hálf eiðileggi myndina að setja á hana íslenskt tal er hún FRÁBÆR afþreying fyrir bæði unga sem aldna.

Því gef ég myndinni fjórar stjörnur fyrir eina frábærustu teyknimynd sem út hefur komið(fyrir utan Shrek 1 og 2).

The Incredibles er alveg hiklaust með þeim betri teiknimyndum sem að Pixar hafa sent frá sér. Handritið að myndinni er mjög gott. Húmorinn er alveg geðveikur í þessari mynd. Allir sem að eiga þátt í að gera þessa mynd skila sinni vinnu af mikilli snilld. Hvort sem það eru raddirnar frá leikurunum(Samuel L. Jackson, Holly Hunter, Jason Lee, Craig T. Nelson o.fl.), tæknivinnann eða leikstjórn er það gert með mikilli snilld eins og ég sagði áður. Þó að það sé gaman að fylgjast með því þegar að fjölskyldan er að reyna að bjarga heiminum,sprengjandi hluti upp og svoleiðist stuff, þá fannst mér helst gaman að fylgjast með því hvernig leikstjórinn blandar fjölskyldulífinu inn í meðan þau eru ekki súperhetjur. Það er mjög sjaldgæft að maður fái að sjá teiknimyndapersónur haga sér eins og venjulegt fólk og gerandi hluti eins og venjulegt fólk gerir. Eins og að hafa rifrildi, ala upp börnin og svona normal things sem að normal people gerir í daglegu lífi. Það fannst mér mjög athyglisvert að horfa á því að maður hafði ekki séð svona í teiknimynd áður. Og ég hef aldrei verið jafn spenntur yfir teiknimynd. Þvílíkt hvað hún var spennandi á tímum. Mjög augljóst að þeir hafi fengið inspiration frá myndum eins og James Bond, Indiana Jones og fleiri í sumum atriðunum. Mæli hiklaust með þessari mynd fyrir alla, old or young. 4 stjörnur. Takk fyrir.

Þegar ég hafði heyrt mikið um þessa mynd ákvað ég að skella mér á hana með vini mínum. Myndin er fín, tónlistin ágætt og handritið gott.

Tæknilega hliðin er góð í þessu umhverfi. Samtölin eru fyndin og sum atriðin sprenghlægileg. Myndin er fullkomin fjölskylduteiknimynd. Talsetning er góð og Samuel L. Jackson fer snilldarlega með hlutverki sitt sem Frozezone. Myndin er um Parr-fjölskylduna sem lifir hinu venjulega bandaríska lífi eða hvað? Þetta er fimm manna fjölskylda sem hefur ofurkrafta! Pabbinn/Bob Parr/Mr.Incredible er súpersterkur. Mamman/Elastygirl getur teygt sig langt, mjög langt! Dóttirinn/Violet Parr getur gert sig ósýnilega og gert verndarsvið (force field) og Sonurinn/Dash da flash getur hlaupið virkilega hratt. Svo er það litla barnið sem getur í raun ekki gert neitt eða hvað?


Mamman og pabbinn ákváðu fyrir löngu að hætta ofurhetjustörfum og eignast fjölskyldu en þegar pabbinn er rekinn úr vinnunni ákveður hann taka að sér eitt lítið ofurhetjustarf en kemst of seint að því að yfirmaður hans í því starfi er sár og svikinn fyrrum aðdáandi sem fangar Mr.Incredible og þarf Mr. Incredible nú hjálp frá restinni úr fjölskyldunni sem kemur stormandi inn með góðum/vondum afleiðingum!

Þegar myndin var búinn kom hin klassíska spurning frá vini mínum ,,Hvaða ofurkraft hefðir þú viljað hafa?

Eins og stendur framan á myndinni Expect The Incredible bjóst ég við snilldar mynd, og það eru fimm ástæður að ég bjóst við svona góðri mynd. 1. Þessi mynd er búin að græða 251 milljónir dollara í bandaríkjunum og græðir enn. 2. Hún er búin að græða 275 milljónir dollara um alla evrópu og græðir enn. 3. Hún er búin að græða 526 milljónir dollara um allan heim og græðir enn. 4. Hún er í 111 sæti inná topp 250 listanum inná imdb og er með 8.1 í einkunn af 10. 5. Hún er í 12 sæti hér inná topplistanum á kvikmyndir.is með 8.9 í einkunn af 10. Ég fór á þessa mynd fullur af spenningi og hélt að þetta yrði besta Pixar mynd héðan í frá. En nei hún fór beint í annað sæti yfir Pixar myndir hjá mér, með Finding Nemo í fyrsta. Þessi mynd fjallar um fjölskyldu sem eru ofurhetjur sem eru hættar að bjarga fólki og þannig. Þau hafa öll sína kosti, Pabbin(Mr.Incredible) í fjölskyldunum er mjög sterkur og getur lyst öllu og brotið allt. Mamman(Elastigirl) í fjölskylduni getur teygt hendurnar og lappirnar eins langt og hún getur án þessa að meiða sig. Strákurinn(Dash) í fjölskylduni getur hlaupið eins hratt og hann getur á þess að verða þreyttur. Stelpan(Violet) í fjölskylduni getur gert sig ósýnilega hvenær sem er. Svo er það litla barnið sem engin veit í fjölskylduni að það er með ofurkrafta getur gert eld um sig allan og er skothelt. Ég ætla ekki að segja neitt meira um þessa mynd svo ég eyðileggi ekki fyiri þeim sem hafa ekki séð þessa mynd. Mér fanst hún bara ekki nógu góð og hún er svoldið ofmetin og ég gef henni þrjár stjörnur.

Jæja ég verð bara að segja að ég hef ekki skemmt mér jafn vel á mynd síðan ég sá Shrek 1 :) þá hló ég gríðalega og núna kom loksins mynd sem náði að toppa Shrek :D. ég hef alltaf verið mikill aðdáandi teiknimynda og þegar tölvugerðar myndir komu fyrst fannst mér það bara frábær þróun! The Incredibles kom loksins í bíó eftir að auglýsingar og brot úr myndinni hefðu verið sýndar víða í marga mánuði, og ég var orðinn frekar spennt! ég sá hana í minnsta sal háskólabíós en það skemmdi sko ekkert fyrir mér eða neinum í salnum heyrðist mér,því að fólk grét úr hlátri allt í kringum mig!! ég get ekki annað en gefið henni mínar allar stærstu stjörnur fyrir bráðfyndið handrit, skemmtilega karktera og vel unna leikmynd!!

ég mæli eindregið með því að allir skelli sér á The Incredibles, krakkarnir, unglingarnir, fullorðafólkið og jafnvel eldra fólkið gæti fundist gaman af þessari! svosannarlega eitthvað fyrir alla!! ;)

er að spá í að skella mér aftur!!

The Incredibles er nýjasta afurð samstarfs Disney og Pixar sem hafa skilað af sér meistaraverkum á borð við Toy Story, Monsters inc og nú síðast óskarsverðlaunamyndina Finding Nemo. The Incredibles toppar þær allar. Myndin fjallar í stuttu máli um ofurhetjuna Mr. Incredible/Bob Parr (Craig T. Nelson) sem er dáð ofurhetja. En einn dag bjargar hann manni sem vill ekki láta bjarga sér og kærir hann Mr. Incredible fyrir að bjarga sér og í kjölfarið fylgja hundriðir ákæra á ofurhetjur alstaðar og áhveða stjórnvöld að ofurhetjur eiga draga sig í hlé og fara í felur. 15 árum seinna sjáum við svo Bob aftur en hann er hamingusamlega giftur Helen Parr/Elastigirl (Holly Hunter) sem er einnig fyrum ofurhetja. Þau eiga þrjú börn Dashiell “Dash” getur hlaupið á ofurhraða og Violet getur gert sig ósýnilega og gert aflsvið (force field). Bob leiðist mjög að lifa venjulegu lífi en þegar hann fær óvænt tilboð um að sinn smá ofurhetju störfum stlær hann til. En ekki fer allt eins og hann ætlaði. Það sem gerir þessa mynd betri en hinar Pixar myndirnar er trúlega þrælskemtilegt handrit leikstjórans Brad Bird en blandar hann inn í söguna smá James Bond fýling sem og smá Indiana Jones fýling og kemur þessi blanda frábær lega út. Einnig er mjög góður húmor í myndini sem höðar jafnt til barna sem og fullorðina. Útlit myndarinnar kemur mjög vel út og er allt frá gróðri og til gríðalegra sprenginga unnið af mikilli fagmensku og gefur það ekkert öðrum Pixar myndum eftir. Talsetningin er mjög vel útfærð og fara þer stórleikarar á borð við Craig T. Nelson, Holly Hunter, Samuel L. Jackson og Jason Lee. Senuþjófurinn í talsetninguni er þó leikstjórin sjálfur Brad Bird sem talar fyrir hina létt gegjuðu Ednu Mode og skapar hann með framistöðu sinni ógleymalega persónu. Þegar upp er staðið hefur Pixar fyrirtækinu en á ný tekist að skapa fullkomna fjölskyldu mynd og ég gef The Incredibles 10 í einkun enda er hér á ferðinni besta mynd ársinis 2004. Takk fyrir.

Ég fór á myndina The Incredibles með miklar væntingar eftir að vinir mínir sögðu að hún væri frábær. Og það var rétt hjá þeim þetta er besta teiknimynd sem ég hef séð. Hreifingarnar voru alveg frábærar, búningarnir æðislegir og nátturlega myndin var frábær. Ég hef ekkert meira að segja um myndina. Ég mæli mikið með henni

Ég ákvað fyrir stuttu að skella mér á The Incredibles með tveimur vinum mínum. Ég hafði beðið eftir henni með mikilli eftirvæntingu og gert mér vægast sagt miklar vonir. Við höfðum verið í vandræðum með að redda okkur fari niður í álfabakka svo að við komum örlítið seint. Þegar í bíóið kom blasti við okkur röð úr miðasölunni sem náði alveg að nammisölunni (Það eru 4 raðir að mig minnir :S). Eftir langa bið komum við loksins að miðasölunni og náðum miðum, en þegar inn í salinn kom sjáum við að það eru bara laus sæti í tveimur neðstu röðunum. Nú var mig farið að gruna að þessi bíóferð ætti ekki eftir að verða góð. Við setjumst fullir trega niður í 2. röð frá tjaldinu og byrjum áhorfið.


Myndin fjallar um það að Mr. Incredible/Bob Parr og Elastigirl/Helen Parr ákveða að hætta ofurhetjustörfum og stofna fjölskyldu. Þau eignast þrjú börn og tvö þeirra hafa ofurkrafta. Dashiell “Dash” getur hlaupið óeðlilega hratt og Violet getur gert sig ósýnilega og gert eins konar aflsvið (force field). Þegar Bob er rekinn úr vinnunni ákveður hann að taka tilboði sem hann fékk um að sinna smá ofurhetju störfum. Bob kemst svo að því að yfirboðarar sínir eru ekki allir þar sem þeir eru séðir og lendir í gríðarstórum bobba. Helen kemst að því hvar hann er og fer á eftir honum, en hún veit ekki að börnin lauma sér með. Úr þessu hefst gríðarskemmtilegt ævintýr.


Brad Bird leikstjóra og handritshöfundi myndarinnar tekst að skapa frábæra mynd og að mínu mati bestu Pixar myndina (þó hef ég ekki séð Finding Nemo). Handritið er hreint út sagt stórkostlegt og heppnast frábærlega. Persónurnar eru mjög skemmtilegar og gaman að fylgjast með fjölskyldulífinu hjá ofurhetjum &61514;. Samtölin eru gríðarlega skemmtileg og einstaklega fyndin. Hvergi er að finna dauðan punkt í myndinni og er það að þakka einstaklega skemmtilegu og hnyttnu handritinu.


Mér þykir Brad einnig hafa tekist mjög vel upp með val á leikurum. Hann var ekkert að velja einhverjar stórstjörnur en allir skiluðu verki sínu vel og ég vil undan engum þeirra kvarta. Þess má til gamans geta að hann talar sjálfur fyrir eina persónuna en það er hin skemmtilega persóna Edna ‘E’ Mode. Craig T. Nelson ljáir sjálfum Mr. Incredible rödd sína á skemmtilegan hátt og einnig er vert að minnast á Samuel L. Jackson en hann er frábær sem ofurhetjan Frozone.


Tæknilega hliðin á myndinni þótti mér líta mjög vel út. Þó svo að ég hafi ekki mjög mikið vit á þessu þá fannst mér þetta mjög flott. Jafnvel það sem er í bakgrunni er flott og raunverulegt.


Tónlistin var eins og flest annað mjög vel unnin. Hún passaði mjög vel inn þar sem hún var sett en var þó ekki of áberandi. Skapaði rétta stemningu fyrir áhorfandann.


Þetta byrjaði sem versta bíóferð sem ég hef upplifað en endaði sem ein sú besta. Eins og ég sagði þá finnst mér þessi mynd standa uppúr því úrvali ef Pixar myndum sem ég hef séð þó góðar séu. Brad Bird tekst að láta allt passa saman og skrifa alveg hreint frábært handrit sem kemur út sem ein besta mynd þessa árs. Ég gef myndinni hiklaust 3.5 stjörnur af 4 mögulegum.

Talandi um hypaða Pixar mynd, Incredibles er mesta kjaftæði sem til er. En auðvitað er þetta tölvuteiknuð fjölskyldumynd og raunveruleikinn hefur lítið að gera með það. Fyrri helmingur myndarinnar dregur einum of mikið og er ekki mjög fyndinn. Seinni helmingur myndarinnar er þvílíkt hraður og skemmtilegur, allt í eintómum hasar. Ég verð að segja að þessi mynd er ofmetin, ég er ekki mikill Pixar mynda aðdáðandi en þessi mynd er samt þvílíkt ofmetin. Það var fyndið að heyra í Samuel L. Jackson sem einn af Incredibles en hann hefur samt ekki nægan ´screen time´. Incredibles er fullkomin mynd ef þú ert að leita af fjölskyldumynd eða bara léttu gríni, hún á skilið þrjár stjörnur.

Þessi mynd er alveg fyrirtak - 4 stjörnur...Ég fór á forsýninguna og skemmti mér alvarlega vel, það var varla punktur í þessari mynd sem ég grét ekki úr hlátri yfir. Myndin fjallar um þessar tvær ofurhetjur sem drógu sig úr sviðsljósinu til að stofna fjöldskyldu. Rétt áður en hasarinn byrjar sjáum við að þau hafa eignast 3 börn saman, öll með sinn kraft. Stelpan (Violet) er mjög feimin stelpa sem getur gert sig ósýnilega, strákurnn (Dash) getur hlaupið á ljóshraða en má ekki taka þátt í íþróttum og barnið hefur reyndar enga náðargáfu (TEASER - fyrr en seinna í myndinni), allavega...Þessi fjöldskylda er að reyna að lifa hinu eðlilega lífi þegar Mr. Incredible verður rekinn úr vinnunni sinni sem leiðir hann út í að vinna fyrir einhvern misterious gaur sem lætur hann vinna aftur sem ofurhetja...það endar með því að konan (Elastigirl) hans fer að leita að honum eftir að hann fer í eina Business ferð fyrir vinnuna og kemst að því að hann er að gera ofurhetjustörf aftur...áður en hún finnur hann kemst hann að því að þessi misterious gaur sem hann var að vinna fyrir reyndist vera krakkinn sem hafði verið hans mesti aðdáandi fyrir löngu og var alltaf að bögga hann um að fá að vera side-kickinn hans. Hann varð mjög reiður þegar Mr. Incredible neitaði honum svo hann byrjaði að drepa allar aðrar ofurhetjur til að geta orðið ein sjálfur...sú eina eftirstandandi...en svo þegar konan hans finnur hann kemst hún að því að börnin þeirra hafa verið að elta hana alla leiðina og nú þurfa þau að stoppa þennann brjálæðing...Hiklaust 4 stjörnur...

The Incredibles er virkilega nálægt því að fá hjá mér fullt hús stiga. Ég hugsa að einkunnin sé meira í kringum 9 og 3/4. Þetta er hreint út sagt æðisleg fjölskyldumynd sem svo sannarlega stendur undir nafni ásamt því að vera hugsanlega best heppnaða Pixar-myndin hingað til. Hér er varla dauðan eða veikan punkt að finna. Myndin er stórskemmtileg, fyndin, spennandi, flott til að líta á og síðast en ekki síst hefur hún svo brennandi mikla orku að hún heldur frábæru flugi út alla lengdina, jafnvel þótt hún teygi sig hátt í tvo klukkutíma. Allur pakkinn er dúndur, a.m.k. fannst mér hún uppfylla allar þær kröfur sem ég geri til mynda af þessari tegund. Myndin er líka algert tækniundur, svo mikið að það myndi ekki skipta neinu þótt söguþráðurinn væri lélegur. En jú, hann er einnig bráðskemmtilegur með góðum húmor. Þessi saga er ekki að reyna að gera eitthvað nýtt, heldur er hún bara að sýna erfitt fjölskyldulíf í aðeins ''óhefðbundnari'' kantinum, ef svo má orða það. En hvað með það, þetta gengur allt saman upp! Krakkar eiga eftir að öskra af gleði yfir öllu fjörinu meðan hinir fullorðnu kunna að meta stórkostlega hnyttið handrit og allskyns tilvísanir í daglega lífið sem fá mann til að brosa út í eitt. Allur hasarinn og eltingarleikirnir sem þar fylgja eru líka alveg meiriháttar, og grafíkin hjálpar vel til. Sterkasti þáttur myndarinnar er hinsvegar innifalinn í persónunum, og það er heldur ekkert verra hversu geysilega eftirminnilegar þær eru sumar (þessi Edna Mode er þarna meðtalin - atriðið með útskýringu þeirra vandræða sem skikkjur valda er pjúra snilld). Raddirnar passa líka vel við. Craig T. Nelson, Holly Hunter, Jason Lee og Samuel L. Jackson koma mjög vel út sem og hin óþekktu sem ljá krökkunum raddir sínar. The Incredibles þarf vart á nánari lýsingu að halda. Hún toppar allavega hinar tölvugerðu teiknimyndir ársins (þ.e. Shrek 2, Shark Tale og The Polar Express), sem og flestar aðrar fjölskyldumyndir síðustu misseri. Ef eitthvað er út í það farið er þetta líklega ein af bestu myndum ársins. Það segir samt ekki mjög mikið, miðað við hversu arfaslakt kvikmyndaár þetta hefur verið. En samt sem áður gerist varla betra bíó yfir hátíðirnar en þetta. Skemmtið ykkur vel!9/10 - Mig dauðlangar í framhald!