Star Wars: The Phantom Menace (1999)

Hérna er komið framhald af Star Wars (ég man ekki númer hvað) sem er ekki jafn mikil perla og gömlu myndirnar en er samt hin fínasta skemmtun.INNIHELDUR MINNSTA SPOILER ALLRA TÍMA. Þar sem Darth Vader er dáinn og eins og allir vita er hann faðir Lukes (þetta var spoilerinn) en núna er kominn nýr Darth sem heitir Darth Maul. Tæknibrellurnar eru náttúrulega góðar eins og allar Star Wars myndirnar en allir leikararnir standa sig með prýði (sérstaklega strákurinn) og leikstjórnin líka en útkoman úr þessu er bráðskemmtileg mynd fyrir alla fjölskylduna.

Ég veit ekki hvað á að segja. Star Wars er Star Wars. Kannski ætti ég að byrja á allt það góða við myndina. Tæknibrellurnar og öll tæknilega vinnslan er hrein gæði. Mjög vel gerð í alla staði. Mjög fínir leikarar líka, flestir þá meina ég. En sá sem leikur Anakin hann Jake Lloyd er því miður ekkert góður. Kannski er það hræðilega handritið eða kannski bara aldurinn hans. Handritið var því miður lélegt, hann Lucas kann ekki að skrifa lengur. Ég ofmat Episode II mjög mikið og gaf henni 4 stjörnur en nú þegar ég hugsa til baka vil ég breyta því í 3 stjörnur. Handritin hans Lucas eru hreint viðbjóð í þessum nýju Star Wars. Jar-Jar Binks er líka eitt sem dregur myndina dáldið. Hann er fyndinn á köflum en getur verið alveg afskaplega pirrandi. Leikstjórnin er ekkert sérstök heldur. Hann Lucas fékk sér assistant director og lét hann sjá um mest allt sem voru hræðileg mistök. Bardagarnir eru svosem mjög góðir flestir. Samt var geimbardaginn með Anakin sprengja upp þetta ´federation ship´ alveg hlægilegt. Tónlistin er mjög góð, John Williams bregst ekki. Episode 1 er versta Star Wars myndin, episode II var aðeins betri þannig kannski verur episode III aðeins betri en episode II? Hver veit. Annars var episode 1 vara fín mynd, alveg þess virði að eiga og horfa á stundum.

Star Wars: Episode 1 er því miður lélegasta Star Wars myndin hingað til en samt er hún allveg ágætt. Tæknibrellurnar eru flottar og er leikurinn í myndini fínn. Strákurinn sem leikur Anakin er frábær og er Obi Wan fín. Lucas hefðis samt getað gert miklu betri hluti og því miður tóst það ekki. Fínn mynd samt.

Ég er að segja það að ég hef aldrei haft neinn sérstakann áhuga á þessu Star Wars vitleysu, alltaf sagt að ef myndirnar eru einhverskonar kjaftæði þá er enginn tilgangur að horfa á þær. Þetta var allavegna skoðun mín þangað til að ég var neyddur til að koma á Star Wars Episode 1, og eftir að ég sá hana varð ég svo hrifin að ég varð bara að sjá hinar þrjár myndirnar. Nú eftir að ég hef séð alla syrpuna þá lækkaði álit mitt á Episode 1, fyrsta myndin sem hét bara Star Wars var góð, önnur myndin sem hét Empire Strikes Back var hálf leiðinleg ( allt þessum leiðinlega hvíta lit að kenna ), og þriðja myndin sem hét Return of the Jedi var frábær. Allar sögurnar eru mjög vel út pældar enda enginn aukvissi þar að baki, enginn annar en George Lucas sem hefur tekist að byggja upp þessa frábæru sögu um baráttuna um sólkerfið, þar sem hann flakkar á milli alls kona plánetna. Núna er ég kominn svo mikið inní þetta að ég get varla beðið eftir næstu tveim myndum. Enn þó að ég gef ekki nema þrjár stjörnur er það bara vegna þess að ég er að gefa öllum fjórum myndunum sameginlega. Enn lesendur þessarar ummfjöllunar hjá mér hljóta að vera sammála mér í því að Empire Strikes Back hafi verið leiðinlegasta myndin af þessum fjórum. Þið sem segið það sama og ég sagði áður en ég sá Episode One, gefið þið þessum myndum aðeins séns, þið eigið örugglega ekki eftir að sjá eftir því.

RUSL af verstu gerð. Það er hreint útsagt ótrúlegt að George Lucas hafi tekist að klúðra Stjörnustríðsbálknum svona rosalega með þessu kjaftæði. Í fyrsta lagi er handritið HRÆÐILEGT í orðsins fyllstu merkingu. Það mætti halda að hann Lucas hafi byrjað á handritinu á meðan tökum á myndinni stóð! Það má með réttu segja að Star Wars: Episode 1 - The Phantom Menace sé skólabókardæmi um lélega kvikmyndagerð. Hér finnur þú allt sem prýðir beint á spólu myndir: Illa skrifaðir og óþolandi karakterar sem fara með sorglega hlægilegar línur, söguþráður af versta plani ( og jájájá ekki reyna að troða upp í mig þessu þetta er aðeins byrjunin á sögunni bulli ), hörmulegir leikarar sem gefa orðinu hörmung nýja merkingu og síðast og síst Jar Jar Binks! Varist þessa!

Það er algjör synd að ekki skuli gerður meiri munur á meistaraverkum og góðri froðu. Star Wars Episode 1 fellur í seinni hópinn. Það ætti eiginlega að vera tveir aðskildir skalar fyrir hópana tvo, þar sem þeir eru ekki sambærilegir. Myndin er góð, ágætis skemmtanagildi, þó að algjörlega misheppnuð persóna einhverrar geimveru sem á að vera fyndin dragi hana svolítið niður. Kappakstursatriðið er hins vegar ágætlega útfært, og hljóðið við það atriði er hreint út sagt magnað. Ég sé mér hins vegar ekki fært að gefa henni 3 til 4 stjörnur fyrir það, enda margar aðrar myndir sem eiga þá einkunn betur skilda. Ef þið ætlið bara á eina mynd í bíó, ekki láta það vera þessa. Ég mæli frekar með 'Fucking Åmål' í Háskólabíói.

Einstaklega fallegt og skemmtilegt ævintýri fyrir börn á öllum aldri (frá 2-99). Þarna fáum við að kynnast því hvernig Anakin Skywalker kynntist Jedi-reglunni í gegnum hinn virta Jedi-Meistara Qui Gon Jinn. Einnig fáum við að kynnast því hvernig hið illa byrjar að festa rætur í þessum líflega ævintýraheimi. Tilgangur þessarar myndar er greinilega aðallega sá að kynna okkur fyrir því hvernig þetta byrjaði allt. Hvaðan Darth Vader kom. Í hvaða stöðu Palpatin var í upphafi. Hvernig Lýðveldið byrjaði að spillast. Mér sýnist myndinn öll vera einstaklega vel unnin að undanskildu Screen playinu, sem hefði mátt vera aðeins betur skipulagt. Þá er ég að tala um að senurnar voru ekki nægilega mikið splittaðar. T.d. þegar eitthvað var að gerast á stað A þá var nánast ekkert að gerast á stað B. Sú splittun kom allt of seint þegar hún kom. Við vorum nánast með sama fólkinu alla myndina. Með aðeins meiri fjölbreytni hefði hún náð 4 stjörnum hjá mér. May the force be with you.

Ég er sjákfur mikill Star Wars aðdándi og á allar gömlu myndirnar og fýæla þær allar í botn. Þess vegna þegar ég frétti að ný Star Wars mynd ætti að koma út gat ég ekki beðið eftir að hún kom út. Svo kom að því, ég hringdi í vin minn og við fórum á þessa mynd. En svo, úff, þetta er örugglega sú mest leiðingjarnasta mynd sem ég hef séð. Hún var ekkert lík hinum myndunum og gekk bara út á tæknibrellurnar, enginn Star wars stemning. Svo til að bæta gráu ofan á svart voru þeir með keinhvern krakka þar með. ég, persónulega, þoli ekki svona myndir þar sem krakkar eru gerðir að einhverjum svaka hetjum.

Nei þesi mynd er svo sannarlega þess virði að SLEPPA að sjá. Hún fær eina og hálfa stjörnu fyrir að hafa Liam Nelson og Evan McGregor í henni og góðar tæknibrellur, hræðileg mynd

Rosalega eru allir kröfuharðir í dag Ég verð nú bara að vera ósammála öllum þessum kvikmyndasnillingum sem "dissa" Episode I og verð því bara að gefa henni 4 feitar stjörnur. Myndin er snilld. Myndin passar akkúrat í Starwars-Trilogy og er ótrúlega vel gerð. Geðveikar tæknibrellur, flottar persónur, æðisleg tónlist og spennandi söguþráður. Málið er að kvikmyndagagnrýnendur hafa alltaf rakkað starwars myndirnar niður. Og hvað er málið með dissið á Jar-Jar Binks? Ótrúlega flottur karakter Samkvæmt kvikmyndagagnrýnendum var í Episode IV var C-3PO leiðinlegasti karakter sem hafði komið fram í sögu kvikmynda. Í Episode V var það Yoda og Episode VI voru það Ewoks. Og núna er það Jar-Jar. Erum við að fá Deja-Vu? Þetta er í raun og veru mjög simple, allir sem fíla ekki starwars skilja hana einfaldlega ekki.

StjörnuStríð I er dýrasta auglýsing (blurb) sem gerð hefur verið. Hún var víst svo dýr að eina leiðin til að fá dæmið til að ganga upp var að láta fólk borga sig inn á hana. StjörnuStríð I er best heppnaða auglýsingaherferð sem sögur fara af, Toy Story hvað. StjörnStríð I er líka lengsta auglýsing sem sögur fara af og partur af lengstu auglýsingaherferð sögunnar. StjörnuStríð I er ekki kvikmynd og ætti ekki að dæma hana sem slíka en ég ætla nú samt að gera það. Ég gef henni eina stjörnu fyrir glæsilegar brellur og stórleik íþróttaálfsins, annað var nú ekki boðlegt. StjörnuStreð I fengi fullt hús, já bara heila blokk stiga ef ég mundi flokka hana sem auglýsingu. Það eru ekki margar auglýsingar sem ég hef séð sem hafa skartað meiri dýpt, spennu og fegurð. Semsagt algjört must fyrir alla alvöru alvörugefna auglýsingasafnara sem vilja ekki auglýsa sig upp sem aula fyrir það eitt að eiga ekki StjörnStreð I í safninu sínu. Megi Krafturinn Vera Með Þér vinur!

Augnakonfekt, engin spurning um það. Það eru fáar myndir sem maður fer á og hreinlega vonar að myndin taki ekki enda. Eftir að hafa lesið misjafna kvikmyndagagnrýni um myndina, áður en ég sá hana sjálfur, var ég byrjaður að örvænta þó nokkuð. En hvernig gat ég nokkurntíma efast? Gleymið öllu bulli og farið á hana í gamla góða Star Wars "fílingnum" og þið getið verið viss um það að hún uppfyllir allar hörðustu kröfur um vægast sagt frábæra skemmtun.

Jæja, jæja Þá er hún loksins komin, Star Wars Episode I The Phantom Menace. Ég hef beðið þessarar myndar með mikilli óþreyju og ég varð ekki fyrir neitt sérstaklega miklum vonbrigðum með hana. Myndin er stútfull af lygilegum tæknibrellum, flottum hugmyndum, einum stórkostlegum sverðabardaga sem er sennilega hápunktur myndarinnar og hreint ágætri frammistöðu hjá Liam Neeson sem Jedi-meistarinn Qui-Gon Jinn. En myndin hefur einnig sína galla. Sagan er ansi þunnur þrettándi miðað við hinar myndirnar þar sem hún var pottþétt, persónusköpunin er sáralítil sem þó er kannski skiljanlegt þar sem að Lucas þarf að kynna alla hérna eins og hann þurfti að gera í Star Wars Episode IV A New Hope. Í þeirri mynd var persónusköpunin einnig mynnst af gömlu myndunum einfaldlega vegna þess að hún var sú fyrsta. Þessi er líka sú fyrsta í þessum nýja bálki svo að persónusköpunin er minnst hér einnig af þessum nýju myndum. Það er allavega mín trú. Og það vantar gömlu töfrana sem voru í fyrri myndunum. En myndin kemst vel í gang í síðari hlutinum og heldur þar uppi stanslausri keyrslu það sem eftir er svo að myndin er langt frá því að vera leiðinleg. Í stuttu máli sagt er sagan svona Hið illa Viðskiptabandalag, stjórnað af hinum dularfulla og ógnvænlega Darth Sidious hefur hafið innrás á hina friðsömu plánetu Naboo. Amidala drottning hefur beðið Lýðveldið um hjálp en það er orðið veikt og spilling ríkir á meðal ráðamanna þar. Valorum æðstikanlsari sendir tvo samningamenn til flota Viðskiptabandalagsins yfir Naboo. Það sem Viðskiptabandalagið veit ekki er að samningamennirnir eru báðir Jedi-riddarar, Qui-Gon Jinn og lærisveinn hans Obi-Wan Kenobi (Ewan McGregor). Þegar Darth Sidious skipar að þeir verði drepnir tekst þeim að flýja niður á plánetuna, bjarga drottningunni þaðan og komast fram hjá hindruninni sem umkringir plánetuna (með hjálp frá R2-D2). Skipið er það skemmt að þeir neyðast til þess að lenda á plánetunni Tatooine. Þar hittir Quin-Gon Anakin Skywalker, þá barn að aldri. Quin-Gon sér að Anakin hefur ótrúlega hæfileika til þess að verða gríðarlega sterkur Jedi-riddari og vill hann því taka hann með sér til þess að kenna honum. En Anakin er þræll skransalans Watto. Hann og Qui-Gon semja um að takist Anakin að vinna hið árlega í hinum árlega kappakstri þá fari hann með Qui-Gon. Anakin vinnur og fer með Qui-Gon. En Darth Sidious er búinn að finna út hvar Amidala drottning er og sendir hann lærisvein sinn, hinn öfluga Darth Moul á eftir þeim öllum. Amidala drottning ákveður að reyna að sigra Viðskiptabandalagið með hjálp Jedi-riddaranna, Jar Jar Binks sem á Qui-Gon líf sitt að launa og öllum Gungahernum. En þar bíður þeirra Darth Moul og verður barist uns yfir líkur. Ekki er þetta nú leiðinlegt. Sérstaklega ekki í seinni hlutanum. Varðandi karakterana Liam Neeson kemur best út úr þessu og sýnir hann ágætis tilþrif sem Qui-Gon Jinn sem er nú líka heilsteyptasta persóna myndarinnar. Ewan McGregor er ágætur en hefur úr litlu að moða og stendur óneitanlega í skugganum af Alec Guinnes sem lék Obi-Wan svo vel í gömlu myndunum. Jar Jar Binks er allt í lagi en stendur í skugganum af C-3PO og R2-D2 sem voru mun fyndnari. Natalie Portman sem drottningin er heillandi en hefur lítið að gera einnig. Jake Lloyd er ágætur sem Anakin. Darth Sidious er alveg eins og keisarinn í mynd nr. 6 en vantar þessa köldu, dauðu og óhugnanlegu rödd sem Ian McDiarmid reddaði. Darth Moul er ofursvalur en jafnast samt hvergi á við svalasta illmenni kvikmyndanna fyrr og síðar, Darth Vader og Yoda hefur ekki mikið að gera. Það finnst mér verst af því að hann sýndi svo stórkostlega frammistöðu í The Empire Strikes Back sérstaklega að hann hefði a.m.k. átt að vera tilnefndur til Óskarsverðlaunanna. Í heildina er The Phantom Menace hin fínasta skemmtun en ristir ekki djúpt. En ég segi að það eigi eftir að breytast í 2 og 3.