28 Days Later (2002)

Þetta er langbesta mynd sem ég hef séð! Danny Boyle (Trainspotting) leikstýrir frábærlega og Alex Garland (The beach) skrifaði söguna ótrúlega vel. Vísindamenn í Cambridge gera tilraunir á öpum og þær eru til að draga niður bræðina. En það koma innbrotsmenn og einn af þeim verður bitinn af apa og þá breiðist vírusinn út og brátt verða næstum því allir á Bretlandi sýktir. En við kynnumst Jim sem vaknar á sjúkrahúsi. En hann sér að enginn er í London og hittir einhverja sem eru ekki sýktir og þeir þurfa að halda sér á lífi. Án efa er þetta besta mynd sem ég hef séð og það er eiginlega ómógulegt að einhver önnur mynd gæti ná þessari.

Núna segi ég satt,þetta er langbesta mynd sem ég hef séð. Ef þú hefur ekki gaman af þessari mynd ertu eitthvað skrýtin/n því hún er albesta mynd í heiminum. Danny Boyle (Trainspotting,Shallow Grave) færir okkur þessa mögnuðu vísindaskáldsöguhrollvekju með glæsibragi. Vísindamenn gera tilraunir á öpum í Cambridge. Þessi vírus gerir þá brjálaða en eina nóttina koma innbrotsþjófar en einn apinn bítur konu og þá breiðist vírus út í Englandi. En svo kynnumst við Jim,hjólreiðastrák sem vaknar á spítala. Hann sér að enginn er í London en hittir Selenu og Mark,en Mark verður drepinn og þá hitta þau stelpu og faðir hennar. Þá sjá þau útvarpssendingu frá hermönnum sem segast vera í Manchester og þau leggja af stáð. Baráttan gegn dauðyflanna er algjörlega rosaleg. Besta mynd í heiminum.

Þetta er með þeim bestu myndum sem ég hef séð, Jim er reiðhjóla sendill og bíll keyrir fyrir hann og hann vaknar á yfirgefnu sjúkrahúsi. Hann fer inn í kirkju og hittir þar prest sem er sýktur af veiru sem hafði dreifst um England. Þegar að hann hleypur úr kirkjunni elta hann aðrir sýktir. Þar hittir hann konu og mann. Þau bjarga honum og fara inn í einhvað sem líkist lítilli sjoppu. Þegar að þau fara heim til hans Jim koma aðrir sýktir og bíta kallinn. Þá drepur hún kallinn og þið verðið bara að sjá myndina til þess að sjá þetta og margt fleira.

Flestar myndir um vírusa (t.d.Outbrake) vekja eithvað óhuggulegt inní sálartetrinu hjá flestum, þar sem vírusar eru óneitanlega svartasti ótti allra manna, sem leiðir til þess að það er mjög erfitt að klúðra óhuggnaði í Vírusa myndum. Að mínu mati er þessi mynd ALLS EKKI hryllings mynd heldur vírusa spennumynd með svona Resident Evil(Tölvuleikja sería) ívafi. Fjármunir myndarinnar komu frá Lottó vinningi sem Alex Garland (einn handritshöfundanna) vann. Og ef vandlega er skoðað er myndinn ekkert nema auglýsingar frá sælgætis, gosdrykkja og bíla framleiðendum sem styrktu gerð myndarinnar. Söguþráðurinn er einfaldur. Jim (Cillian Murphy) vaknar uppúr dái á sjúkrahúsi í London vegna bílslyss, en aðeins til að upplifa hræðilega breytingu á öllu sem hann þekkir. London er yfirgefin í rústum og mannfallið gífurlegt vegna veiru sem vekur upp hrikalega heift hjá fórnarlambinu og breytir því í hugsunarlausan morðóðan djöful í mannsmynd. Það líður ekki að löngu fyrr en hann finnur aðra sem ekki hafa smitast og lifa í rústunum og klassíska vísindaskáldskapar atburðarrásin um síðasta fólkið á jörðinni byrjar. 28 days later er í rauninni endurgerðin af The omega man(1971) og flest í fari þeirra smituðu er stolið uppúr Adrenaline -feel the rush(1996) þar sem við fengum að sjá Christopher Lambert kveljast. Þrátt fyrir að þessi mynd sé alls ekki frumleg þá skapar hún alveg ótrúlega vel heppnað og sefasjúkt andrúmsloft sem sýnir á mjög raunsæann hátt hvað gerist þegar fólk lendir í erfiðum aðstæðum. Myndin heldur spennuni og sefasýkinni í botni alveg frá upphafi til enda. Góð afþreying fyrir þá sem vilja fá hnút í magann fyrir framan skjáinn.

28 days later er ein af þessum einföldu spennumyndum sem heldur manni við efnið allan tímann. Leikstjórinn Danny Boyle (Trainspotting) færir okkur dimma og oft á tíðum óþægilega mynd sem ég mæli hiklaust með. Jim (Cillian Murphy) vaknar úr dái á sjúkrahúsi. Það er engin á sjúkrastofunni, það er engin í sjúkrahúsinu og það sem meira er það virðist ekki vera nokkur einasta manneskja í allri Lundúnarborg. En annað á nú eftir að koma á daginn. Hann rekst á nokkra einstaklinga sem eru vægast sagt skuggalegir, minna helst á dýr í hegðun. Jim kemst undan þeim með hjálp Selenu (Naomie Harris). Hún segir honum upp og ofan af því sem hafði gerst í þær fjórar vikur sem Jim var í dái. Saman halda þau af stað í von um að finna einstaklinga sem ekki eru sýktir. En það eru ekki bara þessir sýktu einstaklingar sem þau þurfa að varast. 28 days er mynd sem byggir á þrúgandi adrúmslofti og eymd. Það er ekki verið að eltast við ,,bregðuatriði eða tæknibrellur. 28 days er mynd sem stendur og fellur með frábæru handriti og góðum leikurum. Danny Boyle nær fram því besta í leikurunum og örugg leikstjórn hans skín í gegn. Góð mynd sem óhætt er að mæla með í skammdeginu.

Besta mynd sen hefur verið gerð í alheiminum! Það er vel skrifaðar setningar eins og goodbye you fuckers! og aðrar setningar og það er allt gott við þessa mynd. Myndin byrjar í ransóknarstofu í Cambridge þar sem vísidamenn reyna að finna lyf fyrir því að verða ekki reiður. Þeir sprauta því í apa en þeir verða bara sturlaðir. En svo brjótast inn ræningjar og opna eitt búrið og api bítur konu og þá breiðist sjúdómurinn út þá verða allir í Englandi sýktir. En svo vaknar hjólreiðarbigðarmaður að nafni Jim á sjúkrahúsi. Þar sér hann að það er engin í London en hittir tvo sem eru lifandi og þeir þurfa að berjast við sýkta og bla bla bla...

Sannkölluð spennuhrollvekja af bestu gerð. Frá hinni áhrifaríku og ógnvekjandi byrjun, -þar sem örvæntingarfullir dýraverndarsinnar hleypa óvart ógurlegum vírusnum út í samfélagið, -að hinum sérstaklega spennandi og óvænta endi, er aldrei dauður punktur. Mynd um vírus sem veldur því að fólk verður snarbilað og ræðst með kjafti og klóm á næsta ósmitaða mann, virkar kannski fráhrindandi fyrir einhverja. Og í sannleika sagt mæli ég ekki með því að þeir sem eru háðir Hollywood-myndum sjái hana. Í mínum huga er það hins vegar stór plús að myndin sé frá Bretlandseyjum en ekki Hollywood Bandaríkjanna. Því eins og við mátti búast fannst mér 28 DAYS LATER með betri hrollvekjum síðari ára, frábært handrit og söguþráður og persónusköpun með því besta og leikurinn pottþéttur. Það hefur verið lögð jafnmikil vinna í þessa þætti og tæknibrellurnar (sem voru með því besta sem gerist í dag), sem virðast vera að yfirtaka hið fyrrnefnda í henni Hollywood. Tónlistin var ótrúleg hjá hinum breska John Murphy (-Lock, Stock And Two Smoking Barrels, -Snatch, -City by the Sea -o.fl.) -minnti á köflum á Sigurrós -áhrifarík og bara mjög flott. Auk þess er heimasíða myndarinnar einstaklega flott (www.28dayslaterthemovie.com/) -mæli með því að þið kíkið á hana eftir að hafa séð þessa frábærlega vel gerðu og áhrifaríku mynd.

Bretum hafa aldrei tekist sérstaklega vel til með hryllingsmyndir. Hvað þá núna síðustu árin, en eitthvað segir manni að þessi mynd er öðruvísi. Athyglin sem myndin er búin að fá er nóg til þess að setja hvaða lélegu hryllingsmynd á háan stall(Ring endurgerðin t.d.)

Í stuttu máli fjallar 28 Days Later um vírus sem brýst út í Bretlandi og allt fer til fjandans, við kynnumst Jim sem vaknar í yfirgefnum spítala og man ekkert hvað gerst hefur. Ekki skána hlutirnir þegar hann kemst út, London er yfirgefin, gjörsamlega tóm fyrir utan nokkra blóðþyrsta sýkta sem elta hann fram og til baka. Hann slæst í hóp með þeim fáu sem eftir eru og reyna þau að finna leið út úr þessu, eða lækningu við vírusnum.

Danny Boyle veit alveg hvað hann er að gera og tekst, þrátt fyrir mjög takmarkað fjármagn, og digital myndavél að skapa ótrúlegustu atriði. Það er skemmtileg vonleysistilfinning yfir allri myndinni sem ekki er hægt að segja að hafi tekist svona vel áður, nema þá kannski í Day of The Dead eftir Romero.

Myndatakan og lýsingin er öll byggð á þessu þema myndarinnar, myndavélin gengur oftar en ekki laus og skapar það óreiðutilfinningu ásamt dimmlega lýstu umhverfi.

Það er ekki fyrr en myndin fer að enda að hlutirnir fara niður á við. Annars frábært handrit er rifið í tætlur og gert að skrípaleik þegar hálftími er eftir af myndinni. Jim sem er búinn að vera hálfgerður aumingi alla myndina breytist í ofurhetju með krafta þeirra sem eru með veiruna og guð má vita hvað.

Leikararnir ná þó að halda sínu striki þrátt fyrir það og gefa þeir flestir frá sér einstakan leik, sem heldur myndinni meira og minna uppi.

28 Days Later er ekki mynd fyrir hvern sem er, hún mun aldrei ná á sama stall eins og Hollywood bregðumyndirnar í vinsældum(sem er gott að mínu mati). Hér er komin mynd sem minnir á gamlar, góðar hryllingsmyndir. Sem byggja á andrúmslofti, en ekki á ódýrum hræðslum.

Sá þessa mynd 29. apríl en þá var hún ekki komin á kvikmyndir.is. Þannig ég skrifa nú um hana. Þetta er bara rosaleg hrollvekja um hugsanleg endalok mannkyns. Danny Boyle er ótrúlegur leikstjóri í hæsta flokki. Leikurinn er líka í hæsta flokki. Þetta er afar óvenjuleg mynd með óvenjulegan stíl en samt þess virði að eiga og náttúrulega að sjá í bíó.

Meira..Meira.


Mjög vel skrifað handrit og vel leikstýrð. Góður leikur. En söguþráðurinn er ekkert nýtt.

Sagan segir frá þegar hópur fólks sem er andsnúinn tilraunum á dýrum brýst inn í tilraunastofu á Englandi, í þeim tilgangi að reyna að frelsa nokkra apa sem þar eru notaðir í tilraunir á vírus sem umbreytir manneskjum í heiftarlega snarbrjálaða villimenn sem vilja bara drepa og aftur drepa. Einn apinn sleppur út, smitar einn af þeim sem ætlaði að frelsa hann og all hell breaks loose. 28 dögum seinna vaknar aðalhetjan upp á spítala en hann hefur verið í coma síðan vírusinn breiddist út og hefur ekki hugmynd um að England er meira og minna smitað.

Ok ég sagði hér á ofan að sagan væri ekki frumleg því margt er stolið frá bók eftir Stephen King sem heitir The Stand, þar sem vírus sem þróaður hefur verið á tilraunastofu bandaríska hersins í þeim tilgangi að drepa sem flesta breiðist út um allan heim.

Þrátt fyrir það verð ég að segja að 28 days later er á topp 10 listanum yfir bestu myndir seinasta árs. Og a' lokum notkunin á tónlistinni í myndinni er frábær.


Gamann að sjá að trainspotting þríeykið er kominn á beinu brautina.

Svakalega vel heppnuð og spennandi bresk hrollvekja með smá sci-fi ívafi sem gerist 28 dögum eftir að veira hefur breiðst út. Áhrifin lýsa sér þannig að sýktir einstaklingar tapa bæði vitinu og tryllast gjörsamlega, og úr því verða brjálaðir uppvakningar sem ráðast á fólk til að smita það af sjúkdómnum. Síðan segir frá sögu manns nokkurs að nafni Jim (Cillian Murphy), sem vaknar fyrir tilviljun á 28. deginum og finnur að Lundúnaborg sé algerlega mannlaus og skilur ekkert í hvað er í gangi, en það líður ekki langt þar til hann finnur örfáa aðra ósýkta og kemst síðan að því hvers vegna borgin sé auð, og hvað leynist inn í húsunum sem lætur sjá sig einungis á næturnar. 28 Days Later er eiginlega svona eins og Resident Evil... nema bara MIKLU betri, og ég tala nú ekki um gáfaðri. Hún er eiginlega allt það sem hin gæti aldrei orðið. Söguþráðurinn er vel uppsettur og handritið býr yfir ýmsum frumlegum hugmyndum, meira að segja nær hún að byggja upp óþægilega spennu, þó á fremur óhefðbundin máta. Hún er alveg rosalega spennandi, og heldur manni föstum við sætið nánast út alla myndina. Handritið er líka mjög lagaskipt, og kemur það í veg fyrir að myndin verði nokkurn tímann einhæf, eins og hefðbundnar "zombie-myndir" verða oft. Leikurinn er hinn fínasti, þótt ekki sé mikið af kunnulegum andlitum (nema, jú, kannski Christopher Eccleston og Brendan Gleeson). Leikstjórinn Danny Boyle (Trainspotting, A Life Less Ordinary) gerir líka ekkert nema góða hluti og stendur sig ákaflega vel hér með að halda þessu öllu á góðu jafnvægi. Myndin fer kannski smá overboard í seinustu 10 mínútunum og breytist hún nánast í allt aðra bíómynd. Þessi skipting kemur ekki nauðsynlega illa út, en hún fer fljótlega að hætta að vera í takt við afganginn á myndinni. Ég vil samt fljótt bæta því við að tónlistin í seinustu atriðunum var bilaðslega góð!28 Days Later á samt örugglega ekki eftir að svíkja unnendur góðra hryllingsmynda, og virðist hafa margt sem ætti að vera við þeirra hæfi. Sagan er góð, óhefðbundin, og hryllingurinn blóðugur og subbulegur. Þetta er svo sannarlega eitt af því besta sem ég hef séð af þessum geira í langan tíma.7/10 - Há sjöa.