Geimskipið Hunter-Gratzner með 40 manns innanborðs brotlendir á eyðiplánetu þegar loftsteinahríð skellur á skipinu. Aðeins 12 menn lifa af, þar á meðal flugmaðurinn Carolyn Fry ( sem tekur við stjórn skipsins eftir að skipstjórinn deyr ), hausaveiðarinn William J. Johns, trúmaðurinn Ablu Al-Walid, antíksölumaðurinn Paris P. Ogilvie, strokuunglingurinn Jack, landnemarnir John "Zeke" Ezekiel og kærasta hans Sjharon "Shazza" Montgomery og Richard B. Riddick, sem er stórhættulegur fangi sem sloppið hefur úr fangelsi. Plánetan sem þau eru á er dumbrauð og fólkið uppgötvar að plánetan hrjóstruga nýtur sólarljóss frá þremur sólum. Ekki einungis þurfa þau að finna sér einhvern mat og vatn og hafa áhyggjur af Riddick, heldur þurfa þau að kljást við holdétandi íbúa plánetunnar sem koma upp á yfirborðið þegar plánetan er hulin myrkri, sem gerist á 22 ára fresti, en þá koma þessi skrímsli upp á yfirborðið til að veiða og éta allt kvikt. Fry og hinir eftirlifendur úr slysinu átta sig á því að þau þurfa að reiða sig á Riddick til að hjálpa þeim að lifa af við þessar aðstæður, en Riddick er með augu sem gerð hefur verið skurðaðgerð á sem láta hann sjá í myrkri. Nú þurfa þau að finna leið til að sleppa af plánetunni og komast í flóttaskip, áður en þau verða öll étin af skrímslunum óhugnanlegu.
Áður en ég fór á þessa mynd slökkti ég á heilanum mínum því ég vissi nákvæmlega hvernig þessi mynd var. Það var engin söguþráður í þessari mynd aðeins fólk fast á einhverri …
Áður en ég fór á þessa mynd slökkti ég á heilanum mínum því ég vissi nákvæmlega hvernig þessi mynd var. Það var engin söguþráður í þessari mynd aðeins fólk fast á einhverri plánetu sem hafði þrjár sólir en þvílík tilviljun, sama dag og þau lenda skellur á sólmyrkvi og geta þá sólfælnu, blóðþyrstu geimverurnar herjað á aðalhetjurnar okkar. "Fyndni" gaurinn var ekki blökkumaður eins og svo oft er heldur Breti og reyndi hann oft að kitla hláturstaugarnar með mjög lélegum árangri. Aðalleikarinn, sem er dæmdur morðingi, kemur varla upp orði nema til að segja einhverja frasa. Það var einmitt einn af þessum frösum sem var svo ömurlegur að ég skellihló og náði myndin þar með í hálfa stjörnu. Í guðana bænum ekki borga 700 kr. til að sjá þennan viðbjóð.
Virkilega cool og góð mynd. Vin Diesel er virkilega svalur í hlutverki sínu sem Riddick. Með því betra sem hann hefur gert á sínum ferli með XXX, Fast and the Furious og Saving Private Ryan.…
Virkilega cool og góð mynd. Vin Diesel er virkilega svalur í hlutverki sínu sem Riddick. Með því betra sem hann hefur gert á sínum ferli með XXX, Fast and the Furious og Saving Private Ryan. Myndin er virkilega spennandi, flott gerð með virkilega drungalegu umhverfi. Myndin kemur virkilega á óvart, og ég mæli hiklaust með þessari snilldar mynd.
Að mínu mati einn flottasti spennutryllir síðari ára. Söguþráðurinn flottur og vel úthugsaður, stemningin mögnuð og tæknibrellur með besta móti. Vin Diesel kom mér virkilega á óvart…
Að mínu mati einn flottasti spennutryllir síðari ára. Söguþráðurinn flottur og vel úthugsaður, stemningin mögnuð og tæknibrellur með besta móti. Vin Diesel kom mér virkilega á óvart í þessari mynd þar sem hann leikur iðulega einhverja plastic töffara með 0,1 í IQ. Myndin inniheldur einstaklega spennuþrungið andrúmsloft, flotta og sannfærandi leikara og síðast en ekki síst snilldarinnar söguþráð.
Frekar góð mynd. Einfaldur söguþráður og mjög vel gerð.(ATH þeir sem ekki hafa séð myndina EKKI lesa lengra) Myndin fjallar um það að farþegageimskip hrapar á óþekkta plánetu, plán…
Frekar góð mynd. Einfaldur söguþráður og mjög vel gerð.(ATH þeir sem ekki hafa séð myndina EKKI lesa lengra) Myndin fjallar um það að farþegageimskip hrapar á óþekkta plánetu, plánetu með þrjár sólir. Meðal farþega eru fjöldamorðinginn Riddick sem hefur farið í augnaaðgerð til að sjá í myrkri, og lögreglumann sem er að flytja hann í fangelsi. Riddick sleppur og eltir eftirlifandi farþega meðan þau leita af lífsmarki. Þau finna 22 ára gömul húsflök og líkamsleifar. Einnig finna þau skip sem getur komið þeim burt. En þegar einn farþeganna er drepinn er Riddick grunaður. Þau fanga hann en finna út að hola sem var nálægt morðstað er heimili ljósfælna skrímsla. Meðan skipstjórinn er að skoða plánetulíkan kemst hún að því að bráðum kemur sólmyrkvi og munu þá verurnar koma úr holunum. Fara þau á sólardrifnum jeppa að flakinu en sólmyrkvinn kemur þegar þau eru í flakinu svo jeppinn virkar ekki. Fer fólkið að deyja eitt og eitt og þau semja við Riddick að hann hjálpi þeim að komast aftur að skipinu.
Svona þokkalegur science fiction þriller með nokkrum flottum senum. Vin Diesel hefur afskaplega takmarkaða leikhæfileika þó að hann sé ágætur í þessari mynd. Ýmislegt nýstárlegt er not…
Svona þokkalegur science fiction þriller með nokkrum flottum senum. Vin Diesel hefur afskaplega takmarkaða leikhæfileika þó að hann sé ágætur í þessari mynd. Ýmislegt nýstárlegt er notað í myndinni til að mynda hvorki meira né minna en þrjár sólir á þessari plánetu sem myndin á að gerast á. Pitch black er svona mynd sem maður horfir á einu sinni og hefur gaman af en mikið oftar verður hún soldið léleg. Undirritaður er núna búinn að sjá myndina tvisvar og fannst hún betri í fyrra skiptið.
Þetta er ein besta mynd sem að ég hef séð. Hún er spennandi, sérstaklega ef þú ert að horfa á hana í niðamyrkri. Hún byrjar ekkert sérstaklega vel en þegar hún er kominn lengra er hú…
Þetta er ein besta mynd sem að ég hef séð. Hún er spennandi, sérstaklega ef þú ert að horfa á hana í niðamyrkri. Hún byrjar ekkert sérstaklega vel en þegar hún er kominn lengra er hún mun betri. Þessi mynd er vel leikin og það er varla hægt að finna nokkurn hlut að henni. Fyrir alla þá sem ekki eru búnir að sjá þessa mynd verða að sjá hana. Myndin er fyrir alla góða spennukvikmyndaunnendur.
Þetta er góður spennutrytill og svolítið rugl en það besta við hana er það að Vin Diesel leikur í henni. Hér er sagt frá Richard B. Riddick(Vin Diesel) sem er sendur í flaug í annað f…
Þetta er góður spennutrytill og svolítið rugl en það besta við hana er það að Vin Diesel leikur í henni. Hér er sagt frá Richard B. Riddick(Vin Diesel) sem er sendur í flaug í annað fangelsi með mörgum öðru saklausu fólki en það kemur loftsteinahríð og þau öll brotlenda á plánetu sem er bara sól og þau halda að það sé allt í lagi að vera þarna en þegar það kemur sólarmyrkvi þá koma lífverur upp úr holum en heppnin er með þeim að Riddick sé þannig að hann sjái vel í myrkri en ekki í birtu....... Ég mæli með að sjá þessa mynd fyrir þá sem hafa gaman af geim myndum og svoleiðis!!!!!!!!!!!!!
Óvæntur gimesteinn sem lætur lítið fara fyrir sér. Fyrstu viðbrögð mín við myndinni var að þetta væri e-r slöpp hollíwúdd útg. af tæknibrellum og blabla...en svo kom þessi vel útf…
Óvæntur gimesteinn sem lætur lítið fara fyrir sér. Fyrstu viðbrögð mín við myndinni var að þetta væri e-r slöpp hollíwúdd útg. af tæknibrellum og blabla...en svo kom þessi vel útfærði adrenalínskammtur.Strandaglópar á eyðimerkurplánetu með mannætu verum hljómar of kunnulega en leikstjórinn sýnir hér að hann hefur gríðarlegt vald á miðlinum með skapandi kvikmyndatöku, filter effects á camerunni og hraðri og flottri klippingu. Handritið er alls ekki svo galið og kemur manni oft á óvart með persónum sínum og atburðarrás. Þó svo að samtölin, sérstaklega hjá fanganum eru kliskjur út í eitt þá er það að mínu mati eini galli myndarinnar. Góð afþreying!
Ég mæli einnig mð Arrival því eins og þar er tekið frekar einfalæt efni en komið til skila á mjög svo áhrifaríkan hátt að ég held að leikstjóri þessi eigi eftir að sjást mikið í framtíðinni...allaveganna vona ég það.
Þetta er enginn óskarsverðlauna mynd enda var alls hún ekki dýr. Ég þekkti aðeins tvö andlit þarna. En ef þú ert ekki mikið fyrir geimveru eða svoleiðis rugl myndir eins og sumir kall…
Þetta er enginn óskarsverðlauna mynd enda var alls hún ekki dýr. Ég þekkti aðeins tvö andlit þarna. En ef þú ert ekki mikið fyrir geimveru eða svoleiðis rugl myndir eins og sumir kalla það þá skaltu sleppa því að horfa á hana. Þetta var ágætis hugmynd á bakvið þessa mynd og ég get alls ekki sagt að mér hafi leiðst meðan ég horfði á hana.
Hreint útsagt frábær hryllingsmynd. Mér hefur ekki brugðið svona hrottalega síðan í myndum eins og the Thing, the Shining og Alien. Vin Diesel er magnaður harðjaxl, og Radha Mitchell er ekk…
Hreint útsagt frábær hryllingsmynd. Mér hefur ekki brugðið svona hrottalega síðan í myndum eins og the Thing, the Shining og Alien. Vin Diesel er magnaður harðjaxl, og Radha Mitchell er ekki síðri en Ripley. Myndin lítur út fyrir að vera gerð fyrir tugi milljóna þegar hún er í raun frekar ódýr í framleiðslu. Frábær tölvuvinna sér um að skila óhugnaðinn til áhorfenda.
Vin Diesel heldur þessari mynd uppi með því að vera svona hrikalegur töffari. Annað er nokkuð ágætt, þetta er mynd sem er ekki nógu góð nema maður búi andrúmsloft fyrir þetta (vetran…
Vin Diesel heldur þessari mynd uppi með því að vera svona hrikalegur töffari. Annað er nokkuð ágætt, þetta er mynd sem er ekki nógu góð nema maður búi andrúmsloft fyrir þetta (vetranótt, kjallari, öll ljós slökkt... Eða hreinlega bíósalur). Fólk sem hefur ekki séð hana svoleiðis... Ekkert að marka það...
Þvílík leiðindi, þessi mynd er algjör tímasóun. Myndin er illa leikin, asnaleg og eina ástæðan fyrir því að ég gef henni eina stjörnu er að myndatakan er flott einstaka sinnum. Það…
Þvílík leiðindi, þessi mynd er algjör tímasóun. Myndin er illa leikin, asnaleg og eina ástæðan fyrir því að ég gef henni eina stjörnu er að myndatakan er flott einstaka sinnum. Það er ekkert sem heitir spenna í myndinni, söguþráðurinn er lélegur og mjög mislukkaðuð skrímsli einkenna þessa mynd. Leggið frekar peninginn inn á banka eða kaupið nammi, bara eitthvað allt annað en að eyða þeim í þetta DRASL! (Ég tek það fram að mér var boðið sem betur fer annars hefði ég heimtað endurgreiðslu.)
Þessi mynd kom mér skemmtilega á óvart, ég rambaði inn á hana af þeirri einföldu ástæðu að það var uppselt á Boys Don't Cry. Sagan segir frá hópi fólks sem verður strandaglópar á…
Þessi mynd kom mér skemmtilega á óvart, ég rambaði inn á hana af þeirri einföldu ástæðu að það var uppselt á Boys Don't Cry. Sagan segir frá hópi fólks sem verður strandaglópar á eyðilegri plánetu (sem minnir óneitanlega á eyðimerkur Ástralíu). Fyrr en varir verður þeim ljóst að á plánetunni leynist undarlegur óvættur sem birtist í milljónatali þegar dimma tekur... og þessi skepna virðist hafa smekk fyrir mannakjöti. Það væri svosem ekkert mál að bíða af sér eina nótt í einu, en þegar nokkurra vikna sólmyrkvi hefst eru þau í verulega djúpum skít. Leikstjórinn David Twohy (The Arrival) hefur greinilega gaman af því að skemmta fólki með geimverumyndum, og þessi bregst ekki. Óþekktir leikarar skila mestmegnis góðri frammistöðu. Vin Diesel (Saving Private Ryan, The Iron Giant) leikur glæpamanninn Riddick sem reynist haukur í horni.. það vill nefnilega svo til að hann fór í aðgerð til að geta séð í myrkri og það kemur sér frekar vel í þessarri aðstöðu. Radha Mitchell leikur flugstjóra sem minnir óneitanlega á Ripley úr Alien-myndunum. Pitch Black lítur kannski ekki vel út á pappírnum en er hin bærilegasta heilalausa skemmtun þegar yfir lýkur.
Þetta er ekki beint besta mynd sem ég hef séð. Þetta er framtíðar-geim-hryllir um fólk sem strandar á óþekktri plánetu, það kemur sólmyrkvi og fullt af ljótum skrímslum byrja að ráðast á þau. Það er ekki mikið af þekktum leikurum í þessari mynd, ég þekkt bara einn. Ég hefði verið ansi fúll ef ég hefði borgað mig inn á þessa mynd.
Pitch Black er mjög einföld mynd sem fjallar um nokkrar manneskjur á yfirgefinni eyðimerkurplánetu sem þurfa að berjast við morðóðar geimverur sem lifa í myrkri. Það þarf því ekki að…
Pitch Black er mjög einföld mynd sem fjallar um nokkrar manneskjur á yfirgefinni eyðimerkurplánetu sem þurfa að berjast við morðóðar geimverur sem lifa í myrkri. Það þarf því ekki að taka það fram að þessi mynd er ekki listaverk og ætti enginn að fara á hana með því hugarfari. Enda efast ég um að einhver muni gera það. Ef þið höfðuð gaman af Deep Rising eða The Relic og fleiri slíkum myndum mun ykkur ekki leiðast á Pitch Black, sem samt sem áður er ekki jafn góð og ofangreindar myndir. Leikstjórinn David Twohy gerir sitt besta með því litla fjármagni sem hann hefur og tekst að gera sæmilega vísindaskáldsögugeimhrollvekju sem á sínar góðu stundir sem og vondu. Sem betur fer eru góðu stundirnar fleiri og vondu stundirnar mun skárri en t.d. þær í myndum eins og Soldier eða Virus. Leikararnir standa sig skítsæmilega og klisjukennt, á tíð heimskulegt, handritið heldur okkur við efnið án þess að þykjast vera ofsalega gáfað. Ef það er eitthvað sem reis upp úr meðalmennskunni var það myndatakan sem er á tíð mjög flott. En þegar upp er staðið er Pitch Black lítið annað en ágætis vísindaskáldsögu B-mynd sem aðeins þeir sem fíla þannig myndir (þið vitið hverjir þið eruð) ættu að sjá. Aðrir eiga eftir að verða fyrir vonbrigðum.
Bönnuð innan 16 ára
John Chard ★ 9.0/10
Gimly ★ 9.0/10
JPV852 ★ 6.0/10
Repo Jack ★ 9.0/10
r96sk ★ 7.0/10
CinemaSerf ★ 7.0/10
