Dave Buznik er hæglátur og uppburðarlítill starfsmaður í tískuverslun fyrir gæludýr í New York borg. Hann er með yfirgangssaman og frekan yfirmann sem hikar ekki við að eigna sér heiðurinn af því sem Buznik gerir og treður honum ítrekað um tær. Dave á ástríka kærustu, en besti vinur hennar er fyrrum kærasti hennar úr menntaskóla, Andrew. Einn daginn þá fer misskilningur um borð í flugvél úr böndunum, og í kjölfarið úrskurðar dómari að Dave skuli taka námskeið í reiðistjórnun hjá sérfræðingnum, Buddy Rydell, en hann er óáreiðanlegur og léttruglaður persónuleiki. Eftir því sem samband þeirra Dave og Buddy versnar, og meðferðin fer að hafa slæm áhrif á líf Dave, þá uppgötvar Buddy að hann gæti verið sá eini sem gæti bjargað Dave frá erfiðu vandamáli sem hann hefur greint í sjúklingi sínum, og gæti aðeins átt eftir að versna.
Engin vonbrigði hérna á ferðinni Adam Sandler og Jack Nickulson upp á sitt besta. góð mynd fyrir þann sem vill skemmta sér og hlægja mikið ... ekkert mikið meira um það að segja frábæ…
Engin vonbrigði hérna á ferðinni Adam Sandler og Jack Nickulson upp á sitt besta. góð mynd fyrir þann sem vill skemmta sér og hlægja mikið ... ekkert mikið meira um það að segja frábær mynd PUNKTUR 9/10
Anger Management fjallar um hinn rosalega góðhjartaða og sauðmeinlausa David Busnik (Sanldler) sem lætur allt og alla vaða yfr sig. Einn daginn er hann að fara í flugvél að skila skýrslu yf…
Anger Management fjallar um hinn rosalega góðhjartaða og sauðmeinlausa David Busnik (Sanldler) sem lætur allt og alla vaða yfr sig. Einn daginn er hann að fara í flugvél að skila skýrslu yfirmanns síns sem hann hafði skrifað fyrir hann þegar að flugfeyja sakar hann um að hafa ráðist á sig. Hann er sendur í reiðimeðferð hjá hinum léttruglaða Buddy Rydell (Nicholson). Eftir einn tíma í meðferð finnur Buddy það út að David sé explosive angry (sem þýðir að hann byrgir reiðina inní sér þangað til hann myndi hugsalega missa stjórn á sér og guð veit hvað myndi gerast þá). Stuttu síðar lemur David konu óvart með staf og nefbrýtur hana fyrir slysni og er þá ákveðið að Buddy verði að gista hjá honum i 30 daga í von um að losa hann við reiðina og kenna honum að standa upp fyrir sig. Auðvitað líkar David það eigi vel og kemst brátt í ljós að Buddy er klikkaðri en hann virðist og er David þá til í að beita hvaða brögðum sem er til að losna við hann.
Anger Management er góð hugmynd og inniheldur fullt af skemmtilegum persónum en það er bara einn stór galli á henni sem dregur hana langt niður í stjörnulistanum, það vantar bara eitthvað í hana sem ég veit því miður ekki hvað er, eitthvað vantar til að halda allri myndinni saman. Annars er hún mjög skemmtileg og ágæt afþreying þrátt fyrir það.
(ATH:Þetta er bara hvað mér finnst um myndinna,dæmið sjálf)Anger Management er mjög fyndinn mynd. Jack nicholson og Adam Sandler eru mjög góðir í þessari mynd því hún er góð grínmynd…
(ATH:Þetta er bara hvað mér finnst um myndinna,dæmið sjálf)Anger Management er mjög fyndinn mynd. Jack nicholson og Adam Sandler eru mjög góðir í þessari mynd því hún er góð grínmynd. Sá sem leikstýrði þessari mynd heitir Peter Seagal sem leiksstýrði myndir einsog Nutty professor2og Naked gun3. En núna ætla ég að koma mér að efninu. Ég ákvað að fara í bíó 6juni áttabíó. Þar sá ég þessa góða grínmynd. Hún fjallar um það að ungur maður að nafni Dave Buznik(Adam Sandler(Waterboy, Happy gilmore, Little Nicky)) sem á svoldið vandamál við reiðinna sína. Hann verður settur í reiðismeðferð(Fyrirgefið vegna ömurlega stafsetningu). Buddy hole(Jack Nicholson(One flew over coccos next,as good as it gets,the shining)) mun verða kennari hans í þessari meðferð í nokkrar vikur. Ef hann neitar að fá kennarann þá fer hann í fangelsi ef hann vill þá verður lífið hans algjört hell. myndin er býsna góð gamanmynd sem margir celeberty leika í aukahlutverki t.d. bæjarstjórinn í New York sem er ekkert eiginlega að leika en snillingurinn Woody Harrelson(Natural born killers,People vs Larry flint,Kingpin) sem leikur klæðskiptinginn Galaxe sem er ekkert sérlega gott hlutverk fyrir svona algjöran snilling eins og hann en samt tekst honum þetta hlutverk alveg ágætlega. Sú sem leikur konu hans Dave er eiginlega leiðinleg í myndinni(Að mínu Mati) en lék ágætlega í American Pie myndunum. Svo leikur skólastjórinn í Scary Movie eitt stjóran hans Dave í myndinni sem hann leikur svona ágætlega. Myndinn getur stundum verið með leiðinlega brandara enn samt,eins og áður þá er þetta skemmtileg grínmynd. Adam Sandler hefur snúið aftur vegna leiks á slöku myndinni Mr.Deeds(Líka Little Nicky,enn mér fannst svosem ágæt). Allir leika vel og þá sérstaklega Jack Nicholson, því hann er án efa langfyndasti leikarinn í myndinni. Ég verð nú að segja að þetta er án efa fyndasta mynd sumarsins árið 2003 því Jack og Adam eru mjög góðir í þessari mynd og hinir líka sem léku í þessari mynd. Ég verð að enda á þessari mynd með nokkrum orðum. Þessi mynd er fyndinn enn samt ekkert meistaraverk. Hún á fyllilega skilið þrjár stjörnur(að mínu mati). Góð mynd,sjáið þessa. Takk fyrir
Þetta er mynd sem ég var búinn að bíða með svolítilli eftirvæntingu. Mér fannst það lofa góðu að sjá Jack Nicholson og Adam Sandler saman í mynd. Myndin er hins vega ekkert sérstakle…
Þetta er mynd sem ég var búinn að bíða með svolítilli eftirvæntingu. Mér fannst það lofa góðu að sjá Jack Nicholson og Adam Sandler saman í mynd. Myndin er hins vega ekkert sérstaklega fyndin. Þess í stað er hún væmin og kjánaleg þrátt fyrir nokkur fyndin atriði. Handritið er klaufalegt og afar ótrúverðugt svo ekki sé meira sagt.
Mjög fyndin mynd með góðum leikurum. Adam Sandler leikur mann sem var settur í reiðisstjórnun út af engu eiginlega. Jack Nicholson leikur gaurinn sem stjórnar því og gerir líf Sandlers að…
Mjög fyndin mynd með góðum leikurum. Adam Sandler leikur mann sem var settur í reiðisstjórnun út af engu eiginlega. Jack Nicholson leikur gaurinn sem stjórnar því og gerir líf Sandlers að helvíti. Sandler alltaf jafn góður og Nicholson líka.
Myndin er mjög góð með miklum svörtum húmor en það eina vonda við hana er að seinni parturinn á henni er mjög væminn. Það er skrítið en samt var Jack Nicholson fyndnari en Adam Sandle…
Myndin er mjög góð með miklum svörtum húmor en það eina vonda við hana er að seinni parturinn á henni er mjög væminn. Það er skrítið en samt var Jack Nicholson fyndnari en Adam Sandler, fyrir utan væmnina er þetta hin besta skemmtun.
Ég var búinn að bíða eftir þessari mynd í hálft ár. Maður bíst nú við snildar mynd.Þessi mynd er ekkert nema sjónvarps auglýsingarnar sjálfar. Vilji maður sjá fyndna mynda farðu þ…
Ég var búinn að bíða eftir þessari mynd í hálft ár. Maður bíst nú við snildar mynd.Þessi mynd er ekkert nema sjónvarps auglýsingarnar sjálfar. Vilji maður sjá fyndna mynda farðu þá á aðra mynd, vilji maður sjá misheppnaða grínmynd þá er Anger Manegment málið.Adam Sandler er alls ekkert að gera sitt, hann bara getur eiginlega ekkert í því,þetta er bara of leiðinlegur söguþráður til að hafa gaman af þessari mynd.Svo vantar líka enda á þessa væmitítilslegu mynd.
Nokkuð sniðug en tóm grín og má bæta við nokkuð væmin grínmynd um gaur sem gerir þetta og fer í ´reiðishöndlun´(afsaka lélega stafsetningu) og reynir þar að bæta sig gegn vilja. A…
Nokkuð sniðug en tóm grín og má bæta við nokkuð væmin grínmynd um gaur sem gerir þetta og fer í ´reiðishöndlun´(afsaka lélega stafsetningu) og reynir þar að bæta sig gegn vilja. Adam Sandler er svo sem fínn grínleikari, Nicholson er góður leikari en hefur aldrei verið í sértsöku uppáhaldi en lék ágætlega. Myndin var stundum fyndin en stundum langdregin og leiðinleg. Það er alls ekki þess virði að borga 800 kr. til þess að sjá í bíó. Mér fannst gaman af Mr. Deeds og fannst mér hún betri. En samt algert miðjumoð.
Alveg ótrúlegt hvað auglýsingar geta platað mann. Gat alveg hlegið að þessari mynd en varð fyrir svolitlum vonbrigðum. Ég og tvær vinkonur mínar ákváðum að fara á grínmynd, svona af…
Alveg ótrúlegt hvað auglýsingar geta platað mann. Gat alveg hlegið að þessari mynd en varð fyrir svolitlum vonbrigðum. Ég og tvær vinkonur mínar ákváðum að fara á grínmynd, svona afslöppun í enda vikunnar. Ég hafði séð auglýsingar um þessa mynd og hélt að ég væri að fara á massa grínmynd. En hún reyndist ekki vera eins fyndin og ég bjóst við. Mér fannst einhvern veginn vera hálfgerður leikskólahúmor í henni og fannst hún leiðast frekar út í einhvern vitleysisskap. En ég átti alls ekki leiðinlega stund og skelli á hana tvær og hálfri.
Eitt orð = SNILLD
Nicholson kemur svo á óvart í þessari mynd. Sandler var ok, voða svipaður karakter og hann hefur verið. Snilldaratriðið er samt atriði á brúnni!!! Söngur og brjál…
Eitt orð = SNILLD
Nicholson kemur svo á óvart í þessari mynd. Sandler var ok, voða svipaður karakter og hann hefur verið. Snilldaratriðið er samt atriði á brúnni!!! Söngur og brjálæði einkennir þessa mynd. Hvet alla til að kíkja á hana. Góð afþreying :)
Létt og nett gamanmynd sem ætti að vera góður yndisauki í sumarblíðunni. Segir frá skrifstofublókinni Dave Buznik (Adam Sandler) en hann er óöruggur og einkar feiminn einstaklingur sem bý…
Létt og nett gamanmynd sem ætti að vera góður yndisauki í sumarblíðunni. Segir frá skrifstofublókinni Dave Buznik (Adam Sandler) en hann er óöruggur og einkar feiminn einstaklingur sem býr yfir mikilli reiði sem oft er erfitt að hafa stjórn á. Fyrir röð algjörra tilviljana er honum gert að fara í meðferð við bræði sinni hjá sálfræðingnum Buddy Rydell (Jack Nicholson). Meðferðin á eftir að reyna nokkuð á líf Dave, einkum einkalíf hans og starfið. Lukkast meðferðin ekkert alltof vel, enda reynist sálfræðingurinn ekki vera mjög heill á geðinu sjálfur. Fer svo að sálfræðingurinn sest að heima hjá Dave og hyggst dvelja með honum í mánuð til að leita leiða til að lækna bræðina. Framundan er skemmtileg atburðarás í meðferðinni og margar óvæntur uppákomur eiga sér stað. Hafði ég mjög gaman af þessari mynd. Hef alltaf þótt Adam Sandler vera góður gamanleikari. Hafði gaman af Happy Gilmore, Billy Madison og Waterboy. Þessi mynd er nokkuð í ætt við þær en mun betri en t.d. Little Nicky og Deeds, sem mér þótti ekkert sérstakar. Það sem gerir gæfumuninn fyrir þessa mynd er hinsvegar mögnuð leikframmistaða óskarsverðlaunaleikarans og eilífðartöffarans Jack Nicholson (One Flew Over the Cuckoo´s Nest, As Good as it Gets). Hann á mjög góðan leik í hlutverki Buddy, er sannkallaður senuþjófur eins og venjulega. Einnig er Marisa Tomei traust í hlutverki Lindu, kærustu Dave, en athygli vekur hversu lítið hún er þó notuð í myndinni. Meðal þeirra sem birtast þarna að auki eru t.d. leikarar á borð við John C. Reilly (ekki öfundsverður af sinni rullu), Woody Harrelson, John Turturro, Luis Guzman, Kevin Nealon og Lynne Thigpen sem er kostuleg í hlutverki dómarans (hennar síðasta hlutverk). Rudolph Giuliani fv. borgarstjóri New York, birtist svo þarna sem gestaleikari ásamt eiginkonu sinni Judith Nathan, undir lok myndarinnar. Að mínu mati var þetta létt og góð kvöldstund í bíóinu, hafði ég mjög gaman af þessu og þeir sem ég fór með skemmtu sér líka. Þetta er ekkert meistaraverk en nett kómedía sem flestir ættu að geta haft sannkallað gaman af. Fyndin og létt kvöldstund.
Þetta er mjög skemmtileg mynd um mjög skemmtilegt málefni. Þegar allt er á enda og allt virðist vera komið í lag komst það í ljós að frá upphafi til enda var myndin skipulögð án þes…
Þetta er mjög skemmtileg mynd um mjög skemmtilegt málefni. Þegar allt er á enda og allt virðist vera komið í lag komst það í ljós að frá upphafi til enda var myndin skipulögð án þess að adam sandler vissi það. En Jack Nicholson, tekur svona anger manegement tíma í alvuru..Cr4cKeD
Algjört flopp. Anger management er mynd sem maður býst við miklu af ef litið er til leikaravalsins en útkoman er algjör vonbrigði. Myndin á nokkra góða punkta þar sem hún fær mann til þ…
Algjört flopp. Anger management er mynd sem maður býst við miklu af ef litið er til leikaravalsins en útkoman er algjör vonbrigði. Myndin á nokkra góða punkta þar sem hún fær mann til þess að skella upp úr en hún nær sér þó aldrei á flug og heldur manni varla við efnið. Ég get ekki með nokkru einasta móti mælt með því að fólk sjái þessa mynd í bíó en það er þó í lagi að sjá hana á spólu. Það eina sem er jákvætt við myndina er það að leikarar standa sig vel og það er ágætis tónlistarval í myndinni þó svo að það fari ekki mikið fyrir henni. Það er ekkert meira um þessa mynd að segja. Bara bíða eftir spólunni.
Eftir þónokkrar ferlega misheppnaðar grínmyndir (þ.e.a.s. Little Nicky, Waterboy, Big Daddy og Mr. Deeds) var ég nánast öruggur um að ég mundi aldrei aftur fara á Adam Sandler-grínmynd í …
Eftir þónokkrar ferlega misheppnaðar grínmyndir (þ.e.a.s. Little Nicky, Waterboy, Big Daddy og Mr. Deeds) var ég nánast öruggur um að ég mundi aldrei aftur fara á Adam Sandler-grínmynd í bíó, en þar sem að Jack Nicholson kemur við sögu, og þar að auki fór álit mitt á Sandler batnandi með Punch-Drunk Love, þá ákvað ég að kýla á það í þetta skipti. Sandler leikur (ENN og aftur...) óöruggan, feiminn einstakling sem hefur mikla reiði í sér en þarf bara að finna leið til að hafa stjórn á henni. Eftir að honum hefur verið sent í bræðistjórnarmeðferð fer allt á hinn endann þar sem sálfræðingurinn (Nicholson) hans reynist sjálfur ekkert vera neitt alltof heill á geði. Söguþráðurinn er með þeim skárri sem hafa verið í Sandler-mynd, en myndin hefði samt getað orðið algjört slys hefði ekki orðið fyrir Nicholson á svæðinu. Maðurinn einfaldlega eignar sér myndina með vægast sagt drepfyndnum og yfirdrifnum gamanleik og þegar hann er á skjánum virkar Sandler bara eins og aukapersóna miðað við hann. Síðan er það náttúrlega húmorinn, sem er ja... eiginlega bara á svipuðu stigi og í Big Daddy, Waterboy, Mr. Deeds og þeim myndum, semsagt kjánalegur og ósmekklegur en í þessu tilfelli: ansi góður. En jafnframt vil ég benda á alvarlega veika punkta. Marisa Tomei, sem ber þar helst að nefna, er skelfilega vannýtt, og ef eitthvað út í það er farið þá fannst mér bara allt rómantíska sub-plottið vera bara heldur þreytt. Síðan hlýtur að vera betri leið til að notfæra frábæran leikara eins og John C. Reilly í stað þess að skella honum í hlutverk munks nokkurs sem verður brókaður, og þetta eina atriði sem hann er í er bara allt of skömmustulegt fyrir manninn. En jæja, ég neita því ekki að ég hafði ágætlega gaman af myndinni. Hún er umsvifalaust betri en margar undanfarnar grínmyndir Sandlers, en ég er nú ansi hræddur um að Nicholson eigi stærsta þáttinn í því hrósi, þannig að það er spurning hvort maður eigi að líta á þetta sem jákvætt skref fyrir Sandler-myndir.6/10
Satt að segja er ég lúmskur Adam Sandler aðdáandi. Alltaf fundist hann vera fyndinn og skemmtilegur. T.d. Billy Madison, Happy Gilmore og nýlega Punch Drunk Love þar sem hann sýndi algjörlega…
Satt að segja er ég lúmskur Adam Sandler aðdáandi. Alltaf fundist hann vera fyndinn og skemmtilegur. T.d. Billy Madison, Happy Gilmore og nýlega Punch Drunk Love þar sem hann sýndi algjörlega nýja hlið á sér. Anger Management hljómaði vel til að byrja með. Hann og Jack Nicholson leika tvo gaura sem eru fastir með hvor öðrum í rúman mánúð. En svo var raunin ekki.Anger Management fellur undir vondar adam sandler-myndir (little nicky) og vondar Jack Nicholson (blood & wine,man trouble) Því miður fannst mér þeir ekkert fyndnir í mynd sem reynir að kreista úr sér einhverja tilgangslausa og leiðinlega brandara. Nuff said´.
Bönnuð innan 6 ára
Ofbeldi
