Árið 3000 þá á mannkynið ekki möguleika gegn Psychlos, gráðugu, stjórnsömu kyni, sem sækist eftir hámarkságóða. Leiðtogi þeirra er hinn seiðandi og kraftmikli Terl. Psychlos eru á góðri leið með að eyða öllum auðlindum jarðarinnar, og nota mannfólkið sem þræla. Mennirnir eru orðnir frumstæðir og halda að innrásarmennirnir séu djöflar og tækni sé af hinu illa. Eftir að mannkynið er búið að gefa upp alla von um að losna undan oki þessa innrásarhers utan úr geimnum, þá ákveður ungur maður að nafni Tyler að fara frá heimili sínu hátt uppi í Klettafjöllunum til að leita að sannleikanum, sem endar með því að hann er tekinn höndum og gerður að þræl. Þá ákveður hann að rísa upp og berjast gegn kúgurunum, og leiðir mannkynið í lokafrelsisbaráttu.
Jæja jæja hvað á maður eiginlega að segja um aðra eins stórmynd eins og þessa. Ég þurfti mikið til að leggja það á mig að horfa á þessa mynd og þeim klukkutímum hefði ég betur…
Jæja jæja hvað á maður eiginlega að segja um aðra eins stórmynd eins og þessa. Ég þurfti mikið til að leggja það á mig að horfa á þessa mynd og þeim klukkutímum hefði ég betur varið í annað en að horfa á þennan viðbjóð. Nákvæmlega ekkert við myndina heillar neitt og manni er nákvæmlega sama um persónurnar og hvað kemur fyrir þær. Utan á spóluhulstrinu ætti að vera varúðarmerki sem myndi vara fólk við því að horfa á þetta ógeð.
Hvað í fjand.... hér er á ein versta framtíðar/geimveru mynd í heimi. Leikararnir ofleika og allt annað í myndinni vikar ekki. Travolta ofleikur hér geimveruna Terl sem stjórnar geimverunum…
Hvað í fjand.... hér er á ein versta framtíðar/geimveru mynd í heimi. Leikararnir ofleika og allt annað í myndinni vikar ekki. Travolta ofleikur hér geimveruna Terl sem stjórnar geimverunum á jörðinni. Hvar er jarðarbúar? Annaðhvort dauðir eða í þrælavinnu. Einn þrællinn verður svo hetja og rís upp gegn geimverunum. Ekki góð mynd. Ömurleg mynd.
Ég ætla ekkert að útskýra hvað þessi mynd er um en eina sem ég segi um hana er að ég varð reiður og fúll þegar ég horfði á fyrsta hálftíman í þessari mynd hvernig leikarinn john t…
Ég ætla ekkert að útskýra hvað þessi mynd er um en eina sem ég segi um hana er að ég varð reiður og fúll þegar ég horfði á fyrsta hálftíman í þessari mynd hvernig leikarinn john travolta skuli dirfast að leika í þessari mynd. Ég mæli alls engum til að sjá þessa mynd. Þessi er kannski ástæða afhverju sum eru rugluð í heila. Það eina sem ég segi er að þessi mynd ætti að vera pynting þegar að bandaríkjamenn finna hryðjuverkamenn og vilja refsa þeim. Þessi mynd fær hreint og sagt NÚLL.Takk fyrir
Þessi mynd er kannski ágæt ef maður er unglingur (sem ég er).
Mér persónulega finnst þessi mynd góð, aðallega útaf John Travolta sem leikur þarna aðalhlutverkið, bara út af því að hann er alltaf að gera lítið úr mannkininu sem hann heldur að séu bara þrælar. Það kemur seinna í ljós að mannkinið er öflugara en hann heldur. mér finnst þessi mynd vera alveg tveggja og hálfs stjörnu virði að horfa á. svo að ég bæti einhverju hérna inná þá finnst mér persónulega hundleiðinlegt þegar einhverjir ElliSmellir eru að skrifa um myndirnar hérna, ég aðallega horfi á myndirnar sem þeir segja að séu leiðinlegar, þær myndir finnst mér nefnilega góðar, en samt, það sem ég átti að skrifa um er Battlefield: Earth og ég er búinn að því, Takk Fyrir.
Ég sá þessa mynd fyrir algjöra tilviljun. Var búin að heyra að hún væri algjört rusl. Verð að játa að söguþráðurinn er ekki mikill og leikurinn ekkert til að hrópa húrra fyrir en …
Ég sá þessa mynd fyrir algjöra tilviljun. Var búin að heyra að hún væri algjört rusl. Verð að játa að söguþráðurinn er ekki mikill og leikurinn ekkert til að hrópa húrra fyrir en samt er það svo að mér þótti alveg ofsalega gaman að horfa á hana. Get ekki bent á neitt sérstakt atvik eða atriði sem varð til þess en alla vega er þetta ein af þeim myndum sem ég get horft á aftur og aftur. þau ykkar sem ekki hafa séð hana, ég ráðlegg ykkur að kíkja á hana og mynda ykkar eigin skoðun.
Guð minn góður!!! Þetta er ein versta mynd sem ég hef séð, það tók 15 klukkutíma að klára að horfa á þenna hrylling því ég bara gat ekki horft á mikinn hlut af henni í einu. Það…
Guð minn góður!!! Þetta er ein versta mynd sem ég hef séð, það tók 15 klukkutíma að klára að horfa á þenna hrylling því ég bara gat ekki horft á mikinn hlut af henni í einu. Það semég skil ekki er að John Tracolta virðist vera að draga sjálfa sig í svaðið undanfarið með því að leika í myndum sem hafa engan neista eða geislun sem kalla á áhorfendur til að fara á myndina í bíó. Sjálfur leigði ég hana því að ég hafði lesið gagnrýnina en ég átti ekki von á svona hryllingi. Maður fær hroll af því að horfa á þessa mynd. Engin stjarna frá mér.
John Travolta er mjög góður leikari en hann hefur ekki alltaf valið bestu hlutverkin til að leika. Með þessari mynd hefur hann náð botninum í lélegum hlutverkum. Þessi mynd er hreint út s…
John Travolta er mjög góður leikari en hann hefur ekki alltaf valið bestu hlutverkin til að leika. Með þessari mynd hefur hann náð botninum í lélegum hlutverkum. Þessi mynd er hreint út sagt ömurleg en samt bráðfyndin en bara fyrir það hvað hún er ömurleg. Söguþráðurinn er einstaklega lélegur, leikaranir standa sig fáránlega en annað er ekki hægt miðað við gæði myndarinnar. Ég nenni ekki að telja upp annað við myndina, því allt er ömurlegt við myndina. Ég verð nú samt að mæla með henni, bara svo að fólk sjái hve asnaleg mynd þetta er. Einnig munu allar myndir sem þið eigið eftir að sjá vera góðar (í samanburði við þessa.)
Mér fannst Battlefield Earth hinn ágætasta mynd. Tæknibrellur hefðu mátt vera betri en sluppu mep skrekkinn. John Travolta var nettur að venju, Forest Whitaker fínn og Barry Pepper svona la,la…
Mér fannst Battlefield Earth hinn ágætasta mynd. Tæknibrellur hefðu mátt vera betri en sluppu mep skrekkinn. John Travolta var nettur að venju, Forest Whitaker fínn og Barry Pepper svona la,la. Sæmilega skrifað handrit, ágæt skemmtun þó hún skilji ekki mikið eftir sig.
Mér fannst þessi mynd nokkuð góð. Þetta er, allavegana það sem mér fannst, flott mynd og spennandi. Ég er að vonast eftir að hinn hlutinn af myndinni verði gerður fljótlega. John Travol…
Mér fannst þessi mynd nokkuð góð. Þetta er, allavegana það sem mér fannst, flott mynd og spennandi. Ég er að vonast eftir að hinn hlutinn af myndinni verði gerður fljótlega. John Travolta er alltaf jafn góður, en þetta er samt ekki besta myndin hans, það þori ég alveg að viðurkenna.
Það skal viðurkennt strax að ástæðan fyrir því að ég fór að sjá þessa mynd var vegna allra ömurlegu dómanna. Mig langaði að sjá hvort þessi hortittur væri virkilega jafn slæmur …
Það skal viðurkennt strax að ástæðan fyrir því að ég fór að sjá þessa mynd var vegna allra ömurlegu dómanna. Mig langaði að sjá hvort þessi hortittur væri virkilega jafn slæmur og af var látið. Svar: Ó, já. Og vel það. Þvílíka endalausa sorpið. Travolta hefur verið að reykja eitthvað sterkara en tóbak þegar hann ákvað að taka þátt í þessari hörmung. Hann er gjörsamlega út úr kú í hlutverki Terls, leiðtoga illskeyttra geimvera sem eyddu jörðinni á níu mínútum. Barry Pepper er svo lélegur að fólk var farið að hlæja að honum í bíó; hann gerir "hetjuna" að vesælum vælukjóa. Og Forest Whitaker (eftir frábæra frammistöðu í Ghost Dog) ætti að ganga um með bréfpoka á hausnum næstu 6 mánuðina eða svo. Þessi mynd er svo ömurleg að ég á varla orð yfir það. Í guðanna bænum, ekki fara að sjá þennan hrylling!! Ég get ekki lagt nógu mikla áherslu á það hvað myndin er sorglega skelfileg. Versta "stórmynd" síðustu 10 ára, og þá tel ég allar Van Damme og Steven Seagal-myndir með. Sorp og drasl. Ojbara.
Að horfa á Battlefield Earth er algjört tilfinningarush. Ég fann fyrir reiði, hatri, gleði, hlátri, ógeði og ógleði á meðan ég horfði á hana, oft á sama tíma. Ég var reiður fyrir a…
Að horfa á Battlefield Earth er algjört tilfinningarush. Ég fann fyrir reiði, hatri, gleði, hlátri, ógeði og ógleði á meðan ég horfði á hana, oft á sama tíma. Ég var reiður fyrir að hafa borgað pening til að sjá þessa mynd (þó að ég geti sjálfum mér um kennt þar sem ég vissi mjög vel hversu léleg þessi mynd yrði áður en ég sá hana). Ég hataði John Travolta í hvert einasta skipti sem hann birtist á skjánum, ofleikandi svo hræðilega að mér varð óglatt (sjá meira um það síðar). Ég var glaður þegar kreditlistarnir byrjuðu að rúlla - að horfa á þessa mynd er algjör þrekraun, án gríns. Það var virkilega ERFITT að horfa á þessa mynd. Ég hló oft og mikið að lélegum samtölum, lélegum leik og lélegu handritinu. The Learning Machine? Ertu ekki að grínast! Ég fylltist ógeði þegar maðurinn fyrir framan okkur hrækti - tvisvar sinnum - á mig og félega mína. Kannski vegna þess að honum fannst eilífur hlátur okkar pirrandi, en líklegast vegna þess að hann náði ekki að hrækja á bíótjaldið. Mér varð óglatt á öllum "dutch"-önglunum sem Roger Christian notaði aftur og aftur og aftur. Maður fékk hálsríg á því að reyna að fylgjast með þessari mynd. Ég veit ekki hvað ég get sagt meira... jú, þessi mynd er svo hræðilega illa gerð að maður skildi ekki hvað var að gerast helminginn af henni, en ég efast um að hún hefði verið betri hefði ég skilið eitthvað. Þetta er bara óvenjulega léleg mynd sem á ekki skilið áhorf, svo að ekki sjá hana.
Hreint út sagt hræðileg framtíðarmynd sem á að gerast árið 3000 þegar geimverur hafa yfirtekið jörðina og þær örfáu mannverur sem eru eftir eru notaðar í þrælavinnu. Einn daginn…
Hreint út sagt hræðileg framtíðarmynd sem á að gerast árið 3000 þegar geimverur hafa yfirtekið jörðina og þær örfáu mannverur sem eru eftir eru notaðar í þrælavinnu. Einn daginn fær einn af eftirlifandi mönnunum að reyna að frelsa fólk sitt úr ánauðinni og í kjölfarið fylgir heimskuleg, þreytandi og útreiknanleg atburðarás. John Travolta leikur eina aðal geimveruna og sýnir ekki beint hágæðaleik, handritið býður reyndar ekki upp á það heldur. Tæknibrellurnar eru reyndar ágætar en þær fá mig samt ekki til að gefa þessari mynd svo mikið sem hálfa stjörnu, sagan er svo heimskuleg, samtölin illa skrifuð og myndin bara yfir höfuð leiðinleg að hún hlýtur heiðurinn af því að vera fyrsta myndin sem ég gef enga stjörnu. Það eru fáir hlutir sem ég myndi ekki gera frekar en að horfa á þessa mynd aftur, ætli ég dragi ekki mörkin við að láta taka úr mér endajaxlana án deyfingar. Ég dauðsé eftir því að hafa eytt þessum tveimur klukkustundum af fríinu mínu á Flórída í þessa mynd.
Bönnuð innan 12 ára
