The Shining (1980)

The shining er í leikstjórn snillingsins Stanley Kubrick og er bygð á sögu Stephens King og er með Jack Nicholson,Shelley Duvall og danny Lloyd í aðalhlutverki.

Myndin fjallar um Jack Torrance(Nicholson) sem á að sjá um risastórt fjallahótel um veturinn á meðan hótelið er autt ásamt eiginkonu sinni Wendy og syni sínum Danny(Lloyd).

En hann er skygn og veit að eiga hræðilegir hlutir að gerast en áður en þau lögðu af stað var Jack látinn vita að húsvörður nokkur sem hafði unnið þar nokkrum árum áður hafði orðið alveg brjálaður og myrt konu sína og dætur............

Stephen King og Stanley Kubrick eru með meistörum kvikmyndasögunnar! Án efa þriðja besta mynd sem ég hef séð. Jack Torrence (Nicholson) fær vinnu á Overlook hótelinu sem er að halda því uppi um veturinn og reyna að fókusa að ritverkum sínum. Eigandi hótelsins Ullman segir honum sögu um mann sem átti að halda húsinu um veturinn nokkrum árum áður en myndin gerist. Hann varð sturlaður og drap konu og systur sína og framdi síðan sjálfsmorð. Jack tekur samt vinnuna og fer með konu og hálf geðveiku barni sínu Danny. Danny fer að sjá óhugnalega hluti að gerast (ekki í alvöru) og maður sem vinnur þar segir honum að hann er með sérstakan hæfileika sem heitir The shining og hann er líka með það. Vinnumaðurinn segir honum að fara alls ekki að fara í eitt herbergi. En Danny er að springa úr forvitni og fer inn. Þegar þau eru búinn að vera þarna eitthvað lengi byrjar skrýtnir hluti að gerast og Jack verður sturlaður og ætlar að drepa þau með exi. Margar frægar setningar og atriði eru í þessari mynd eins og 'Here's Johnny!' og Danny sér fullt af blóði flæða út úr lyftunni og Danny sér stelpurnar sem voru drepnar af hinum sturlaða og þær segja 'Come play with us Danny,forever and forever and forever.'

Þvílík gargandi snilld!! Myndin er óhugnalegri en The ring og skemmtilegri en tvær óskarsverðlaunamyndir til samans! Eins og þið sjáið á myndinni fyrir ofan er Jack Nicholson að segja eina frægustu setningu kvikmyndasögunnar. Here's Johnny! Myndin fjallar um mann að nafni Jack Torrence sem fær starf sem er á hóteli út í sveit. Hann og fjölskylda hanns (kona og eitt barn) verða um veturinn á þessu hóteli en yfirmaður Jacks segir honum sögu um síðasta mannin sem hélt hótelinu uppi fyrir nokkrum árum. Hann varð gersamlega sturlaður og myrti konuna sína og tvö börn og síðan skaut sjálfan sig í hausinn. Jack finnst þetta vera vitleysa og fær starfið. En sonur hans Danny, sem er nokkurn vegin geðveikur fær sérstakan hæfileika (shining) og sér óhugnaleg atriði af hótelinu. Einn sem starfar á hótelinu er líka með shining og segir Danny að alls ekki fara inn í eitt herbergi (ég man ekki númer hvað) en verður svo forvitin að hann fer inn. En einmitt þá verður Jack sturlaður og reynir að drepa konuna sína og Danny.

Alveg skotheld hrollvekja frá Stanley Kubrick og Jack Nicholson sýnir frábæran leik ásamt Shelley Duvall sem er líka fín. The Shining er hrollvekjandi og spennandi með góðu kemistríi milli persónanna en missir nokkur kredit fyrir einstaka slappa kafla. En allt í allt er gaman af þessari mynd.

The Shining er ein besta hryllingsmynd allra tíma ef ekki bara besta myndin. Hún fjallar um Jack Torrance (Jack Nicholson) sem fer með fjölskylduna að passa hótel yfir veturinn. Í fyrri hlutanum er bara verið að sýna að það er eitthvað á hótelinu sem er ekki eðlilegt og að Jack byrjar að sturlast, en seinni hlutinn er aðalega að flýja frá hótelinu. Það sem eyðileggur alla myndina er Shelley Duvall (Wendy,eiginkona hans), hún leikur svo ÓGEÐSLEGA illa að maður meiðir sig. En Jack og Danny (sonur hans)bæta það upp og Jack gerir gott betur en það. Hann leikur svo vel að ég skil það ekki. Danny (í byrjunni þegar þau koma) byrjar að fá skyggnir (shine) og sér eitthvað ljótt er þarna á hótelinu. Og Jack byrjar að verða skuggalegri og skuggalegri þangað til að hann fer að verða reiður ef það er talað við hann, byrjar að tala við dautt fólk. Þessi mynd er með eftirminnilegust setningar sem sagðar eru örugglega í kvikmyndasögunni t.d Heeeeere's Johnny og Great party isn't it? Og svo auðvitað Redrum. Þessi mynd er ein besta mynd allra tíma og ég myndi ef þú ert ekki búin
að sjá hana að fara og kaupa eða leigja, a must!!


Johnsson Jr.

Fjallar um rithöfundinn Jack Torrance sem leikin er af Jack Nicholson sem tekur að sér að vera húsvörður á Overlook hótelinu í fjöllum Colorado yfir vetrartímann. Jack á konu sem heitir Wendy og lítinn strák sem heitir Danny. Þau dvelja þrjú saman yfir veturinn í risastóru hótelinu. Danny er skyggn og hefur sterkt sálarljós eða shining. Hann fer fljótlega að sjá ljóta og ógeðslega hluti gerast á hótelinu og finnur að ekki er allt með felldu. Endar svo með því að Jack fer einnig að sjá hluti eins og t.d. partý í veislusalnum og spjallar við látið fólk. Hann lendir á spjalli við mann sem hafði áður verið húsvörður á hótelinu og hafði drepið konu sína, tvær dætur og svo sjálfan sig í leiðinni. Jack verður svo endanlega geðveikur og ætlar sér að drepa konu sína og strák.


Myndin er byggð á sögu Stephen Kings og las ég bókina sem var algjör snilld og varla veikan blett á henni að finna. Ég varð hins vegar fyrir miklum vonbrigðum með myndina og getur það orsakast af því að ég las bókina á undan. Mér finnst margt virkilega lélegt í myndinni. Fyrir það fyrsta þá fannst mér lélegt að Tony, strákurinn sem Danny sá í bókinni og sagði Danny frá mörgu, skyldi vera í munninum á Danny, þ.e. hann talaði fyrir Danny í stað þess að Danny sæi hann. Einnig fannst mér mjög lélegt að nánast enginn inngangur var að fjölskyldunni áður en hún hélt á hótelið. Ekkert minnst á drykkjuvandamál og geðsveiflur Jacks sem voru í bókinni, og einnig hefði mátt vera meira fjallað um aðdraganda þess að Jack verður geðveikur. T.d í bókinni var honum neitað að skrifa bók um hótelið og við það varð hann alveg tjúllaður, ásamt svo fleiri atriðum. Áhorfandinn veit nefnilega ekki betur en að Jack sé heilbrigður þegar þau fara að sjá um hótelið og mér finnst það svolítið langsótt að ætla að hann verði alveg snargeðveikur á rúmum einum mánuði og ekkert er farið útí ástæður þess, hann verður bara alltíeinu geðveikur!


Jack Nicholson fer samt mjög vel með hlutverk sitt í þessari mynd, eins og nánast alltaf, hann klikkar ekki. Mér finnst þetta samt ekki besta frammistaða hans, fannst mér hann t.d. betri í Gaukshreiðrinu og As Good As it gets.


Myndin er samt mjög scary og var ég mjög ánægður með tónlistina í myndinni, hún magnaði upp spennuna og gæsahúðina sem maður fékk! Mér finnst samt sem áður að mun betur hefði mátt gera og varð því fyrir nokkrum vonbrigðum, sérstaklega út frá bókinni. Leikstjórnin var þó í góðum höndum snillingsins Stanley Kubricks og klikkar hann nánast aldrei. Einnig var ég mjög ánægður með endinn, fannst hann virkilega góður.

Myndin er um Jack Torrance (Jack Nicholson) sem flyst ásamt fjölskyldu sinni á hótel sem hann á að gæta yfir vetrartímann. Síðan með tímanum verður hann klikkaðri klikkaðri og á endanum reynir hann að drepa konuna sína og barn. Þetta er FRÁBÆR hryllingsmynd og spennan eykst stöðugt ég gef henni 3og1/2 stjörnur fyrir gott handrit og frábæran leik. ÉG MÆLI MEÐ HENNI!!!

Allra besta hryllingsmynd sögunnar. Sumir segja að The Exorcist eftir William Fredkin sé sú besta en þá hljóta þeir ekki að hafa séð þessa. Stanley Kubrick er auðvitað snillingur, hreinn listamaður á sínu sviði og allt það sem hann snertir verður snilld. Í The Shining eftir sögu Stephen King er maður að nafni Jack Torrance sem gjörsamlega geðbilast þegar líða tekur á myndinni og reynir að drepa konu sína og barn sem eru með honum á hóteli nokkru upp í klettafjöllunum en það hótel átti Jack að gæta yfir veturinn og hafði hann með sér í för fjölskyldu sína þau Wendy og Danny. Flest allar hryllingsmyndir eru hálf leiðinlegar að sjá vegna þess að þær segja engan söguþráð en auðvitað þegar Stanley Kubrick er annars vegar þá er ekki hægt annað en að gera góða mynd.

The Shining er hreinasta snilld. Jack Nicholson er hér í sínu besta hlutverki, og fer snilldarlega með það. Þess mynd Stanleys heitins Kubrick er svo langtum betri en bók Stephens Kings að undrun má sæta. Þar sem bókin leysist að mestu upp í dellu og vitleysisgang, eins og einkennir og eyðileggur flestar hans bækur, heldur myndin áfram fullum dampi eingöngu fyrir snilldarleg efnistök Kubricks. Sem hryllingsmynd er hún ein af fáum slíkum sem ganga upp, en það er ekki á hvers manns færi að gera hryllingsmynd svo vel sé. Allt í allt er þetta frábær mynd sem allir ættu að sjá að minnsta kosti tvisvar.

Frá upphafi til enda er The Shining ein allra besta hryllingsmynd sögunnar ef ekki sú besta. Myndin er svo óhugnanleg og kröftug að þú munt ekki verða í rónni næstu vikurnar eftir að þú hefur séð hana. Enn einu sinni sendir snillingurinn Stanley Kubrick frá sér enn eitt meistaraverkið og er þessi ein af hans allra bestu. Jack Torrance (Jack Nicholson) er rithöfundur sem hefur tekið að sér að gæta risastórs hótels uppi í Klettafjöllunum yfir veturinn. Hann vonast að þar verði friður og ró fyrir hann til þess að skrifa bókina sem hann er að vinna að. Með honum í för eru kona hans, Wendy (Shelley Duvall) og ungur sonur þeirra Danny (Danny Lloyd). Jack hafði áður komist að því að fyrir 10 árum hafði fyrrverandi gæslumaður hótelsins klikkast og drepið konu sína og 2 dætur sínar á hrottalegan hátt og síðan framið sjálfsmorð. Það sem Jack veit ekki og Wendy ekki heldur er að Danny er skyggn og getur séð fyrir um óorðna hluti. Þótt þau tvö skynji það ekki skynjar Danny að það er eitthvað illt á seyði í hótelinu. Bráðum byrjar Jack einnig að haga sér undarlega. Hann fer að verða geðstirður og skapillur og ekkert gengur með skriftirnar. Hingað til hefur bara Danny séð hræðilega hluti gerast á hótelinu en núna fer Jack að sjá ofsjónir líka (eða eru það kannski engar ofsjónir)? Innan skamms fattar Wendy að Jack er orðinn kolbrjálaður og hyggst ganga af henni og Danny dauðum. Hún verður nú að finna leið til þess að flýja þennan hryllingsstað áður en það verður of seint. Þetta er eina hryllingsmyndin sem Kubrick gerði en þvílík hryllingsmynd eða bara þvílík mynd. Kubrick leikstýrir þessu af svo miklu öryggi, svo mikilli alúð við alla þætti kvikmyndar og keyrir hana áfram af þvílíkum hraða að áhorfandinn er stattur mitt í miðjunni á einhvers konar hryllingsrússíbana sem verður ekkert stoppaður. Maður finnur það áður en þau hjónin eru komin á hótelið að það er eitthvað illt á seyði þarna og það er síðan staðfest með því sem Danny sér en það er vægast sagt óhugnanlegt og ekki fyrir viðkvæma. Jack byrjar einnig að missa vitið nánast um leið þótt maður komi kannski ekki strax auga á það og síðan sekkur hann bara dýpra og dýpra. Fyrri hluti myndarinnar fer mest í það að sýna og lýsa illskunni sem býr í þessu húsi og sést það mest í gegnum Danny en einnig í gegnum Jack. Síðan í seinni hlutanum þegar Jack er orðinn endanlega sturlaður skiptir myndin um gír og fer yfir í svo stanslausa yfirdrifna og taugatrekkjandi spennu að annað eins hefur varla sést. Maður situr sem límdur við skjáinn á meðan það fer hrollur um mann út af allri spennunni. Einnig vil ég nefna kvikmyndatökuna sem er með því besta sem ég hef séð og lokaatriðið í völundarhúsinu er kvikmyndalegt meistaraverk út af fyrir sig. Varðandi leikinn ber fyrst að nefna Jack Nicholson í hlutverki Jack. Þessi frábæri leikari sýnir hér einn sinn allra besta leik og er algjörlega ógleymanlegur í þessu hlutverki. Tekst honum að gera brjálsemi Jack algjörlega trúverðuga og gerir hann úr honum svo óhugnanlega og ógnvekjandi persónu að maður hefur sennilega ekki séð annað eins síðan Norman Bates var og hét. Ætli veikasti hlekkur myndarinnar sé ekki Shelley Duvall en mér þótti hún aldrei trúverðug í hlutverki hinnar dauðhræddu Wendy. En það skemmir ekki svo mikið fyrir. Myndin er keyrð alltof mikið áfram til þess að maður láti það fara í taugarnar á sér. Danny Lloyd sínir hreint frábæran leik í afar erfiðu hlutverki drengsins og er samleikur hans og Jack Nicholsons þegar hann er til staðar hrein unun á að horfa. Í guðs bænum, fariði á þessa mynd í bíó til þess að láta hræða úr ykkur líftóruna og sjá eina mest ógnvekjandi og bestu hryllingsmynd kvikmyndasögunnar.

Váááá. Rosaleg spenna roslaega góður leikur og snildarlega leikstírt. Snillingurinn Stanley Kubrick leikstýrir þessari mynd. Og snillingurin Jack Nicholson leikur í henni. Það eru bara allir snillingar sem gera þessa mynd.