Intruders (2011)

Lítill drengur á Spáni verður afar hræddur þegar hann verður var við andlitslausa veru í herberginu sínu, veru sem virðist hafa illan tilgang. Á sama tíma skrifar unglingsstúlka í Englandi hrollvekjandi sögu til að lesa fyrir bekkinn sinn. Í ljós kemur að saga hennar fjallar um sömu veru og spænski drengurinn er ofsóttur af þótt það sé ekkert samband á milli þeirra og þau viti ekki hvort af öðru. Hvað er að gerast? Getur verið að stúlkan sé með sögu sinni að búa til martröð drengsins? Gátan tekur síðan á sig nýja mynd þegar faðir stúlkunnar verður einnig var við sömu veruna og lendir meira að segja í átökum við hana. En hér er auðvitað ekki allt sem sýnist ...