What's Your Number? (2011)

Boston-mærin Ally hefur verið leikin grátt af ástinni. Hún lætur reynsluna samt ekki stöðva sig og heldur ótrauð áfram leit sinni að hinum eina rétta ... eða allt þar til hún les bók þar sem segir að þær konur sem hafa átt í sambandi við fleiri en 20 menn á lífsleiðinni hafi minni möguleika á því að finna ástina. Ally ákveður því að í stað þess að leita áfram hafi hún nú þegar fundið draumaprinsinn ... hún hafi bara óvart hætt með honum líka. Með sprenghlægilegum afleiðingum ákveður Ally því að kafa í fortíð sína í leit að demantinum sem hún missti af. Til að hjálpa sér fær hún nágranna sinn, kvennagullið Colin, en hann er sjálfur alræmdur kvennaflagari og hugsar sér gott til glóðarinnar þegar hann uppgötvar að Ally er einstaklega lunkin við að hræða fyrrverandi ástkonur hans á brott. En ástin skýtur upp kollinum á ólíklegustu stöðum og það sem kemur út úr leit Ally er ekki endilega það sem hún bjóst við að finna.