Haywire (2011)

Mallory Kane starfar á laun, að ýmsum verkefnum sem stjórnvöld í hinum ýmsu löndum þurfa að láta vinna en vilja ekkert vita af. Eftir sendiför til að bjarga gíslum í Barcelona, fer Mallory strax í aðra ferð til Dublin á Írlandi. Þegar aðgerðin fer úrskeiðis og Mallory uppgötvar að hún hefur verið svikin, þá þarf hún á allri sinni færni að halda til að sleppa frá mannaveiðurum sem eru á hælunum á henni, komast síðan heim til Bandaríkjanna til að vernda fjölskyldu sína og skipuleggja hefndaraðgerðir.