Inception (2010)

Skil hreinlega ekki hæpið í kringum þessa mynd.

Þessi mynd er fín afþreying, en langt frá því að vera STÓRKOSTLEGT MEISTARAVERK!!!

Fólk þarf að róa sig aðeins.

Ef þú ert ekki búinn að sjá hana, skaltu fara á hana með litlum væntingum. Þú átt eftir að hafa gaman af henni. Ef þú ferð með miklum væntingum verður þú fyrir vonbrigðum.

Niðurstaða: Allt í lagi mynd.

Ég veit ekki hvar á að byrja. Þessi mynd var svo mindblowing (ég meina það, Mindblowing !), ég er ekki búin að sjá SVONA góða mynd síðan ég sá The Dark Knight. Christopher Nolan hefur og mun alltaf (vonandi) gera góða eða bara geðveikar kvikmyndir. Ég vona að hann lifi þanga til að hann verður 150 ára svo að hann getur gert meira. Á mínu mati er Inception og The Dark Knight frekar jafnar, en það gerir ekki Inception fokking awesome.

Fyrst þegar ég sá hana þá gat ég ekkert sagt, ég vissi ekki hvað ég sá, en hvað sem það var þá var það að elta mig. En svo fattaði ég hvað var að elta mig og það var Awesomness. Myndin var guðdómleg. Það var allt geðveikt við hana, hún var charming, sniðug, gáfuleg, reyndi fokk mikið á heilan og algjört augnkonfekt. Christopher Nolan sagði sjálfur að hann var ekki mikið fyrir CGI, en hann þurfti að nota þær fokk mikið í þetta skiptið og nota þær drullu tussu vel og ég hvert skipti sem kom að draumunum þá kom bara í orðsins fylstu merkingu "UPPLIFUN!".

Myndin var ekki beint flókin, en hún reyndi mjög mikið á heilan og já, maður þurfti að fylgjast mjöööög mikið með myndinni (auðvitað, til hvers eru myndir?). Það var mjög mikið í gangi og það er Það sem vekur athygli manns og lætur mann tala eða bara ræða um við vinina. Handritið hefur margt að bjóða og mikið af epískum atriðum, líka skemmtilegar persónur sem maður drullu gaman af fylgjast með og hlusta hvað þau hafa að segja. Leikararnir meðhöndla persónurnar mjög vel og leika stórkostlega. Ég veit ekki afhverju en mér fannst Leonardo DiCaprio ekki henta þessu hlutverki fyrst, en svo þegar hann rétt svo sagði eina setningu í, þá kom það út eins og demantar. Allir hinir eru líka geðveikir, Joseph Gordon-Levitt, Ellen Page, Tom Hardy (Shit hvað hann var skemmtilegur), Ken Watanabe, Dileep Rao, Cillian Murphy, Marion Cotillard og Sir Michael Caine (var samt mjög stuttt, samt góður).

Inception er POTTÞÉTT í sama flokki og The Matrix, Dark City (Director's Cut), Blade Runner, District 9 og Children of Men, sem sagt bestu sci-fi kvikmyndum EVER ! Inception er skildu áhorf fyrir öllum kvikmyndafíklum, bara öllum ! Þetta er eintóm klassísk, mun eldast vel og umtöluð mörg ár eftir þetta. Allir verða að sjá INCEPTION ! Ég elska þig Christopher Nolan.

10/10 - ef þú hefur ekki séð Inception, þá ertu fag.

Ég fíla allar Christopher Nolan-myndir og sérstaklega Memento og Dark Knight. Auðvitað var ég með háár væntingar fyrir Inception en reyndi að lækka þær aðeins þannig að ég yrði fyrir vonbrigðum. Sem gerðist ekki. Langt frá því. Ég get auðveldlega sagt að Inception sé besta mynd á árinu, besta Nolan-myndin og mögulega besta mynd áratugsins (’00-’10). Myndin er svo úthugsuð og öll smáatriðin eru fullkominn. Takan er virkilega flott og myndin tekur sig örugglega vel út í IMAX (sá Dark Knight í IMAX, Awesome!) og ég væri til í að sjá þessa þannig. Tónlistin er mjög sterk og vönduð og passar vel við atburðarásina, fékk smá positive hroll yfir tónlistinni í einu atriðinu. Tæknibrellurnar eru GEÐVEIKAR! Inception á vel séns í tæknibrellna-óskarinn á næsta ári.

Leo DiCaprio er snillingur og kann virkilega að velja hlutverk og túlka þau frábærlega. Hann skilur mest eftir sig enda aðalhlutverkið og er að mínu mati með bestu frammistöðuna. Hinir leikararnir eru allir jafn góðir (Mjög Góðir) og Marion Cotillard virkilega góð leikkona og mun vonandi fá einhver góð hlutverk í framtíðinni. Joseph Gordon-Levitt og Tom Hardy (kannski líka Dileep Rao) halda húmornum uppi og eru mjög skemmtilegir saman og Levitt er að sanna sig sem leikari og var mjög fínn í (500) Days of Summer. Ellen Page hefur þroskast og leikur vel en skilur minnst eftir sig.

Handritið er vel byggt upp og ég var algjörlega óviss um hvað gerist næst. Twist-in í sögunni eru góð og koma oft á óvart. Hasarinn í myndinni þjónar alltaf tilgangi og er mergjaður! Það er auðveldlega hægt að mæla með þessari mynd og mér fannst geðveikt að hafa ekki hlé (:

10/10
Solid mynd.

Fór á forsýninguna 16. júlí og bjóst ég við frábærri mynd, en hún var það alls ekki... málið er að það er ekki til nógu sterkt lýsingarorð í íslensku máli til að ná yfir þessa mynd! Að segja að hún sé meistaraverk er álíka mikið understatement og að segja að verk Michaelangelo í sixtínsku kapellunni sé bara krot! Það er einfaldlega allt sem virkar í þessari mynd; leikstjórn, leikarar, handrit, söguþráður, hið sjónræna og hið hljóðræna eru einflaldlega stórkostleg! Christopher Nolan hefur hér tekist það sem allir héldu að væri ómögulegt: þ.e. að toppa sjálfa Dark Knight! Þessi mynd fær 20 stjörnur af 10 mögulegum hjá mér!

Inception er nýjasta meistaraverkið frá Christopher Nolan, í þessari mynd vinnur hann með draumaheima og hvað sé raunveruleiki og ekki. Þetta er snilldar hugmynd til að vinna með þar sem að langflestar manneskjur hafa áhuga á þessu og gerir Nolan það eins og oft áður stórkostlega vel.

Myndin fjallar um manninn Cobb og starfsfélaga hans þegar þeir taka að sér erfitt verkefni sem er ekki víst að þeir geti klárað. Það er ekki hægt að segja meira um myndina, sjón er sögu ríkari.

Þetta er að mínu mati ein besta mynd Nolan. Hugmyndin er frumleg, leikararnir eru frábærir og tæknibrellurnar láta mann langa til að fara inn í myndina. Myndin er algjört listaverk í raun og veru að horfa á, þar sem er leikið sér að draumum og raunveruleika og maður sér engan greinilegan mun.

Inception er algjör ,,bíómynd", það á að sjá hana í bíói en ekki heima í stofu, tæknibrellurnar, hljóðið og myndin njóta sín einstaklega vel á stóra skjánum.

Árið 2010 hefur ekki verið frábært bíóár, það hafa þó nokkrar góðar komið út og er Inception í þeim hópi.
Þetta er mynd sem að engin thriller sérstaklega sálfræði-thriler áhugamanneskja má láta framhjá sér fara. Þetta er myndin sem á að sjá í sumar!

Christopher Nolan er hér með orðinn, verð ég að segja, heimsmeistari í að grilla í áhorfendum sínum (mændfokk væri sennilega besta lýsingin), og hann er án nokkurs vafa mikilvægasti leikstjórinn á vestrænum kvikmyndamarkaði í dag. Hér höfum við mann sem er ekki bara fyrirtaks hasarmyndaleikstjóri heldur fagmaður í lagskiptum strúktúr og snjöllum útfærslum. Samkvæmt mínu áliti hefur þessi maður aldrei komið nálægt því að gera lélega mynd, hvað þá miðjumoð eða svo mikið sem "fína" mynd (versta myndin hans er líklegast Batman Begins, en jafnvel hún var tussugóð). Memento er ein af bestu myndum sem ég hef séð og ég missti niður á mér neðri kjálkann þegar ég sá hversu góð The Dark Knight var. Þið getið þá rétt ímyndað ykkur þá tilfinningu sem ég fékk þegar ég sá svo að Inception var hvergi nálægt því að vera eitthvað skref niður fyrir manninn. Eins og það sé ekki nóg þá skal ég ganga svo langt með að segja að mér finnst þessi vera ögn betri en Dark Knight.Inception skildi mig eftir gjörsamlega kjaftstopp. Ég bjóst við frábærri mynd frá frábærum kvikmyndagerðarmanni en fékk heila veislu í staðinn þar sem úthugsað gæðaefni er við hvert horn. Myndin gerir svo ótrúlega margt í einu (og ekkert sem er auðvelt heldur!) en heldur samt dampi frá upphafi til enda án þess að misstíga sig í eina mínútu, og miðað við hvað sagan er margbrotin er það nánast kraftaverki líkast, eða ætti maður kannski frekar að segja draumi? Keyrslan á söguþræðinum er á fullu allan tímann og maður óttast eftir að kvikindið hægi á sér, en það gerist aldrei, og áður en maður veit af þá er myndin búin. Ég leit á klukkuna mína hvítur í framan og neitaði að trúa því að ca. 140 mínútur hefðu liðið. Hún hættir aldrei að vera athyglisverð, er stöðugt spennandi og nær að fullnægja þörfum hasarfíkilsins ásamt því að vera á sama tíma pökkuð af innihaldi. Þetta er upplifun sem lætur Dark Knight líta út eins og hverja aðra poppkornsmynd og þetta segi ég um mynd sem ég dýrka útaf lífinu.Nolan hefur alltaf kunnað að nota leikara sína vel, og stóra hópa af þeim. Þó svo að minniháttar karakterar séu kannski einfaldari en sumir kæra sig um þá eru allir eftirminnilegir á sinn hátt þökk sé leikurunum. Fólkið hér er heldur ekkert að berjast um skjátímann heldur fær hver sína verðskulduðu athygli. Leo DiCaprio er að sjálfsögðu fremstur á meðal jafningja og meðhöndlar lykilhlutverkið með stæl, eins og alltaf. Hann hefur aldrei átt betra ár en í ár, en takið samt eftir hvað hlutverkið hans hér á margt sameiginlegt með Shutter Island. Síðan er heill lager af öðrum hörkugóðum leikurum sem fylla gallalaust upp í minni rullurnar. Joseph Gordon-Levitt, Cillian Murphy, Ken Watanabe, Michael Caine (meira cameo þó, bara vara við), Tom Hardy, Dileep Rao og Tom Berenger eru hreinlega allir góðir og Marion Cotillard sýnir enn og aftur að hún gæti leikið vel þó hún væri sofandi. Ég meira að segja naut þess að horfa á Ellen Page og það hefur ekki skeð síðan áður en hún byrjaði að fara í taugarnar á mér í Juno.Nolan hækkar enn meira í áliti hjá manni þegar maður skoðar hversu erfitt er að halda um taumana á svona stóru leikaraliði og eins metnaðarfullu handriti og þessu. En þetta virðist allt saman smella saman eins og maður hefði aldrei búist við að hefði verið hægt. Inception er ein af þessum myndum sem krefst þess einungis að þú fylgist með henni og það er magnað hvað hún verðlaunar manni mikið því lengra sem líður á hana. Hún er úthugsuð alveg í gegn, reynir skemmtilega á heilabúið, lemur þig með geysilega flottum og minnisstæðum senum inn á milli og trompar sig svo með fullkomnum endi. Tilfinningin eftir þennan rússíbana er ólýsanleg. Myndin setur sér mjög há markmið og nær þeim öllum með pomp og prakt. Hún mun kannski ekki vera tebolli ykkar allra, en ef þú ert þreytt/ur á hinu hefðbundna og vilt loks sjá eitthvað nýtt frá alvöru fagfólki þá get ég ekki sagt annað en að þetta sé SKYLDUÁHORF. Svo má ég ekki gleyma því að minnast á fyrirmyndar kvikmyndatöku (Wally Pfister er líka snillingur - magnað samt að nafn hans skuli vera borið fram "fist her"), klippingu, tónlist og tæknibrellur sem styrkja fyrirtaks sögu enn frekar. Hvað svokallaðar "alternate reality" myndir varða eru aðeins fyrsta Matrix-myndin og Director's Cut-útgáfan af Dark City sem jafna hana í gæðum. Vildi óska að fleiri stórmyndir myndu taka svona miklar áhættur.Í hnotskurn: Sjáðu þessa mynd! Sjáðu hana oft, og ræddu um hana við félaga þína eftirá. Hún býður svo sannarlega upp á það.10/10PS. Chris Nolan: Ættleiddu mig!!