In Bruges (2008)

Leigumorðingjarnir Ray og Ken, sem báðir eru staðsettir í London, eru sendir til Bruges í Belgíu af yfirmanni sínum Harry Waters og beðnir um að láta lítið fyrir sér fara næstu tvær vikur, en síðasta verkefni þeirra varð til þess að saklaus vegfarandi lét lífið fyrir slysni. Harry ætlar að vera í sambandi við þá með frekari fyrirmæli. Á meðan þeir bíða eftir að Harry hafi samband, ákveður Ken, að ráði Harrys, að skoða sig um í borginni þar sem er margt fallegt að skoða fyrir túrista. En Ray hefur ekki jafnmikinn áhuga á því að leggjast í túristaráp enda er hann hálf miður sín eftir drápið á saklausa borgaranum, og ekki síður af því að þetta var fyrsta verkefnið hans. Hlutirnir breytast fyrir Ray þegar hann hittir Chloe sem er í borginni sem hluti af kvikmyndatökuliði sem er að taka upp bíómynd með bandaríska dvergnum Jimmy í aðalhlutverki. Þegar Harry hefur samband með leiðbeiningar fyrir leigumorðingjana tvo, þá er Ken, sem á að vinna verkið, ekki viss um það hvort að hann geti unnið verkið, einkum af því að hann hefur nú fengið nýja sýn á lífið eftir dvölina í þessari ævintýralegu borg, Bruges. Nú bíður Ken eftir því að Harry mæti til borgarinnar, og hann er langt í frá ánægður með það hvernig málin eru að þróast....