Highlander (1986)

Best er að líta á þessa mynd sem stórt tónlistarmyndband fyrir Queen, frábær tónlist, frábær frammistaða hjá Connery, Lambert og Clancy Brown. Lambert er ódauðlegur maður sem reynir að komast af, Connery er lærifaðir hans og Brown er annar ódauðlegur maður sem er að eltast við þá. Einhvert fyndnasta leikaraval ef miðað er við þjóðerni, Frakki leikur Skota og Skoti leikur Egypta.

Þegar ég sá þessa mynd í fyrsta skiptið var ég mjög hrifinn af sögunni um Connor McCleod. Christopher Lambert fer með hlutverk Connor McCleod sem með öllu hefði átt að deyja í bardaga í byrjun 16. aldar. En nóttina eftir að hann deyr vaknar hann upp frá dauðum. Hann var fyrir the quickening sem er einskonar bölvun sem leiðir til þess að hann þarf að lifa að eilífu. En aðeins eitt getur verið honum að bani, og það er að vera hálshöggvinn, sem leiðir til þess að hann þarf að lifa í mikilli hættu, t.d við erkióvin hans Viktor Kurgan sem er sjúkur og morðóður einstaklingur. Myndin er frábær og ekki má gleyma mjög góðri tónlist eftir Michael Kamen og Queen.

Þegar ég tók kvikmyndina Highlander fyrst þá bjóst ég við eitthveri ævintýra dellu sem engin þolir(Power Rangers og allt það drasl) en vá. Myndin hefur á efa það allra flottasta byrjunar atriði sem hefur verið í kvikmynd, Sean Connery les upp texta og endar með að segja(með skoskum hreimi)Until now og þá byrjar Freddie Mercury Here we are, born to be kings, we're the princess of the universe gítarinn kemur inn og HIGHLANDER stendur stórum þykkum stöfum á skjánum. Hún er frábærlega gerð, bland við tónlistar myndband(má þá nefna að leikstjorinn er tónlistarmyndbanda leikstjóri og hefur leikstýrt meðal annars Queen myndböndunum ; Princess of the Universe og A Kind of Magic) en samt er hún svo frábær á hvejru horni, ég hef tekið hana ábyggilega 15 sinnum og er að bíða eftir að nýja dvd útgáfan kemur. www. Sbs. Is

Highlander var fyrsta myndbandið sem ég eignaðist. Þar af leiðandi getur verið að álit mitt sé nokkuð litað út af tilfinningagildinu. Til að byrja með var myndbandasafnið smátt og horft á Highlander (eða Die Hard, sem var næsta mynd í safnið) aftur og aftur og aftur. Aldrei hef ég nú samt orðið leiður á henni, og tek hana ennþá upp annað slagið (ekki sama eintakið - held það sé það þriðja sem ég á). Nú hvað er þá svona sérstakt við myndina. Hún fjallar um ungan Skota um árið 1600, Conner McCloud (Christopher Lambert), sem er særður lífshættulega í baráttu milli tveggja skoskra ætta. Hann rís nú samt upp af dánarbeðinu og er gerður útrækur úr heimaþorpi sínu, talinn vera haldinn illum öndum. ´Sean Connery´ finnur hann nokkrum árum seinna og gerir honum grein fyrir að hann sé ódauðlegur nema hann missi höfuðið. Á sama tíma fær McCloud líka að vita að þó nokkrir svipaðir ódauðlegir karakterar séu á eftir honum og hver öðrum, þar sem mikil verðlaun séu í boði þegar einn stendur uppi. Myndir fjallar svo um þessa bardaga milli ódauðlegra kappa, á hinum ýmsu stöðum, og á hinum ýmsu tímum. Myndin er að sjálfsögðu spennandi, og það sem gerir hana sérstaka er hvernig hún flakkar frá einum tíma yfir á annan. Frá myndrænu sjónarmiði, þá eru skiptin alveg listalega gerð, á þann hátt að ein atburðarrásin líður inn í þá næstu líkt og varla sé klipt á milli. Kímnin er líka í hástemmingi og er þónokkuð um góða "one-liners". Ef það eru einhver mistök við þessa mynd, þá finnst mér rómantíkin í end myndarinnar vera óþarfi, og gera endinn örlítið vælulegan. Eftir að maður lifir í hundruðir ára, þá held ég varla að McCloud sé svo fljótir til að verða ástfangin... en hver veit. Highlander er ein af þessum myndum sem allir verða hafa séð, svona svipað og E.T.