The Da Vinci Code (2006)

Bók Dan Browns The Da Vinci Code er einhver mest selda bók allra tíma með Harry Potter og einnig mjög umdeild því að þar er sagt að Jesus hafi verið giftur og átt barn/börn með Mariu Magdalenu og út af því hefur bókin jafn og myndin verið bönnuð í mörgum löndum.

Það hefur verið beðið eftir kvikmyndinni í meira en ár með mikilli eftirvæntingu eftir að Ron Howard(A Beautiful Mind og Cinderella man) tók að sér leikstjórnina og réð Tom Hanks(sem mér finnst ofmetinn og hálf pirrandi en hann er samt ekki alveg hæfileika laus) og aðra fleiri þekkta leikara eins og Audrey Tautou,Ian McKellen,Jean Reno og Alfred Molina ásamt Paul Bettany.

Akvia Goldsmith skrifar handritið en hann skrifaði líka Cinderella Man og A Beautiful Mind(sem hann fékk Óskar fyrir) ásamt Batman & Robin sem er af flestum talin ein versta kvikmynd allra tíma og það útaf rusl handritinu.

Eins og ég sagði þá fékk myndin góða athygli og líka rosalega vonda eins og hún var bönnuð því að hún á víst að vera guðlast og hún hefur fengið líka fengið vonda dóma, það var t.d. búað og hlegið á frumsýningunni á Cannes.

En þar sem ég er ekki kristinn þá pirraði þetta guðlast(sem er ekki eins f-in alvarlegt og margir vilja meina) mig ekki, ég fór bara í bíó með fjölskyldunni en hlakkaði ekkert rosalega til en langaði samt í bíó. Ég vil taka fram að ég hef ekki lesið bókina.

Fyrri hlutinn(eða allur hlutinn í Frakklandi) er mjög spennandi. Sá seinni varð mjög langdreginn og mjög lengi að enda.

Leikurinn var ekkert spes,Audrey Tautou er alltaf að fá mjög lélega gagnrýni fyrir leik sinn en mér fannst hún ekkert verri en hinir nema þó Ian McKellen sem var lang besti leikkarinn myndinni og bjargaði henni eiginlega.

Ég segi það sama og nokkrir segja um Paul Bettany(hr.Jennifer Connelly,LUCKY BASTARD!!!):hann var góður þangað til að hann byrjaði að tala. Hreimurinn var hræðilegur,tilgerðar legur og minnti svolítið á lélega Arnold Schwarzenegger eftirhermu.

Handrit og leiktjórn var alveg ágætt en ekkert meira og Da Vinci Code tekst ekki að verða neitt meira en ágæt mynd. Langt í frá að vera meistaraverk,snilld né góð mynd(ekkert vond) bara fín spennu-ævintýra mynd.

1.Þegar maður les bókina þá getur maður ekki hætt að lesa hana,það er ekki hægt að leggja hana frá sér en myndin maður getur ekki beðið eftir að hún sé búin.

2.Bókin heldur manni spenntum frá fyrstu blaðsíðu en myndin nær engan veginn mynda einhverja spennu.

3.Í bókinni eru gerð góð skil fyrir persónunum en það var frekar dauft í myndinni.

Tom Hanks nær engan veginn að gera persónu sýna trúverðuga,Jean Reno er á agætur sem löggan,Audrey Tautou sýnir miðlungs leik,Alfred Molina sömuleiðis einu leikarnir sem geta eitthvað er Paul Bettany sem sýnir hversu þjáður hann er ekki illskan uppmáluð og Sir Ian McKellan er alltaf traustur sama hvað hann tekur sér undir hendur.

Ég myndi ekki segja að þetta væru fyrstu vonbrigði sumarsins af mínu mati þá eru fyrstu vonbrigði sumarsins veðrið en það er bara ég. Það sorglega við þetta allt saman er hversu góð sagan sjálf er . Eini leikarin sem mér fannst góður var Paul Bettany í hlutverki silas allir hinir leikararnir voru bara lélegir eða höfðu alla vegana engin áhrif. Þetta er mynd sem er bara fínt að taka á video leigu og horfa á hana heima. Í stuttu máli bókin-já myndin-nei

Ekki bjóst ég við því upphaflega að hljótandi titilsins fyrstu vonbrigði sumarsins yrði The Da Vinci Code. Satt að segja var ég enginn sterkur aðdáandi bókarinnar (Angels & Demons var miklu betri). Þrátt fyrir að hún hafi náð að halda athygli minni út í gegn, þá var hún ekki mikið meira en bara meðalgóður skáldskapur með standard uppbyggingu, fyrirsjáanlegri ráðgátu en þó athyglisverðum (þótt hálf brenglaðar séu) trúarkenningum og skemmtilegu samsærisplotti. Í stuttu máli; Bókin var fín, en örlítið ofmetin í augum þeirra sem hafa séð þessa grunnformúlu notaða þúsund sinnum áður. Þegar ég frétti fyrst af tilvist þessarar myndar, þá reyndi ég að stilla væntingar í lágmark, en einhvern veginn hefur tíminn, allt þetta hype og leikaraúrvalið náð að hækka þær. Þegar ég steig fyrst út úr bíóinu vissi ég ekki hvað ég ætti að halda. Myndin er algjör mixtúra af góðum og slæmum atriðum. Útlit, stíll og tæknivinnsla er stórvel heppnuð. Jafnvel hrósa ég Hans Zimmer fyrir þrusugóða tónlist í þokkabót. Það vantar heldur ekki skreytingu leikaranna, enda nokkur traust nöfn hér á ferð. Aftur á móti er innihaldið fremur ábótavant. Það nægir ekki bara að beintúlka bókina og kvikmynda helstu þættina, heldur er ákveðinn kjarni sem vantar, og þar mistekst Ron Howard örlítið. Af sökum þess virkar flæðið á myndinni voða ryðgað, eins og hún komist aldrei á flug almennilega. Í augum þeirra sem hafa lesið bókina mun atburðarásin virka alltof hröð, en fyrir hina sem hlutlausir eru er hún fullhæg, og þar einmitt liggur stór galli. Howard nær ekki að finna milliveginn. Tom Hanks stóð sig reyndar nokkuð vel. Túlkun hans á Langdon var ágætlega heppnuð og sló hann hvergi feilnótu þegar kom að því að ná helstu einkennum hans. Það tók hins vegar góðan tíma að kaupa Hanks sem táknfræðing, hvað þá með þessa hárgreiðslu... Audrey Tautou er ein af mínum uppáhalds leikkonum, en hér er hún óendanlega flöt. Það vantar allt líf í karakter hennar, og virkar samband hennar við Hanks pínu þvingað og kærulaust. Paul Bettany kom annars vel út, og þá mjög svo. Sama má segja um Alfred Molina og Jean Reno. Ian McKellen stal annars heldur betur senunni sem fatlaði fjörkálfurinn Leigh Teabing, sem er hiklaust hressasti karakterinn í allri sögunni. Það segir samt ekki mikið.Leikararnir gera samt því miður lítið gagn þegar handritið klikkar ásamt svona vondu flæði. Í bókmenntum hefur t.d. lokaþriðjungur sögunnar ágætis kraft í sér, en í kvikmynd höfum við pjúra anti-climax, ásamt geysilega teygðum endi (og þið sem hélduð að Return of the King væri lengi að klárast!...). Hvað stendur þá eftir? Ja, við höfum flottar umbúðir, svo sannarlega. Frammistöður standa uppúr, fílingurinn virkar og útlitið skilar sínu. En í neikvæða kantinum er myndin fulllöng og á flestan hátt líflaus og óspennandi. Í sumum myndum virkar það vel fyrir andrúmsloft og spennuuppbyggingu að vera í lágstemmdari kantinum. Ekki hér. The Da Vinci Code er hættulega nálægt því að vera leiðinleg á pörtum og skilar sér sem miðjumoð. Gleymum samt ekki þvælunni, því hún er klárlega til staðar. Ég get lengi talað um þessar kenningar sem tautaðar eru í myndinni/bókinni, sem alnokkrir taka víst svo alvarlega. Ég sé ekki hvað er svona mikið mál. Sumir þurfa að læra að hafa sveigjanleika fyrir svona málum. Þetta er skáldskapur en ekki kristinfræði! Kenningarnar í þessari mynd mega vera absúrd, en það má rétt eins segja það sama um biblíuna eins og við þekkjum hana. Æ, nóg um það. Myndin skríður yfir miðjumoðið og fær smá plús fyrir McKellen, útlitið og þann hausverk sem ég fékk eftirá meðan ég hugsaði hvernig mér í raun og veru fannst myndinEitt er a.m.k. víst, hvort sem gæði, samanburð við bók eða trúfræði varðar, þá fær myndin mann til að hugsa svolítið, og það tel ég vera jákvætt.6/10(SPOILER!)Það böggar mig samt alltaf jafn mikið (og þetta gildir um bókina einnig) hversu tilviljanakennt það er að Langdon skuli taka þá skyndiákvörðun að flýja/leita til Teabing, sem hafði ekkert komið áður fram eða verið nafngreindur, og vill einmitt svo heppilega til að hann sé "illmenni" sögunnar. Pínu klaufaleg skrif þarna. Já, ég er að tala við þig, Dan Brown...! Annars fínt.

FYRSTU VONBRIGÐI SUMARSINS, verð eg að segja

eg hafði ekki lesið bokina en væntingar minar fyrir þessa mynd voru heilmiklar og ekki af astæðulausu

fyrst var bokin þvilikt vinsæl og svo eru goðir leikarar og leikstjori

serstaklega er sorglegt með frönsku leikkonuna sem lek AMELIE fyrir nokkrum arum,hun fær ekkert að njota sin i þessari mynd,sama með tom hanks,alveg litlaus karakter

aðrir standa sig nokk betur

eg ætla samt að gefa henni 2 og halfa stjörnu þar sem þetta er allt i lagi timasoun en alveg eins bara hægt að kikja a video.

eg hafði buist jafnvel við að þessi mynd yrði ein af betri myndum þessa ars.

ef þið hafið ekkert að gera ju ju þa er da vinci allt i lagi fylling i þann tima

ps. GEGGJAÐUR JAMES BOND TEASER,þetta verður vonandi besta myndin i yfir 20 ar

The DaVinci Code myndin er eins og allir vita gerð eftir samnefndri metsölubók eftir Dan Brown. Ég fór á frumsýninguna í gær og var mjög spenntur fyrir myndina, hélt að hér væri á ferðinni ein besta mynd ársins, enda Ron Howard leikstjóri verið mjög góður og leikstýrt Óskarverðlaunamyndum eins og A Beautiful Mind(2001), Apollo 13(1995) og einni af mínum uppáhalds myndum Willow(1988). Myndin í gær var bara ekki næstum því eins góð og ég hefði haldið. Hún fjallar náttúrulega um prófessor Langdon(Tom Hanks) og Sophie Nevue(Audrey Tautou) sem hittast inni í Louvre safninu, þegar Langdon er fenginn til að ”hjálpa” við lögreglurannsókn. Myndin fylgir bókinni alltof mikið eftir og engin hliðarskref tekin. Tom Hanks sem á að vera aðalhlutverkið í þessari mynd gerir ekkert í rauninni þangað til á síðustu 20-30min í myndinni og mér fannst hann bara ekki eins solid og hann hefur verið í fyrri myndum sínum. Myndin fylgir söguþráðnum samt alveg ágætlega og svona flashback og þannig er alveg töff og reyndar er myndatakan alveg mjög góð, var mér sagt því augað náði henni ekki alveg því ég kom svo seint að ég þurfti að sitja á fremsta bekk, en málið er bara það að hún er svo langt frá því að vera eins spennandi og bókin. Þótt þú hafir ekki lesið bókina þá lestu eiginlega alveg í gegnum þetta og finnst þetta ekki það spennandi. Drama er ekki mikið eða allaveganna ekki gott í myndinni, svo þetta er ekki dramamynd og ekki spennumynd, alls ekki grínmynd, svo þetta er eiginlega bara mynd.

Í stað þess að gera eitthvað nýtt, eitthvað óvænt þá gerir Da Vinci Code nánast það sama og bókin, enda leið manni eins og maður væri að horfa á einhverja ódýra smásögu á skjánum. Ron Howard er alls ekki maðurinn til þess að leikstýra svona mynd, hann ætti að halda sig við Russell Crowe og sögur sem gerast fyrir allavega fimmtíu árum síðan. Hann er alltof hefðbundinn og kann greinilega ekki að skapa neinar spurningar fyrir áhorfandann. Gersamlega spennulaus, myndatakan var að svæfa mig, meiraðsegja leikararnir voru gangandi lík og þá Tom Hanks meðal þeirra. Sá eini sem sýndi verðuga frammistöðu var Ian McKellen og mögulega Paul Bettany. Eina sem ég gat séð í Da Vinci Code voru fjölmörg misheppnuð tækifæri, í staðinn fyrir frjótt ímyndunarafl þá fær maður bara bókina beint á skjáinn á óathyglisverðasta hátt sem hægt er að sjá hana, og mér fannst bókin alls ekkert sérstök. Það gerðist þó að brett var upp á áhugann en þá aðallega þegar Ian McKellen byrjaði að röfla um fortíðina með mjög flottum endurlitum, en jafnvel þá leið manni eins og maður væri viðstaddur í sögutíma, hver er þó skemmtilegri kennari en Ian McKellen? Einhvern veginn þá náði myndin aldrei til mín, þrátt fyrir að efnið bakvið söguna var athyglisvert þá gat myndin aldrei skapað neinar fléttur kringum það. Ég hafði vonast fyrir betri mynd, því miður þá er Da Vinci Code mikið vonbrigði, og á varla meira skilið heldur en tvær stjörnur.

DVC er nýjasta mynd Rons Howard og er byggð á snilldarverki Dans Brown. DVC er fín mynd, að mínu mati. Hún er nokkuð spennandi, leikarar eru ágætir. Þó var Ian McKellen langbestur í hlutverki Leigh Teabing. En myndin nær ekki sömu spennunni og einkenndi bókina. Svo breytir hann miklu í sögunni sem er ekki sniðugt að gera. Er á því að þessi mynd eigi eftir að fá blendnar niðurstöður, aðallega hjá hörðum aðdáendum bókarinnar sem er skiljanlegt. En mér fannst þetta ágætis ræma og gef henni 2 og hálfa stjörnur. En er á því að Ron Howard hefði getað gert betur með þessa sögu en hann gerði.

Áður en ég las bókina bjóst ég bara við einfaldri afþreyingu af þessari mynd, engum stórkostlegheitum. Eftir að las bókina voru væntingarnar hinar sömu. Sagan er að sjálfsögðu stútfull af smáatriðum sem ekki er mögulegt að koma til skila í einni mynd, jafnvel þótt hún sé höfð í lengra lagi. Ég var svolítið ósátt við breytingarnar á sögunni, ef ég hefði verið höfundurinn hefði ég ekki getað sætt mig við þær. En það má náttúrulega ekki gleyma því að Da Vinci lykillinn er fyrst og fremst ævintýri, það er bersýnilega hlutverk Langdons í sögunni að minna mann á það, að það eru mjög takmarkaðar sannanir fyrir því sem haldið er fram. Og mér finnst það koma jafn vel fram í myndinni og í bókinni. Hins vegar finnst mér að það hefði mátt athuga þann möguleika, sérstaklega með tilliti til þess að aðsókn hlaut að verða mikil, að hafa myndina enn lengri eða jafnvel að gera tvær myndir og fara þannig betur eftir bókinni. Að þessu sögðu er niðurstaðan sú að mér fannst myndin fín, jafngóð og ég bjóst við, vel leikin, með flottar tæknibrellur og myndatöku og alveg magnaða tónlist (er búin að kaupa diskinn), sem tekur ekki athyglina frá myndinni heldur eykur spennuna og innlifunina. Ég mundi segja að þetta væri einfaldlega mynd fyrir flest fólk sem hefur ævintýraþrá og opinn huga gagnvart tilverunni, og hefur gaman af því að leysa þrautir að sjálfsögðu. Takk fyrir mig.