Mr. and Mrs. Smith (2005)

Mr.& Mrs. Smith er alveg pottþétt ein af umtöluðustu myndum þessa árs. Ástæðan? Hjónaband Angelinu Jolie og Brad Pitt. En er það að draga myndina niður hvað varðar gæði hennar? Langt í frá. Þetta er hin pottþétta sumarmynd sem að allir spennufíklar ættu að hafa góða skemmtun yfir. Doug Liman gerði hina meiriháttar góðu The Bourne Identity, og vissi maður hvað maður mátti við búast af þessari mynd. Það sem samt helst einkennir myndir Dougs er mikill action. Og hér er hann ekkert sparaður, og virkar hann mjög vel í þessari mynd. Svo er einnig líka hvernig hann lætur erfiðleikana í hjónabandi Smith hjónanna blandast saman við baráttu þeirra við vondu kallana, mér fannst það mjög gaman að horfa á. Það er samt líka hægt að taka gallana fyrir. Þó að Brad Pitt og Angelina Jolie séu súperstjörnur, fannst mér eitthvað vanta upp í frammistöðurnar hjá þeim. Maður hefur séð þau betri, og voru þau ekki að virka alveg nógu vel fyrir minn smekk. Svo er það náttúrulega endirinn. Þó að hann sé cool, þá myndi hann samt aldrei meika neinn sens. En hey, þetta er bíómynd. 3 stjörnur í bókina hjá mér.

Það sem er stærsti galli þessarar myndar og alltof margra mynd í dag er söguþráðurinn. Megin plott myndarinnar gengur ekki upp, það er, ef það væru 2 leigummorðingjar giftir og umboðsaðilar þeirra kæmust að því myndur þeir ekkert láta þau reyna drepa hvort annað. Miklu meiri líkur að þeir myndu bara eitra fyrir hjónunum. Annar gallinn er Angelina Jolie, manneskjan getur ekki leikið, ekki það að flestum í dag sé ekki sama vegna þess hún lýtur vel út og það sama má að mörgu leiti segja um Brad Pitt en hann getur þó eitthvað leikið. Ef maður lætur söguþráðinn og leikinn hennar Angelinu far í taugarnar á sér getur maður alveg hlegið og notið myndarinnar. En þetta er enginn óskarsverðlaunamynd og hún var ekkert auglýst sem slík heldur aðeins létt spennandi afþreying sem hægt var að hafa gaman að og því held ég að flestir fái það sem þeir búast við þegar þeir fara á myndina, ef þeir eru ekki með neinar merkilegar væntingar.

Mér finnst þessi mynd ansi góð skemmtun, þótt að þessi mynd sé samt ekki í heimsklassagæðaflokki þá fær hún mann til að brosa. Leikararnir Brad Pitt og Jolie eru bara sæt í hlutverkum sínum en þá reynir þó ekki mikið á leikhæfi leika þeirra vegna þess að þau eru bara sæt. Núna skil ég afhverju allar sögusagnir um þau eru til staðar þessa dagnana vegna þess að þau virðast hafa haft gaman að leika á móti hvor öðru.

Ég komst á myndinni í Lúxus og það var nú besta aðstaða til að sjá myndina. Þetta er nú ein af myndum sem ég get horft á svona 3svar sinnum. En þessi mynd er fljót að líða og búnaðurinn og vopnaðurinn í þessari mynd líkist sumt á svona James bond. Þetta eru réttu leikararnir í myndina, þau eru flott par í svona hasarmynd. En maður býst við að þetta eru hasar alla myndina en svo eru þau hjá sálfræðingi að segja frá hjónabandinu. Þannig ég gef myndinni þrjár og hálfa stjörnu.

Þessi mynd mr. and mrs. smith rétt stóð undir væntingum en þetta er bull mynd af bestu gerð ,með tvem stærstu stjörnum Hollywood, Angelinu jolie og Brad Pitt.En myndin er um hjón sem vita ekki að maki þeirra sé leigumorðingi fyrr en þau rekast á hvort annað í verkefni ,og eftir að þau gera sér grein fyrir því hvað maki þeirra er upp hefst þvílíkar hjónadeylur (með skotvopnum) að það eru fáar mínúturnar sem manni leiðist yfir þessari þriggja stjörnu dellumynd beint úr kassanum frá Hollywood!

Ég komst á myndina á 400 kr þannig að ég gerði ekki miklar kröfur til myndarinnar enn hún fór bara fram úr þeim kröfum sem ég gerði til myndarinnar. Ég bjóst als ekki við því að þetta væri grín mynd, ég hélt að þetta væri þung spennumynd og ekkert af grín atriðum enn það var bara ágætis húmor í henni og það var meira að seigja hægt að hlægja að sumum. Myndinn fjallar um hjón sem halda mörgu leindu fyrir hvort öðru og svo einn daginn komast þau að sannleikanum um hvort annað og verða þau þá ráðinn í það að drepa hvort annað enn það reynist erfitt fyrir þau og svo komast þau að því að þetta hafi allt verið gabb og þau hafi allan tíman verið skotmarkið og þá fara þau að vinna saman í málinu.

Mr and Ms Smith....hljómar ekkert spennandi og hvað þá fyndið. En þessi mynd kom mér svakalega á óvart með góðum húmor, þá sérstaklega fyrir hlé þegar þau voru alltaf að deila. Plottið var líka ótrúlega spennnandi áður en að það var farið að draga það alltaf lengur og lengur. Bardagaatriðin í endanum hefðu mátt fjúka eins og þau lögðu sig þetta var allt of langdregið og átti enganvegin heima þarna. En í heildina séð var hún nokkuð góð og efast ég ekki um að ég muni taka hana á spólu þegar að því kemur og þá spólar maður bara yfir þessi óþarfa atriði og þá er þetta orðin fínasta mynd.

Það er stórmerkilegt hvernig Mr. and Mrs. Smith nær að skiptast í tvær myndir. Í fyrri helmingnum er hún snjall og hnyttinn kómískur þriller. Þetta er stig sem hún flæðir ótrúlega vel á. En svona eftir að síðari helmingurinn er farinn að stíga fram breytist myndin yfir í háværa, plottlausa sumarhasarmynd. Persónulega hef ég gaman af hvoru tveggja, en þetta er ekki tilfelli þar sem að jafnvægið helst nógu stöðugt. Ég ætla þó alls ekki að neita því hversu þrususkemmtileg afþreying þessi mynd er, enda er varla við öðru að búast frá tveimur flottustu leikurunum í Hollywood í dag ásamt solid leikstjóra (Doug Liman - maðurinn á bakvið Swingers klassíkina og síðast toppmyndina The Bourne Identity). Nöfnin á bakvið myndina ættu að vera nóg til að tryggja skemmtun sem er miðans virði, ef ekki þá bara Vince Vaughn. Þetta er klárlega einhver fyndnasti maður á jarðríkinu í dag, og þótt þetta sé ekki beint hans besta hlutverk, þá stelur hann hverri senu. Hasarinn í myndinni vekur upp smá adrenalínflæði. Liman sannaði með síðustu mynd sinni að hann gæti búið til flotta bílaeltingarleiki, og byssuhríðirnar koma einnig vel út, jafnvel þótt það megi skynja nokkra John Woo-takta í þeim. Mr. and Mrs. Smith er skotheld skemmtun meðan hún rennur í gegn. Hún þjáist að mestu leyti fyrir þá óvissu að hún viti ekki alveg hvort hún vilji vera þriller, gamanmynd eða hasarmynd. Niðurstaðan hefði orðið góð jafnvel þótt hún haldið sig við eitthvað eitt, en sem bræðingur er erfitt að segja. Einnig fannst mér nokkuð furðulegt hversu opinn endirinn var. Í raun og veru fannst mér þessi mynd bara alls ekkert komast að neinni niðurstöðu í lokin. Hún bara hættir! Hvorki er gefið manni útskýringu né skyn um að atburðarásin hafi fyllilega klárast og fyrir það dreg ég myndina svolítið neðar. Brad Pitt og Angelina Jolie sjá annars til þess að maður gangi sáttur út - burtséð frá göllunum - og þeirra vegna er það nokkuð ljóst að þetta er ansi gott kvöldbíó fyrir bæði kynin (sumsé nóg fyrir bæði strákanna og stelpurnar til að glápa á - gerist varla betra fyrir sölumennskuna á sumarmynd). Gott mál.6/10

Brad Pitt og Angeline Jolie....Þegar ég sá þessi nöfn saman þá vissi ég að það var svona Trick til þess að Draga mann á myndina því Kvikmyndagaurarnir í Hollywood hafa verið að gera frekar mikið af því um undafarið(en það gæti líka bara verið ég).Þegar ég fór á hana seinasta laugardagskvöld bjóst ég reyndar við algjörri þvælu(Fékk Boðsmiða og ákvað að skella mér:))en myndin kom mér í rauninni skemmtilega á óvart.Söguþráðurinn er ekkert meistaraverk.Húmorinn í myndinni er fínn og gat ég alveg hlegið af henni.Hasarinn er góður og fínir byssubardagar í honum.Ég var sérstaklega hrifinn af samtölum þeirra Pitt og Jolie þegar þau vissu um raunverulegu afdrif hins.

Þessi mynd á örruglega ekki eftir að raka inn óskarverðlaunum en hún er fín ef maður er að leita af einhverju til að horfa á Með Kókinu og Poppinu sínu.

Ég komst nú á Mr. & Mrs. Smith á 400 krónur svo mér var ekki fyrir algerum vonbrigðum þar sem ég fékk nákvæmlega það sem ég bjóst við. Myndin er blanda af True Lies og War of the Roses, eini munurinn er sá að myndin er nútímavædd, þ.e.a.s heilmikið af bullet time líkri slow motion. Ég var svo heppinn að sjá myndina með fullan sal af gelgjum og FM-hnökkum, ég hafði aldrei áður séð svo fullt svæði af gelgjum á ævi minni og mun vonandi aldrei gera það aftur. En það var augljóst að þær voru þar allar til þess að sjá Brad Pitt á skjánum, myndin er alger þvæla sem byggist hreinlega á því að laða að sér ungt fólk sem hefur aðalleikarana á heilanum sem hafa enga umhugsun um myndina sjálfa. Meðan ég hugsa um það þá velti ég fyrir mér hví ég sá hana, en annars þrátt fyrir allt þetta þá leiddist mér ekkert á myndinni. Það er aðeins ein leið til þess að horfa á hana og það er að vera gersamlega heilalaus og njóta hasarins, á þannn hátt er Mr. & Mrs. Smith alveg ágæt en ekkert meira.

Mr and mrs smith er frá leikstjóranum sem færði okkur the bourne Identity, Go og Swingers (Doug Liman).


Og allar þessar myndir finnst mér mjög svo góðar.


Heitar ástarsenur með þeim Brad Pitt og Angelina Jolie eru mjög góðar, og maður sér þarna eins og oft áður í myndum Angelinu hversu ótrúlega myndarleg hún er. Ég hef heyrt einhverstaðar að hún ætli sér að draga sig úr kvikmyndum, ætlar sér víst að einbeita sér að fjölskilduni, eða ég las það einhverstaðar.


Myndin er lauslega um hjónin Jane Smith og John Smith, þau hafa verið gift í nokkur ár, og má nú segja að þessi kynferðislegi eldur á milli þeirra sé alveg við það að slokkna. Og ekki nóg með það þá vinna þau bæði sem leigumorðingjar, og mega ekki segja neinum frá því, ekki heldur hvor öðrum. En svo fá þau bæði, það verkefni að drepa hvorn annan, og þá byrjar sko boltinn að rúlla.


Myndin finnst mér ágætis af þreying, en verður samt svolítið langdreginn, finnst myndin vera aðeins of löng. En eins og Doug Liman er frægur fyrir, þá er spennan til staðar, og slagsmálaatriðinn raunveruleg, og flott.


En mér fannst myndin samt ekkert ótrúlega góð, en jú jú ágætis afþreying, sem ég mæli svo sem alveg með að þið takið, með popp í skál, þegar það er mikil rigning úti, og þið viljið bara hanga undir sæng, og horfa á svona fyndna spennumynd, með rómantísku ívafi..