Ray (2004)

Það verður að segjast eins og er að Jamie Foxx standi sig hreint út sagt frábærlega sem Ray Charles í þessari mynd. Myndin er skemmtileg og dramatísk og ekki skemmir það að það er mögnuð tónlist sem er í myndinni. Jamie Foxx átti svo sannarlega skilið óskarsverðlaun fyrir leik sinn í þessari myndi því leikur hans er óaðfinnanlegur.

Þessi mynd er algjört meistaraverk. Segir frá ferli Ray Charles Robinson, sem að var einn besti tónlistamaður sem að var uppi. Hérna er sýnt frá því þegar hann var að komast uppá stjörnuhimininn í tónlistarbransanum, frá eiturlyfjaneyslu hans, helstu samböndum hans, bara allt það helsta í lífi þessa merka manns. Það er allt gott við þessa mynd: Gott handrit, góður söguþráður, leikstjórn Taylor Hackfords, kvikmyndataka mjög góð, brilliant tónlist og síðast en ekki síst leikur Jamie Foxx sem Ray Charles. Þessi maður er svo líkur Ray að það er varla hægt að greina þá sundur. Þeir gátu ekki fundið betri leikara í þetta hlutverk en hann. Ég hef fílað Jamie Foxx mjög mikið sem leikara, þótt hann hafi einungis leikið í aukahlutverkum. Það var ekki fyrr en hann fékk hlutverk í myndinni Collateral og Ray sem að stjarna hans fór að skína. Jamie Foxx er næsti Denzel Washington. Hann er það góður leikari og sannar það í Ray með alveg brilliant frammistöðu sem var vel þess virði að fá Óskarinn fyrir. Það verður spennandi að fylgjast með honum í framtíðinni og er maður strax spenntur fyrir næstu mynd hans, sem að er Miami Vice sem er byggð á frægum sjónvarpsþáttum sem að gerðu Don Johnson frægan. Ein af þeim betri sem að er í bíóhúsum núna. Pottþétt 4 stjörnur.

Frábær mynd í alla staði. Leikurinn alveg æðislegur. Handritið mjög gott. Þessi mynd fékk mig til að gráta, hlæja og ég held að allar tilfinningar hafi brotist út hjá mér þegar ég horfði á myndina. Þessi mynd fer á topp 10. hjá mér. Þetta er mynd sem ég vildi eiga í safni mínu. Ég var mjög ánægður að aðaleikarinn skyldi fá óskarinnn fyrir besta leik í aðalkarlhlutverki.

Ray er mynd sem er fullkomlega í eigu Jamie Foxx. Það getur hver sem er komið með eftirhermu á Ray Charles en Foxx stingur sér alveg á kaf inn í persónueinkenni hans og hreinlega 'verður' að honum. Ég var sannfærður um það frá fyrstu mínútu. Hann ER Ray Charles. Mér finnst bara leiðinlegt að myndin sjálf skuli ekki hafa komið betur út. Það er eiginlega mjög krefjandi verkefni að búa til svokölluð ''biopics'' því það er mjög erfitt að færa manni eitthvað sem maður hefur ekki séð áður og oftar en ekki eru slíkar myndir byggðar upp eins. Þessi mynd fjallar mikið um erfiðu tímanna í lífi snillingsins, t.d. þegar hann er að glíma við eiturlyf, framhjáhöld o.þ.h. Gallinn er bara sá að þetta virðist bara vera eins og eitthvað sem við höfum séð þúsund sinnum áður. Myndin fer samt mjög ítarlega út í Charles sem einstakling og leyfir manni að kynnast honum og hvernig hlutirnir fóru í stað þess að taka stórstökk í frásögninni á milli einungis alls þess mikilvægasta sem gerðist hjá honum (eitthvað sem ég kvartaði um að The Aviator hafi gert). Myndin er þó óneitanlega í lengri kantinum. 152 mínútur virðist ekki vera langur tími en þegar maður horfir á myndina líður hún mun hægar. Flæðið á myndinni fer líka smátt og smátt að drattast þar til að sagan fer að missa alla orku. Ég ætla ekki að nota orðið 'leiðinlegt' en í þessu tilfelli kom sú lýsing mjög sterkt til greina á vissum stöðum. Leikurinn er samt framúrskarandi, og standa margir aðrir sig virkilega vel að utanskildum Foxx. Ray er svona í heildina voða blandaður pakki. Það er hægt að skynja frábæra mynd einhvers staðar þarna inni, en svo fer lengdin að sýna sig og óþarfar senur finnast í stórri tölu og á endanum nær hún rétt aðeins yfir meðallag, þökk sé Foxx.6/10

Mjög góð mynd um ævisögu Ray Charles Robinson, Jamie Foxx er fullkominn sem Ray þar sem hann vann óskarinn rétt áðan. Þrátt fyrir gott handrit og frábæran leik er myndin alls ekki nógu fullnægjandi. Hún er langdregin en samt er myndin klippt í hel. Alls er hún mjög fín en ekki besta mynd 2004 að mínu mati.

Það er engin ástæða til þess að gefa Ray annað heldur en 4 stjörnur. Myndin er hreinlega sú lang besta sem komið hefur út lengi. Hún segir frá lífi Ray Charles á sannsögulegan og beinann hátt, er mjög tilfinningarík án þess þó að falla í þá grifju að verða væmin. Tónlist Ray er vafin snildarlega inn í myndina og þó myndin sjálf spanni ekki nema lítið brot af ævi hans, er skotið inn tilvísunum til barndóms hans og uppeldis á hreint magnaðan hátt. Ég fór á Ray með miklar væntingar hafandi einungis heyrt gott um hana en þessi mynd var svo miklu, miklu meira. Hreint út sagt frábær framistaða Jamie Foxx er bara til að auka á ánægu þess sem á horfur. 4 stjörnur sem sagt, og ef ég gæti þá fengi hún fimm, því þessi mynd er algerlega sér á báti....

Ray er mjög góð mynd um ævi Ray Charles sem var einn dáðasti tónlistamaður sögunar, og dó í fyrra 74 ára gamall, hann lifði 1930-2004. Myndin gerist á árunum 1947-1979, hún byrjar þegar hann Ray er 17 ára og ætlar til Seattle til þess að fá vinnu. Hann tekur rútu þangað og það var eitt sem ég tók eftir þegar hann var í rútuni, það var að þar sem Ray sat voru bara svertingjar og það stóð á merki Coloured, og þarna aftast í rútunni þar sem stóð Coloured, þar áttu bara svertingjar að sitja. Þetta er eitt dæmi í myndinni um hvað var mikið kynþáttahatur á þessum tíma og er ennþá, kanski ekki jafn mikið núna eins og fyrir mörgum árum. Annað dæmi um kynþáttahatur þegar honum Ray er bannað að halda tónleika í Georgia. Hann Ray ólst upp í norður-florida og þegar hann var sjö ára sá hann bróður sinn George deyja og þegar hann var líka sjö ára missti hann sjónina og sá aldrei eftir það. Þegar hann kom til Seattle aðeins 17 ára þá fór hann á bar og spilaði þar og áhorfendurnir dáðust af honum og svo bauð eitt fyrirtæki um að gera plötu með honum. Svo fór hann á milli fleiri fyrirtækja, Atlantic og hitti Ahmet þar sem varð góður vinur hans, og svo endaði hann hjá ABC og fékk þar rosalega mikinn pening. Þessi mynd er líka full af tónlist að stundum þegar það kom eitthvað lag með Ray Charles þá voru hinir í salnum oft að smella í takt við lagið og stappa stundum. Ástæðan fyrir því að ég gef þessari mynd ekki fjórar stjörnur er sú að sumt af þessu hefur maður séð svo oft áður. SPOILER! Það sem maður hefur séð áður í þessari mynd er það að Ray Charles verður frægur og svo fer hann í fíkniefnin, það er það sem maður hefur séð svo oft áður SPOILER BÚINN. Ég vona að þessi mynd fær mikið af Óskarsverðlaunum en hún er tilnefnd til 6 Óskarsverðlauna þar á meðal Besti leikari(Jamie Foxx), Besta mynd og fleira. Hún fékk líka tvenn Golden Globe verðlaun fyrir besta mynd grínmynd eða tónlistarmynd og fyrir besta leikara(Jamie Foxx). Ég var að sjá svoldið á imdb.com og það er að Ray er í 180 mínútur í Director's Cut í bandaríkjunum en hún er bara venjulega í 152 mínútur. Aðalhlutverk: Jamie Foxx(Collateral), Kerry Washington(The United States of Leland) og Regina King(Down To Earth). Þrjár og hálf stjarna.