Eins og allir vita búa skrímsli í Skrímslaborg og fá orku frá öskrum barna sem hræðast þau. Staðreyndin er hins vegar að sum skrímslin í Skrímslaborg eru ekki síður hrædd við börn en börnin við þau. Þrátt fyrir það neyðast skrímslin til að halda áfram að hræða börnin því annars verður borgin þeirra orkulaus. Og nú er illt í efni. Málið er að upp á síðkastið hefur orðið sífellt erfiðara að hræða börn þannig að þau gefi frá sér öskur og þar með orku. Sum þeirra eru meira að segja alveg hætt að vera hrædd við skrímsli og öskra bara alls ekki neitt. Við þessum yfirvofandi orkuskorti þarf auðvitað að bregðast með auknum ótta en málin taka heldur betur nýja stefnu þegar lítil stúlka eltir grænbláa skrímslið Sölmund inn í Skrímslaborg ...
Þessi teiknimynd er fyrir alla og er a.m.k. sú lang findnasta sem ég hef séð. Billy Crystal talar fyrir Mike sem sér aðalega um húmorinn. John Goodman talar fyrir Sulley og er hann meistari …
Þessi teiknimynd er fyrir alla og er a.m.k. sú lang findnasta sem ég hef séð. Billy Crystal talar fyrir Mike sem sér aðalega um húmorinn. John Goodman talar fyrir Sulley og er hann meistari í að hræða krakka. Þessar tvær persónur aðal persónurnar. Tæknibrellurnar í myndini eru alveg stór góðar. Myndin kom mér skemmtilega á óvart og á minnst skilið 3 og 1/2 stjörnu.
Þessi er hreint og beint æðisleg, hún er svakalega findin, ótrúlega vel gerð, og stuttmyndin á undan henni fær mann til að væla af hlátri.
Söguþráðurinn er mjög góður og eigilega…
Þessi er hreint og beint æðisleg, hún er svakalega findin, ótrúlega vel gerð, og stuttmyndin á undan henni fær mann til að væla af hlátri.
Söguþráðurinn er mjög góður og eigilega bara soldið flottur þannig að ef þú ert hrædd/ur við skrímslin undir rúminu, inn í skápnum eða hvar sem að þau leynast, þá hjálpar þessi mynd þér alveg að komast yfir það tala nú ekki um ef þú átt krakka :)
Þessi mynd er snilld. Ég byrjaði bara á því að næstum pissa á mig úr hlátri afstuttmyndinni. Monsters er mjög vel gerð og sprenghlægileg en væmnu atriðin í endanum spilltu aðeins fyr…
Þessi mynd er snilld. Ég byrjaði bara á því að næstum pissa á mig úr hlátri afstuttmyndinni. Monsters er mjög vel gerð og sprenghlægileg en væmnu atriðin í endanum spilltu aðeins fyrir, en ekki misskilja mig. Þau eru kannski fyrir fullorðna en ég fór með yngra systkini mitt og ég sá alveg á henni að henni var farið að leiðast í endann. Hún kom líka heim svolítið leið yfir því að tröllið varð vont við litlu stelpuna. Persónurnar eru frábærar og misheppnuðu atriðin í á enda trailerinum koma manni í gott skap rétt áður en maður labbar út. Þannig ekki missa af henni og ég labbaði út skælbrosandi.
Hér er komin nýjasta mynd þeirra félaga sem gerðu Toy Story myndirnar, Monsters, Inc. Hún fjallar um þá félaga Mike og Sulley sem að vinna í Monsters, Inc. Þeirra hlutverk er að hræða b…
Hér er komin nýjasta mynd þeirra félaga sem gerðu Toy Story myndirnar, Monsters, Inc. Hún fjallar um þá félaga Mike og Sulley sem að vinna í Monsters, Inc. Þeirra hlutverk er að hræða börn til að fá orku eða eitthvað þá leiðis. Svo gerist það að Sulley sér dyr og fer að skoða inn í dyrnar og þegar hann kemur út þá sleppur þeirra versta martröð: lítill krakki. Og þá verður allt vitlaust. Þetta er mjög góð og fyndin mynd sem ég mæli með fyrir alla að sjá. Í byrjun er mjög fyndin stuttmynd sem mér fannst ótrúlega fyndin, heitir For the birds og svo í lokin eru alveg ótrúlega fyndin mistök úr myndinni sem maður sprakk úr hlátri af.
Þessi mynd stóðst alveg undir væntingum. Þetta var afbragð Disney mynd með flottum bröndurum og látbrögðum. Litli kallinn með eina augað var frábær. Svo var þessi stuttmynd á undan…
Þessi mynd stóðst alveg undir væntingum. Þetta var afbragð Disney mynd með flottum bröndurum og látbrögðum. Litli kallinn með eina augað var frábær. Svo var þessi stuttmynd á undan sem var algjör snilld. Ég mæli eindregið með henni, hvort sem það er í bíó eða á spólu.
FRÁBÆR, í einu orði sagt. Skrímsli, hf fjallar um skrímsli sem lifa á öskrum barna, en svo kemst lítil stelpa inní veröld skrímslanna og þá verður allt brjálað. Sjúklega fyndin mynd,…
FRÁBÆR, í einu orði sagt. Skrímsli, hf fjallar um skrímsli sem lifa á öskrum barna, en svo kemst lítil stelpa inní veröld skrímslanna og þá verður allt brjálað. Sjúklega fyndin mynd, samt ekki alveg betri en Shrek. Samt vel gerð í umhverfinu. Samt fannst mér hún vera róleg í lokin, það kom rétt á undan misheppnuðu atriðunum, þegar litla stelpan er (spoiler) að fara. Samt skal enginn missa af henni.
Félagi minn sendi mér sjóræningja eintak af þessari, svo ég gæti litið á hana, en eins og þeir vita sem hafa lesið eitthvað frá mér á þessum síðum þá á ég erfitt með á sjá ný…
Félagi minn sendi mér sjóræningja eintak af þessari, svo ég gæti litið á hana, en eins og þeir vita sem hafa lesið eitthvað frá mér á þessum síðum þá á ég erfitt með á sjá nýjar myndir í þýskutalandi Þýskalandi (er ekki einu sinni búinn að sjá LOTR). Hvað um það, myndin var meiriháttar. Fersk hugmynd og góðir karakterar sýna það og sanna að PIXTAR eru hér til að vera. Finnst mér sérstaklega gaman að sjá littlu stuttmyndirnar í byrjun PIXTAR mynda. Monsters, inc, mun skipa sér í sessi sem klassík líkt og Toy Story myndirnar. Endilega skellið ykkur í bíó með börn, systkini eða frændsystkini. Þið verðið ekki fyrir vonbrigðum. Þetta er huggulegasta mynd, spennandi, fyndin og alveg mátulega skelfileg fyrir krakka, og með góðum humor fyrir hina fullorðnu.
Ég fór á þessa mynd á forsýningu og hún er frábær. Með Goodmann í aðalhlutverki er þessi mynd ein besta skemmtun til að fara á. Það sést greinilega að það eru sömu höfundarnir s…
Ég fór á þessa mynd á forsýningu og hún er frábær. Með Goodmann í aðalhlutverki er þessi mynd ein besta skemmtun til að fara á. Það sést greinilega að það eru sömu höfundarnir sem skrifuðu skrímsli hf. og þeir sem skrifuðu Toy Story. Ég mæli stórlega með henni og yrði undrandi ef myndin yrði ekki tilnefnd til bestu teiknimyndarinnar á óskarsverðlaunahátíðinni. Þessi mynd er fyrir unga sem aldna og mæli ég með að allir sem geta fari á hana.
Hreint út sagt stórskemmtileg fjölskyldumynd þar sem ekki er langt á milli góðra brandara. Grínararnir John Goodman og Billy Crystal eru alveg hreint stórkostlegir saman og gefa Toy Story-tvíeykinu (sem eru náttúrulega þeir Hanks og Allen) ekkert eftir, og talsetja þá Sulley og Mike (frábær karakter; og er einn sá skemmtilegasti sem ég hef séð í fjölskyldumynd). Aukaraddirnar (James Coburn, Steve Buscemi og Jennifer Tilly eru þær þekktustu) eru líka ekki neitt verri. Monsters, Inc. minnti mig ansi mikið á snilldina Shrek, líklega vegna þess að þær eiga ýmislegt sameiginlegt. Þær eru t.d. báðar yndislegar tæknilega séð, og eru báðar umkringdar skemmtilegum og litríkum persónum, þær eru líka báðar sprenghlægilegar. Þessi mynd er kannski ekki eins vel útfærð (aðallega í umhverfi) og Shrek, en hún fer samt mjög vel út í mörg smáatriði (eins og m.a. loðfeldurinn á Sulley og ýmsum öðrum), og það gerir útlit hennar óaðfinnanlegt. Helsti galli myndarinnar er hvað hún féll mikið niður rétt fyrir lok, þar sem gengið var of langt með samband þeirra Sulleys og litlu stelpunnar, og voru því loka tíu mínúturnar frekar veikar (m.ö.o. væmnar), en ''misheppnuðu'' senurnar sem voru á meðan loka-creditarnir rúlluðu björguðu flestu slíku. Monsters, Inc. er kannski sú flottasta sem hefur verið gerð af Pixar-mönnum, en ekki alveg sú besta (Toy Story 2 er kannski aðeins betri), en engu síður ein sú allra skemmtilegasta. Hún er litrík, fyndin og einfaldlega frábær. Eitt að lokum: Alls ekki heldur láta stuttmyndina ''For the Birds'' (sem sýnd var á undan myndinni) fram hjá ykkur fara.
Enn og aftur nær Pixar fyrirtækið að koma manni á óvart! Þvílíkar teiknibrellur, þessi mynd er hreint augnakonfekt! Fyrir myndina var sýnd stuttmyndin 'For the Birds' (2000) frá Pixar, s…
Enn og aftur nær Pixar fyrirtækið að koma manni á óvart! Þvílíkar teiknibrellur, þessi mynd er hreint augnakonfekt! Fyrir myndina var sýnd stuttmyndin 'For the Birds' (2000) frá Pixar, sem er alveg frábær skemmtun, áður hafa Pixar gert nokkrar stuttmyndir, og má segja að þetta hafi allt byrjað hjá þeim með stuttmyndinni 'Luxo Jr.' frá árinu 1986, s.s. 16 ára gömul og ótrúlega flott enn í dag! Aðrar myndir utan 'Monsters Inc.' sem Pixar hefur gert í fullri lengd eru 'Toy Story' (1995), 'A Bug's life' (1998) og 'Toy Story 2' (1999). Í vinnslu hjá þeim er neðansjávarteiknimyndin 'Finding Nemo' sem er áætlað að verði sýnd á næsta ári (2003).
'Monsters Inc.' hefur á að skipa frábærri karaktersköpun sem eru túlkaðar á einstakan hátt með röddum Billy Crystal (Mike), John Goodman (Sulley), Steve Buscemi (Randall) o.fl. Billy Crystal er í stjörnuhlutverkinu hér. Kerlingin sem er alltaf að heimta skýrslurnar af 'Mike' minnir mig ótrúlega á einn af karakterum Ladda (mjög svipuð kerling). Söguþráðurinn er mjög skemmtilegur fullur góðs boðskapar og gengur algjörlega upp. Þetta er ekki bara mynd fyrir börn því allir aldurshópar ættu að geta skemmt sér stórkostlega yfir henni.
Enn og aftur sýnir Pixar fyrirtækið að þeir eru bestir í bransanum. Þeir virðast vera algjörlega ófærir um að framleiða neitt annað en snilld, og í þetta sinn fara þeir svo langt fram…
Enn og aftur sýnir Pixar fyrirtækið að þeir eru bestir í bransanum. Þeir virðast vera algjörlega ófærir um að framleiða neitt annað en snilld, og í þetta sinn fara þeir svo langt fram úr sjálfum sér að það er erfitt að sjá hvernig þeir ætla að bæta sig næst. Myndin er hreint tækniundur að sjá, og stórstígar framfarir hafa verið gerðar tæknilega séð. Það myndi þó ekki skipta neinu máli ef um lélegan söguþráð væri að ræða, en því er ekki að flíka hér. Nei, sagan er þvert á móti ómótstæðilega góð með frábæru gríni, þéttum þræði og góðum boðskap sem öllum er hollt að heyra. Eins frábær og Shrek var, þá verð ég að segja að þessi mynd tekur henni fram og mun til lengri tíma litið eldast mun betur. Þetta er á allan hátt stórkostleg mynd sem óhætt er að mæla með fyrir alla fjölskyldumeðlimi, sama á hvaða aldri þeir eru. Ps - stuttmyndin með fuglunum sem sýnd er á undan, er aðgangseyrisins virði ein og sér.
Monsters, Inc. er fyrirtaks teiknimynd, sem hefði yfirleitt auðveldlega stolið titlinum besta teiknimynd ársins. Árið 2001 fær hins vegar grænt tröll að nafni Shrek þá nafnbót. Þrátt fy…
Monsters, Inc. er fyrirtaks teiknimynd, sem hefði yfirleitt auðveldlega stolið titlinum besta teiknimynd ársins. Árið 2001 fær hins vegar grænt tröll að nafni Shrek þá nafnbót. Þrátt fyrir það er ekki hægt að þræta fyrir það að Monsters, Inc. er mjög góð mynd á nær allan hátt. Hugmyndin ein er nóg til að tryggja góða skemmtun: Öll skrímsli heims búa í stórborginni Monstropolis, þar sem þau lifa venjulegu lífi eins og ég og þú. Þeir framleiða orku með því að hræða lítil börn í okkar heimi og nýta öskrin sem þau framleiða. Þeir eru bestu skinn, og eru sjálfir dauðhræddir við börnin þar sem þeim hefur verið sagt að þau séu baneitruð. James P. Sullivan og Mike Wazowski (eineygt, grænt fyrirbæri - frábær hugmynd!) vinna við þessa orkuframleiðslu. Sá fyrrnefndi er besti hræðari fyrirtækisins, og Mike er aðstoðarmaður hans. John Goodman og Billy Crystal tala fyrir þá félaga og ég man satt að segja ekki eftir betri röddum í Disneymynd. Þeir eru vægast sagt ótrúlega fyndnir, og fá að vaða um víðan völl með vitleysunni sem veltur upp úr þeim. Steve Buscemi, sá trausti eðalleikari, talar fyrir aðalkeppinaut Sulleys, James Coburn talar fyrir yfirmanninn Waternoose, og Jennifer Tilly ljær kærustu Mikes rödd sína. Myndin nær að halda athygli þeirra smæstu sem og okkar sem eldri erum með því að halda uppi gríni sem aðeins þeir eldri skilja. Að sjálfsögðu er myndin óaðfinnanleg í útliti og enn einu sinni koma tækniundrin manni á óvart. Monsters, Inc. hirðir auðveldlega nafnbótina NÆSTbesta teiknimynd ársins.
Ég sá þessa mynd á seinasta fimmtudag í starfsmannasýningu hjá Sambíónum og ég bjóst við góðri mynd en fékk frábæra mynd sem fjallar um tvö skrímsli sem vinna saman í fyrirtæki se…
Ég sá þessa mynd á seinasta fimmtudag í starfsmannasýningu hjá Sambíónum og ég bjóst við góðri mynd en fékk frábæra mynd sem fjallar um tvö skrímsli sem vinna saman í fyrirtæki sem sérhæfir sig í tví að hræða börn og nota hræðsluna í orku og svo lenda þeir í skemmtilegur ævintýrum. Þetta er mynd fyrir alla fjölskylduna enda frá þeim sömu og gerðu Toy Story myndirnar!
Öllum leyfð
r96sk ★ 9.0/10
CinemaSerf ★ 7.0/10
