Swordfish (2001)

Swordfish er nú ekkert sérstök mynd en hasaratriðið í byrjun er geðveikt flott. John Travolta heldur áfram að sanna hvað hann er hræðilegur leikari nú undir stjórn Dominic Sena. Stanley (Hugh Jackman) er aðalpersóna myndarinnar en hann þráir ekkert heitar en að hitta dóttur sína aftur. Hann má það ekki vegna þess að hann fékk 2 ára fangelsi fyrir tölvuhakk og má því ekki koma nálægt tölvum. Gabriel Shear vill reyndar fá að hitta hann og borgar honum vel fyrir. Swordfish hafði getað orðið betri en hún varð með betri leikurum og leikstjóra.

Myndin byrjar vel og er svakalega flott. Sko ég er ekki alveg að fatta þetta með Matrix tæknina þarna þegar allt er sýnt hægt og svona. Ég veit að það er mjög erfitt að gera svoleiðis brellur en mér finnst ekki flott að sjá það við sprengingar, ég vil bara sjá almennilega bombu og ekki sýnt hægt en þetta er auðvitað bara mitt álit. Annas var söguþráðurinn bara mjög fínn og myndatökurnar voru mjög flottar. Alls ekkert hægt að setja útá leikarana. Þetta er bara ágætis afþreying og er ekki langt frá því að fá 3 stjörnur.

Mjög fín mynd . Travolta ber af af leikara hópnum sem er þó gífurlega góður . Alveg útrúlegt að þessi mynd sé frá sama leikstjóra og Gone in 60 seconds (Þau mistök) . Ég ætla ekkert að fara nánar í söguþráðmyndarinnar enn hann er pottþéttur . Travolta er komin aftur á rétta leið eftir hörmungina Battle field earth . Skyldu áhorf allra spennumynda áhugamenn . Með betri spennumyndum ársins .

Hún var mjög góð en ekki eins góð og ég hélt. John Travolta er geðveikt góður, en Hugh Jackman( X-Men þar sem hann lék Wolverine) var mun betri. Brjóstin á Halle Berry voru flott og gáfu myndini stórann plús. Það sem mér fannst samt reyndar flottast var sprengingaratriðið í byrjun myndarinnar og það var ekki ólíkt og í Matrix. Húmorinn er í fína laginu. Ræða Johns Travolta í byrjuninni var skemmtileg. Ég mæli með Swordfish og hún er bara hin besta skemmtun, mun betri en Gone in 60 Seconds. Sjáið þessa.

Besta mynd John Travolta til þessa. En mér líkaði Hugh Jackman betur, þeir báðir léku frábærlega og Halle Berry var ekki síðri. Góðar tæknibrellur og vel skrifuð samtöl en umfram allt frábær leikstjórn. Besta atriðið er vafalaust atriðið þegar Hugh hittir Travolta fyrst. Þegar Hugh brýst inn til FBI á meðan stelpan tottar hann og byssu er beint að höfði hans. Frábær mynd sem ég mæli mikið með og gef fjórar stjörnur

Ótrúlega flott mynd í alla staði; lýsingin, tæknibrellurnar og kvikmyndatakan. Leikurinn er frekar lélegur, sérstaklega hjá Halle Berry. Brjóstin eru samt all svakaleg og hvet ég alla að fara útúr bíoinu eftir að þau hafa litið dagsins ljós. Vegna þess að það sem kemur á eftir því er bara algjört rugl. Einföld mynd, byrjunin fær 5 stjörnur (ógeðslega flott byrjun), brjóstin fær 4 stjörnur en allt hitt fær 1 stjörnu. Takk fyrir.

Hörkugóður þriller með upphafsatriði sem fær hárin til að rísa á höfðinu og kalt vatn renna milli skinns og hörunds. Tæknibrellurnar og hasaratriðin í myndinni eru svaðaleg svo ekki sé meira sagt. John Travolta er svo mikill töffari í myndinni að slíkt hefur ekki sést í áraraðir og Halle Berry sýnir fagran líkamann, karlpeningnum vafalaust til mikillar ánægju. Þessi mynd er einstaklega góð afþreying en það er eitthvað sem vantar... ... ... til þess að myndin verðskuldi fleiri stjörnur. Hún skilur ekki alveg nógu mikið eftir sig ... en samt sem áður þrusugóð afþreying.

Góð mynd. Mikil spenna og mikil skemmtun. John Travolta stendur alltaf fyrir sínu. Rosalegt eitt atriðið, brjóst, brjóst og brjóst. Dýrustu brjóst sem hafa verið sýnd á hvíta tjaldinu eru í þessari mynd. Helle Berry er topplaus í þessari mynd. En því miður nær þessi mynd ekki að búa til þessa geðveika spennu sem ég bjóst við að sjá. Sorry. En ég hvet alla til að sjá þessa mynd. Því hún stendur fyrir sínu. Mariann Saether.

Loksins er hér komin alvöru hasarmynd sem er upp á bjóðandi fyrir vitsmunaverur, en góðar hasarmyndir hafa verið verulega sjaldgæfar undanfarin ár og í raun ekkert til að tala um að gerast á þeim bæ nema kannski þegar Face Off kom. Swordfish fjallar í stuttu máli um tölvuþrjót sem fenginn er gegn vilja sínum til þess að aðstoða hryðjuverkamann við tæknilegu hliðina á bankaráni sem er í uppsiglingu. Hugh Jackman, sem lék Wolverine í X-MEN og birtist síðast í hörmunginni Someone Like You, fer með hlutverk tölvuþrjótsins en John Travolta fer með hlutverk illmennisins og minnir oft á persónur sínar úr Broken Arrow og Face Off. Það var afar fyndið að heyra manninn sem stóð að baki soranum Battlefield Earth fara með setninguna: You know the problem with Hollywood is? They make shit. Handritið og sagan fannst mér ansi vel skrifuð, með teknu tilliti til að hér er um hasarmynd að ræða, og persónur hæfilega flóknar ásamt því sem að samtölin eru alls ekki flöt. Aðeins er fallið í þá gryfju að gera illmennin svo ofurgáfuð að þau virðast geta séð allt fyrir en þetta er minniháttar umkvörtunarefni. Tæknileg vinnsla er mjög góð og hasaratriðin flest frábær. Ég mæli sterklega með þessari og smelli á hana þremur stjörnur.

Swordfish byrjar gífurlega vel. John Travolta er að ræða Hollywood-myndir og sálfræðina sem liggur að baki þeim, t. d. af hverju myndir verða alltaf að enda vel. Maður er smástund að skilja hvað gengur á. Strax á eftir kemur eitt magnaðasta hasaratriði ársins. Það er ótrúlega flott gert, maður situr eiginlega eftir með öndina í hálsinum. Svo byrjar plottið. Stanley Jobson (Hugh Jackman) er fyrrverandi tölvurefur/hacker sem lenti í fangelsi fyrir að ganga of langt og má nú ekki snerta tölvur. Dag einn kemur hin kynþokkafulla Ginger (Halle Berry) og gerir honum tilboð sem hann getur ekki hafnað. Stan veit ekki að þetta leiðir til fundar við Gabriel nokkurn Shear (John Travolta), sem er í raun eitt stórt spurningamerki út í gegnum alla myndina. Er hann vondur, góður eða eitthvað þar á milli? Eftir að söguþráðurinn hefur verið settur upp, og tengsl við óheiðarlegan þingmann (gamli góði Sam Shepard) eru augljós, er hasarinn keyrður út í gegn. Áhættuatriðin eru óaðfinnanleg; einfaldur eltingarleikur FBI-löggu (Don Cheadle) við Stan verður að ótrúlegu spennuatriði niður bratta brekku. Leikstjórinn Dominic Sena gerði hina skelfilegu Gone in 60 Seconds í fyrra og stendur sig mun betur hér, enda greinilega aðeins meiri peningur í spilinu. Travolta er í Face/Off-skapinu hér, Berry er flott og topplaus í einu atriðinu (sem kostaði víst hálfa milljón dollara aukalega!), og Jackman er á góðri leið með að verða alvöru bíóstjarna. Vonandi að honum takist að þurrka ástralska hreiminn aðeins betur út í framtíðinni. Vinnie kallinn Jones skýtur upp kollinum hér - það er alltaf gaman að sjá hann. Lokaatriðið með rútuna er ótrúlega flott gert, og endirinn er ekki formúla út í gegn, sem er af hinu góða. Bara ein stór kvörtun: Af hverju er finnskur karakter látinn heita norsku nafni og tala þýsku??? Ég var að verða geðveikur á þessu... en jæja. Sprengjur, bílar, gellur, spenna og götótt handrit... er það ekki uppskrift að fullkominni sumarmynd?

Þegar þú sest niður og ætlar þér að horfa á spennumynd eftir sama leikstjóra og gerði heiladauða miðjumoðið Gone in 60 Seconds, þá efa ég að hægt er að fyllast miklu bjartsýni. Swordfish kom mér reyndar æðislega á óvart útaf því að hún var ekki bara talsvert betri en ég hélt, heldur með öllum líkindum ein af skemmtilegustu spennumyndum ársins 2001.Myndin fær svosem enga punkta fyrir gáfur í handritinu en hún er hröð, helvíti flott til útlits (sáttur með litanotkunina hjá leikstjóranum, þó svo að þetta sé dáldið Bruckheimer-legt) og m.a.s. spennandi á réttum stöðum. Kvikmyndataka, tónlist og klipping býr til alveg þrusuflottan stíl sem setur ákveðin stimpil á myndina og gerir hana eftirminnilegri.Síðan verður að minnast á það að John Travolta er klárlega senuþjófurinn og leikur hann tvímælalaust langskemmtilegasta karakterinn - og í raun eina karakterinn sem er eitthvað athyglisverður og líflegur. Hugh Jackman og Don Cheatle eru báðir traustir en þeir eru voða litlausir og gera lítið annað en að fara með línurnar sínar meðan að Travolta sýnir hvað í honum býr og leikur með rulluna á ekki ósvipaðan hátt og hann gerði í Face/Off eða Broken Arrow - ókei, kannski aaaaðeins meira kammó. Halle Berry er annars vegar grútleiðinleg þrátt fyrir að líta glæsilega út. Allan tímann virkar hún svo snobbuð og góð með sig, og það er ekkert varið í persónuna hennar. Nektarsena hennar fræga var sömuleiðis fáránlega tilgangslaus og var augljóslega troðin inn í myndina til að fá fleiri áhorfendur inn, enda e.t.v. meira auglýst heldur en trailerinn. Sem einstaklingur af karkyninu neita ég að sjálfsögðu ekki tækfiærinu til að hrósa góðum júllum, en ef þær eru kjánalega staðsettar og auglýsa sig of mikið þá er kominn smá galli.Þó svo að söguþráðurinn sé ekki ógurlega trúverðugur eru samtölin afar góð. Hasarinn er síðan nett öflugur og skilur m.a. eftir sig einhverja flottustu sprengjusenu sem ég hef nokkurn tímann séð. Um er að ræða 360° slow-motion bombu sem sýnir á frábæran hátt hversu vel hægt er að nýta tölvubrellur. Þetta minnti á flottari senurnar úr The Matrix. Ég sat með kjálkann galopinn.Swordfish er í heild sinni gölluð en þrælskemmtileg spennumynd sem tekur mynd eins og The Fast and the Furious í görnina (af hverju fíla hana svona margir???). Afþreyingargildið er í hámarki og Travolta nýtur sín greinilega best í að leika "vonda kallinn." Ég fíla það.7/10