Við kynnumst manni af nafni Leonard sem er með heilaskaða sem gerir það að verkum að hann getur ekki myndað nýjar minningar og getur því aðeins reitt sig á skammtímaminni sitt.
Við kynnumst manni af nafni Leonard sem er með heilaskaða sem gerir það að verkum að hann getur ekki myndað nýjar minningar og getur því aðeins reitt sig á skammtímaminni sitt. Í raun lifir hann lífi sínu í nokkurra mínútna ótengdum köflum sem hann verður að tengja saman með hjálpargögnum eins og Polaroid myndum og minnispunktum.
Eftir að hafa séð nokkrar frábærar myndir eftir Christopher Nolan áður en ég sá þessa mynd, m.a. Batman myndirnar og The Prestige þá var ég á þeirri skoðun að Christopher Nolan væri …
Eftir að hafa séð nokkrar frábærar myndir eftir Christopher Nolan áður en ég sá þessa mynd, m.a. Batman myndirnar og The Prestige þá var ég á þeirri skoðun að Christopher Nolan væri góður leikstjóri, en nú er ég á þeirri skoðun að hann sé SNILLINGUR!
Það er eiginlega ekki hægt að segja frá söguþræði Memento nema það er hægt að segja að hún fjalli um manninn Leonard (Guy Pierce) sem að þjáist af skammtímaminni. Hann man allt um líf sitt þangað til að konunni hans var nauðgað og hún var drepin. Eftir það getur hann ekki myndað nýjar minningar og því er mjög erfitt fyrir hann að komast að því hver drap konuna hans. Hann fer að taka myndir og skrifa á miða til að muna hvað hann hefur komist að. En annað fólk getur haft áhrif á hann og hann veit ekki lengur hverju hann á að trúa og hvernig hann eigi að hefna konunnar sinnar.
Þessi mynd er algjör snilld, sagan er sögð í mjög skrítinni atburðarás sem veldur því að maður skilur ekkert hvað hefur beinlínis gerst fyrr en í enda myndarinnar.
Myndin er bæði í svarthvítu og lit til að undirstrika mismunandi frásagnir. Myndin heldur manni alveg giskandi og á tauginni allan tímann. Ég myndi alls ekki mæla með að fólk horfi á hana í nokkrum pörtum því það þarf að horfa á hana í heild og gefa sér góðan tíma til að pæla í henni.
Þetta er mynd sem að maður þarf að ræða lengi um þegar hún er búin og því er hún frábær til að horfa á með vinum. Eftir að hafa séð Memento get ég sagt að Christopher Nolan sé ein besti leikstjórinn í dag og get ég ekki beðið eftir að sjá nýja meistaraverkið hans, Inception!
Myndin fjallar um Leonard sem er með skammtímaminni. Hann getur ekki búið til nýjar minningar og notar Polaroid-myndir og tattú til þess að lifa eðlilegu lifi. Meira ætla ég ekki að segja …
Myndin fjallar um Leonard sem er með skammtímaminni. Hann getur ekki búið til nýjar minningar og notar Polaroid-myndir og tattú til þess að lifa eðlilegu lifi. Meira ætla ég ekki að segja um myndina því þetta er mynd sem enginn ætti að spoila.
Leikararnir standa sig mjög vel og Guy Pearce sannfærir mann alveg um karakterin sinn og veikindi hans. Hann er virkilega góður í þessari mynd. Carrie-Anne Moss er líka mjög góð og Joe Pantoliano frekar viðkunnalegur sem Teddy. Svo eru nokkur önnur aukahlutverk sem standa sig ágætlega. En þá meina ég virkilega AUKAhlutverk því að þessa mynd er aðallega um Leonard og Joe + Carrie-Anne fá mun minni skjátíma. Svo er smá hliðarsaga: Remember Sammy Jenkis, sem er virkilega sterk og örugglega sterkasta hlið myndarinnar.
Útlitslega er myndin mjög flott og takan aldrei ljót eða of hrist eða eitthvað þannig. Christopher Nolan kunni strax að gera bíómyndir og gerir engin feilspor með þessari mynd.
Handritið er vel skrifað, engin samtöl eru þvinguð og flétturnar í sögunni er úthugsaðar og koma virkilega á óvart. Svo er hugmyndin að myndinni mjög fersk og skemmtileg.
Kannski ekki mynd sem þú horfir á árlega en ég hef séð hana 3-sinnum og hún er alltaf jafn skemmtileg en fyrsta skiptið er mjög mikið: VÁ.
10/10
Geðveik mynd, engir gallar og góðar frammistöður. Drífðu þig út á leigu og náðu í þessa ef þú hefur ekki séð hana áður. Vona svo sannarlega að Inception verður eitthvað í líkingu við þessa sem væri sjúkt!
Þessi mynd er rosaleg. Ég rakst bara á hana á myndbandaleigu, og vissi svo sem ekki mikið um þessa mynd, en ákvað bara að skella mér á hana. Og var alls ekki fyrir vondbrigðum. Ég hef…
Þessi mynd er rosaleg. Ég rakst bara á hana á myndbandaleigu, og vissi svo sem ekki mikið um þessa mynd, en ákvað bara að skella mér á hana. Og var alls ekki fyrir vondbrigðum. Ég hef reyndar bara séð hana einusinni, og held ég að ég ætla ekki að sjá hana aftur í bráð, kannski eftir svona 20 ár. Og þeir sem hafa séð hana ættu nú að skilja af hverju, og þeir sem hafa ekki séð hana ættu endilega að taka hana og vita af hverju.
Myndin er leikstýrð af Christopher Nolan sem er núna að leikstýra nýju batman myndinni, batman begins. Mér langar nú ekki að segja neitt um hvað þessi mynd er aðalega út af því að það er ekki gaman að sjá þessa mynd og vita um hvað hún er.
Memento er frábær mynd sem segir söguna afturábak. Við kynnumst Leonard Shelby(Guy Pearce) sem leitar að banamanni konu sinnar. Lenny hefur hins vegar bara langtímaminni en ekkert skammtímamin…
Memento er frábær mynd sem segir söguna afturábak. Við kynnumst Leonard Shelby(Guy Pearce) sem leitar að banamanni konu sinnar. Lenny hefur hins vegar bara langtímaminni en ekkert skammtímaminni og því reynist þetta hægara sagt en gert. Guy Pearce leikur bara mjög vel, Shelby er dulur en djúpur karakter og maður heldur auðveldlega með honum auk þess að kunna mjög vel við hann. Carrie ann Moss og Joe Pantoliano eru einnig glimrandi góð og gjörsamlega jarða Matrix hlutverkin sín. Myndatakan er svöl og atburðarrásin mögnuð og það er ekkert að þessari mynd. Ég skelli fjórum stjörnum á Memento því hún á það svo sannarlega skilið.
Memento er óvæntasta mynd sem ég hef nokkurn tímann séð í bíó. Ég bjóst við einhverri meðalsmynd, en það sem kom var meistaraverk. Christopher Nolan skrifar pottþétt handrit sem ger…
Memento er óvæntasta mynd sem ég hef nokkurn tímann séð í bíó. Ég bjóst við einhverri meðalsmynd, en það sem kom var meistaraverk. Christopher Nolan skrifar pottþétt handrit sem gersist í öfugri röð, það er að segja að myndin byrjar á endanum og endar á byrjuninni. Guy Pearce úr L.A Confidential leikur bragðslega vel í myndinni. Carrie Ann-Moss er betri en í Matrix. Joe Pantoliano er að sjáls sögðu fastur í karakterleik en er alltaf jafngóður. Þó að persónur eru fáar í myndinni er myndin með skínandi vel skrifaðar fáar persónur. Það sem kom mér verulega á óvart með þessa mynd er að hún er gerð með aðeins 1 milljón dali. Sem er það minnsta sem ég hef heyrt um við gerð svona meistaraverks og sérstaklega þar sem leikararnir eru svona góðir. Memento er án efa á top tíu lista mínum við bestu myndum allra tíma. Pottþétt handrit, frábær leikstjórn, afbragðs leikur og Pantoliano gerir allt þessa mynd að meistaraverki!
Hér er á ferðinni hreint meistaraverk, en það er rétt að það munu verða mjög margir ljóskur eins og hann orðar það hér á undan sem munu lappa út úr bíóinu og skilja neitt, þar se…
Hér er á ferðinni hreint meistaraverk, en það er rétt að það munu verða mjög margir ljóskur eins og hann orðar það hér á undan sem munu lappa út úr bíóinu og skilja neitt, þar sem að myndinn er ekki með þessa venjulegu bíómynda byggingu.Þessi mynd er skylda að sjá fyrir þá sem kalla sig kvikmyndaunendur.
Lenny Shelby (Guy Pearce) er að leita að manninum sem drap konuna hans. Eini gallinn er að Lenny er gjörsamlega minnislaus eftir högg sem hann fékk á höfuðið. Hann hefur ekkert skammtímamin…
Lenny Shelby (Guy Pearce) er að leita að manninum sem drap konuna hans. Eini gallinn er að Lenny er gjörsamlega minnislaus eftir högg sem hann fékk á höfuðið. Hann hefur ekkert skammtímaminni og þarf því þess vegna að skrifa allar vísbendingar og alla hluti sem hann gerir niður hjá sér og taka ljósmyndir af því fólki sem hann hittir svo hann þekki það aftur. Hann jafnvel tattúverar mikilvægustu hlutina á sig. Samt veit hann ekki hverjum hann á að treysta. Á hann að treysta Natalie (Carrie-Anne Moss) sem er að reyna að hjálpa honum eða hvað? Eða ætti hann að treysta Teddy (Joe Pantoliano) sem segist vita ýmsa hluti en er hann kannski að leiða Lenny í gildru? Það eina sem Lenny veit með vissu er að einhver myrti konuna hans og hann þarf að raða brotunum saman í heilanum á sér ef hann ætlar sér að finna manninn. Meira ætla ég nú ekki að segja um söguþráð þessarar myndar til þess að eyðileggja hana ekki. En hér er um eina þá frumlegustu, margslungnustu og mest spennandi mynd sem ég hef séð í háa herrans tíð. Leikstjórn og handrit er pottþétt, Christopher Nolan (leikstjóri og handritshöfundur) heldur hlutunum flóknum þannig að við vitum ekkert meira heldur en aðalpersónan sem er leikin með stakri snilld af Guy Pearce, þessum hæfileikaríka leikara úr L.A. Confidential. Carrie-Anne Moss og sérstaklega Joe Pantoliano (alltaf góður) eru fín í aukahlutverkunum. Það sem ég persónulega dýrka við myndina er að hún fer inn á efni sem er ekki mikið notað, minnisleysi og snýr því út og suður og er að gera alveg nýja hluti. Þetta er spennandi, dularfull, margslungin mynd sem allir ættu að sjá.
Frábær saga, frábær mynd. Memento er sýnd á afturábak og það er einn flottasti stíll sem sést hefur lengi. Leikurinn er glæsilegur og klippingin er snilld. Það er ekkert ofbeldi í myndi…
Frábær saga, frábær mynd. Memento er sýnd á afturábak og það er einn flottasti stíll sem sést hefur lengi. Leikurinn er glæsilegur og klippingin er snilld. Það er ekkert ofbeldi í myndinni þannig að þeir sem eru að leita af spennu skulu sleppa Memento, en aftur á móti þeir sem vilja sjá VIRKILEGA flotta og góða mynd skulu þá hiklaust velja þessa.
Ég finn mig knúinn til að skrifa eitthvað um þessa svokölluðu snilldarmynd til þess eins að koma á framfæri áliti sem lofar myndina ekki stanslaust upp í hæstu himna. Memento er ekki svo…
Ég finn mig knúinn til að skrifa eitthvað um þessa svokölluðu snilldarmynd til þess eins að koma á framfæri áliti sem lofar myndina ekki stanslaust upp í hæstu himna. Memento er ekki svona góð. Hún er góð, en ekki SVONA góð. Ég hreinlega skil alls ekki allt þetta fjaðrafok sem þessi litla mynd hefur valdið. Ég get skilið af hverju þessi mynd fékk svona mikla athygli, á sama hátt og ég get skilið af hverju The Blair Witch Project eða The Sixth Sense fengu svona mikla athygli; þetta er fersk mynd og Christopher Nolan kemur með margar skemmtilega nýjungar en eins og gengur og gerist með marga (flesta) unga kvikmyndagerðarmenn sem eru að gera sína fyrstu alvöru kvikmynd, þá má finna margt að myndinni. Hún er t. D. ekki mjög vel klippt. Hraðinn er of brokkgengur og sú ákvörðun Nolans að sýna myndina afturábak gengur ekki alltaf vel upp. Þetta eru bara merki um byrjunargalla og vandræði og verður þess vegna mjög spennandi að fylgjast með Nolan í framtíðinni. Gallinn við söguna er sá að Nolan nær ekki með fullkomnum hætti að yfirfæra smásögu bróður síns yfir á kvikmyndahandrit, alla veganna ekki í fullri lengd - myndin hefði sómað sér mun betur sem stuttmynd nema Nolan hefði vandað handritið aðeins betur. Það er ekkert að sögunni, en í kvikmyndinni lyktar hún af smásagnarforminu og tel ég það mjög líklegt að Nolan hafi ekki þorað að breyta of miklu í sögunni út af skyldleika sínum við höfund hennar. Eins og hún stendur er Memento mjög áhugaverð mynd en hún á ekki eftir að breyta neinu í kvikmyndagerð og er aldrei það merkileg að hún geti orðið að einhverri klassík eftir nokkur ár. Hún er kannski öðruvísi en aðrar myndir, en það eitt og sér gerir hana ekki að meistaraverki. Og ef það gerir hana ekki að meistaraverki, þá get ég ómögulega séð hvað það er sem gerir hana það.
Þegar ég var komin út úr kvikmyndasalnum eftir að hafað séð Memento vissi ég að þetta var mynd sem átti eftir að festast í mér. Þetta er að mínu mati besta mynd ársins 2000. Söguþ…
Þegar ég var komin út úr kvikmyndasalnum eftir að hafað séð Memento vissi ég að þetta var mynd sem átti eftir að festast í mér. Þetta er að mínu mati besta mynd ársins 2000. Söguþráðurinn er ólíkur flestum öðrum myndum þar sem sagan er sögð aftur á bak. Myndin fjallar um mann sem er með lítið sem ekkert skammtímaminni. Til að komast hjá því að lenda í vandræðum útaf vandamáli sínu tekur hann Polaroid myndir af stöðum og fólki sem hann hittir og skrifar aftan á myndirnar minnispunta um þá sem eru á myndinni. Meira ætla ég ekki að segja um söguþráðinn, það er betra fyrir ykkur að sjá hann út sjálf. Myndin sjálf er þrælgóð í flesta staði og stendur Guy Pearce sig mjög vel sem ,,minnislausi maðurinn. Ég gef Memento þrjár og hálfa stjörnu og ekki láta hana fara fram hjá ykkur.
Þessi mynd er með betri myndum sem ég hef séð. Hún er ótrúlega vel leikin og gerist öll aftur á bak. Ég held hún gerist aftur á bak afþví aðalpersónan hefur ekkert skammtímaminni og …
Þessi mynd er með betri myndum sem ég hef séð. Hún er ótrúlega vel leikin og gerist öll aftur á bak. Ég held hún gerist aftur á bak afþví aðalpersónan hefur ekkert skammtímaminni og man það ekki sem var sagt við hann í byrjun myndarinnar í endann. Aðalpersónan í myndinni heitir Leonard. Kona hans hafði verið myrt í slysi en hann fékk sjálfur högg á höfuðið. Í myndinni reynir hann að finna morðingja konu sinnar en endirinn kemur á óvart og það eiga kannski ekki allir eftir að fatta hann.
Þessi mynd er mjög frumleg. Hún gerist afturábak og það tekst bara alveg ágætlega upp. Einnig er leikur í myndinni, sviðsetning og kvikmyndum í betri kantinum og sagan er alveg ágæt þót…
Þessi mynd er mjög frumleg. Hún gerist afturábak og það tekst bara alveg ágætlega upp. Einnig er leikur í myndinni, sviðsetning og kvikmyndum í betri kantinum og sagan er alveg ágæt þótt hún sé ekkert spes. Ég mæli eindregið með þessari mynd fyrir fólk eins og mig sem er búin að sjá allt, tvisvar.
Þetta er snilldarmynd. Guy Pearce hefur aldrei verið betri en einmitt í þessari mynd. Carri-Anne Moss og Joe Pantoliano eru líka mjög góð í sínum hlutverkum. Ég hef aldrei séð svona skrý…
Þetta er snilldarmynd. Guy Pearce hefur aldrei verið betri en einmitt í þessari mynd. Carri-Anne Moss og Joe Pantoliano eru líka mjög góð í sínum hlutverkum. Ég hef aldrei séð svona skrýtna mynd á ævi minni, en hún er samt geðveik. Hún fjallar um Leonard sem er þannig persóna sem þarf að skrifa öll atriði niður til að geta muna, annars gleymir hann því. Og hann er að leita að manni sem drap konuna hans. Mér finnst það cool hvað leikstjórinn er sniðugur að láta myndina byrja í öfuga átt. Ekki láta þessa snilldarmynd fram hjá ykkur fara. EKKERT ANNAÐ EN SNILLD.
Þetta er ein sú allra óvæntasta mynd í langan tíma. Söguframvindan er í rökréttu framhaldi af ástandi aðalleikarans og engu líkara að maður þjáist sjálfur að minnisleysi þar sem ma…
Þetta er ein sú allra óvæntasta mynd í langan tíma. Söguframvindan er í rökréttu framhaldi af ástandi aðalleikarans og engu líkara að maður þjáist sjálfur að minnisleysi þar sem maður veit aldrei hvað gekk á í senunni á undan. Hún er svöl (aðalleikarinn er einn sá allra flottasti!), illkvittin, því þetta er mynd þar sem engum má treysta og svo er þetta alveg frábær saga og maður verður að hafa sig allan við til að skilja framvinduna. Mynd sem reynir á áhorfendann, en lætur hann ekki aðeins fylgjast með á hlutlausan máta! Fylgjast með þessum handritshöfundi og leikstjóra.
