Dr. Dolittle er ein af þeim sumarmyndum sem ollu mér vonbrigðum á árinu. Ég bjóst við að Eddy Murphy myndi aftur fara á kostum eins og hann gerði í The Nutty Professor en Dr. Dolittle er í rauninni ekki mjög ærslafull gamanmynd. Samt má hafa gaman af dýrunum í henni. Myndin segir frá Dr. John Dolittle, mjög færum lækni sem hafði þann eiginleika, þegar hann var barn, að geta talað við dýrin í kringum sig. Hann virðist hins vegar hafa glatað þeim eiginleika með árunum. Þegar hann, kvöld eitt er að keyra heim eftir mjög erfiðan dag, ekur hann næstum yfir hund einn. Allt í einu fer hann að skynja að eiginleiki hans til þess að tala við dýrin er kominn aftur, honum til mikillar skapraunar, þar sem hann á að klára mjög stóran viðskiptasamning á allra næstu dögum. En hlutirnir breytast þegar hann þarf að hjálpa tígrisdýri sem á við virkilegan vanda að glíma. Myndin er furðulega siðfáguð og virkar helst eins og eitthverjar annars flokks Disney íþróttamyndir þegar því er að skipta. Hinsvegar getur hún inn á milli verið mjög fyndin. Sérstaklega fyrst eftir að hann fer að geta talað við dýrin aftur. Eddy Murphy stendur sig ágætlega en hann er í rauninni ekki sprellikarlinn hérna heldur eru það dýrin sem eru mörg hver dálítið geggjuð. Sérstaklega er Chris Rock fyndinn sem mjög kjaftfor hamstur. Albert Brooks er einnig góður sem hið fársjúka tígrisdýr. Sorglegast finnst mér að sjá hinn frábæra leikara, Ossie Davies, vannýttan sem faðir Dolittles. Einnig er endirinn afar slæmur þar sem væmnin og klisjurnar ná öllum tökum. Þokkaleg gamanmynd á köflum sem hefði verið hægt að kreista meira út úr.
Doctor Dolittle (1998)
Dr. Dolittle
"For thousands of year animals have been trying to tell us something, but their cries have fallen on deaf ears...until they found John Dolittle"
Dagfinnur dýralæknir hefur allt í hendi sér: blómlegan starfsframa, fallega konu og tvær indælar dætur.
Hvar má horfa
91 einkunnir á Kvikmyndir.is
Skráðu þig inn og gefðu nokkrum myndum einkunn til að fá persónulega einkunn.
Skráðu þig inn →
Öllum leyfðHvar má horfa
Streymi
Söguþráður
Dagfinnur dýralæknir hefur allt í hendi sér: blómlegan starfsframa, fallega konu og tvær indælar dætur. Hann er líka í þann mund að fara að skrifa undir stærsta samning ævi sinnar. Sem sagt, allt í himna lagi. En þá fara skrítnir hlutir að gerast. Eitt kvöldið keyrir hann næstum því á hund. Hundurinn öskrar "fáviti" og hverfur. Upp frá þessu er Dagfinnur búinn að endurheimta hæfileikann sem hann hafði sem barn, þ.e. að geta talað við dýrin. Til allrar óhamingju þá fréttist þetta fjótt, og dýrin fara að flykkjast til hans til að fá bót meina sinna. Samstarfsmenn hans grunar að hann sé að missa vitið, og nú þegar salan á læknastofunni er að fara að ganga í gegn fyrir háar fjárhæðir, þarf að taka snöggar ákvarðanir. Eiga menn að trúa Dagfinni, eða senda hann á geðveikrahæli? Fjölskyldan er um það bil að leysast upp, þegar sirkus tígrisdýr verður allt í einu alvarlega veikt.
Aðalleikarar
Höfundar og leikstjórar
Betty ThomasLeikstjóri
Aðrar myndir eftir sama leikstjóra
Nat MauldinHandritshöfundur
Larry LevinHandritshöfundur
Gagnrýni notenda (2)
Skráðu þig inn til að skrifa gagnrýni
InnskráEnn ein leiðinda gamanmyndin. Eddie Murphy leikur hér dýralækni sem kemst að því einn daginn að hann getur talað við dýrin. Myndin getur stundum verið fyndin en það eru líka lélegir fi…
Gagnrýni af öðrum miðlum
Engar umfjallanir ennþá. Vertu fyrstur til að bæta við!
Framleiðendur
20th Century FoxUS
Davis EntertainmentUS
Joseph M. Singer Entertainment
