Mercury Rising (1998)

Fyrrverandi alríkislögreglumaður, sem var rekinn úr löggunni, er ráðinn til að vernda níu ára gamlan einhverfan dreng sem leigumorðingjar hundelta, eftir að hann leysti háleynilegan opinberan kóða. NSA stofnunin bandaríska hefur þróað óbrjótanlegan kóða sem hún kallar Mercury. Til að prófa kóðann sendir stofnunin út prófun í þrauta-tímariti,til að sjá hvort að einhver geti leyst kóðann. Simon Lynch er einhverfur drengur sem hefur ástríðu fyrir gátum og þrautum. Hann sér þessa gátu, leysir hana og hringir í NSA. Mennirnir sem taka við símtalinu fá áhyggjur og hringja í yfirmann sinn, Kudrow, og segja honum hvað hafi gerst. Kudrow fær áhyggjur af málinu ef þetta fer úr böndunum og hringir í NSA og gefur skipun um að það þurfi að drepa Simon. Mennirnir sem hann sendi myrða foreldra Simon en finna ekki Simon sjálfan og láta sig hverfa þegar lögreglan mætir á staðinn. Lögreglan hringir í alríkislögregluna FBI, og biður hana um að senda einhvern til að taka skýrslu af Simon, sem nú er týndur. Maðurinn sem er sendur í þetta verkefni er Art Jeffries og hann er ekkert endilega samvinnuþýður við FBI vegna atviks sem gerðist nýlega, og er ekki í lagi vegna atviksins. Art finnur Simon sem er í felum og fer með hann á spítala. Á meðan þeir eru þar þá kemur leigumorðingi sem reynir aftur að drepa Simon, en Art bjargar honum og þeir leggja á flótta.