Hugmyndin að baki Kvikmyndir.is var upprunalega sú að hægt yrði að nálgast allar upplýsingar um það helsta sem væri að gerast í kvikmyndaheiminum á einum stað, láta álit sitt í ljós á einstaka myndum og fleira þess háttar. Vefurinn var opnaður almenningi í maí 1998 og fóru móttökur hans langt fram úr væntingum, enda Íslendingar mikið kvikmyndaáhugafólk. Vefurinn hélt ímynd sinni óbreyttri að mestu leiti fram í maí 2001 en þá voru gerðar umtalsverðar breytingar á útliti og innri virkni vefsíðunnar.

Í maí 2007 var svo ráðist í aðra atlögu að útliti og virkni, meðal annars var búið til enn stærra notendasamfélag sem á vonandi eftir að stækka meira með tímanum. Mikið af nýjungum var bætt við síðuna og í framtíðinni er markmiðið að vefurinn verði frumkvöðull í allri sinni starfsemi tengdri kvikmyndum. Við hjá kvikmyndir.is erum eingöngu áhugamenn og erum ekki háðir neinum sölu- eða dreifingaraðilum á Íslandi, og því má treysta á það að umfjallanir okkar á síðunni eru okkar eigin álit. Þrátt fyrir þetta erum við að sjálfsögðu í samstarfi við dreifingaraðila til þess að veita ykkur notendum sem ferskustu upplýsingarnar.

Tómas Valgeirsson kláraði listnám í Fjölbrautaskólanum í Breiðholti. Hann er mikill áhugamaður um kvikmyndir og hefur í mörg ár stundað svokallaða freelance-kvikmyndagerð og unnið við hluti á borð við hljóðvinnslu, kvikmyndaupptöku og klippingu. Hann hefur verið lengst stjórnandi kvikmyndir.is og sér um fréttaskriftir og kvikmyndasýningar.

Eysteinn Guðni Guðnason er heimshornaflakkari og útskrifaður úr Kvikmyndaskóla Íslands. Hann á gott safn af íslenskum kvikmyndum og sér því um að halda upplýsingunum um þær á vefnum á besta formi sem möguleiki er á og færa ykkur helstu fréttir úr íslenskri kvikmyndagerð.

Oddur Eysteinn Friðriksson sér um fréttaskriftir.

Þráinn H. Halldórsson er útskrifaður úr Verzlunarskóla Íslands og stundar nú nám í við Háskóla Íslands. Fyrrverandi meðlimur í Myndbandavinnslunefnd Verzlunarskólans og Vefnefnd skólans.

Við bjóðum upp á nokkrar gerðir auglýsingaplássa á vefnum hjá okkur. Til þess að fá nánari upplýsingar og gildandi verðskrá, sendið póst á kvikmyndir@kvikmyndir.is

Ef þú hefur ábendingar, tillögur eða vilja til þess að liðsinna okkur á einhvern hátt bendum við þér á að senda okkur línu á kvikmyndir@kvikmyndir.is