Það styttist nú óðum í frumsýningu í Bretlandi á myndinni um David Brent úr gamanþáttunum The Office, David Brent: Live on the Road, en í myndinni þá fer Brent í tónleikaferðalag með hljómsveit sinni. Það er að sjálfsögðu Ricky Gervais sem fer með hlutverk Brent.
Í myndinni er Brent farinn að gera það sem hann var fæddur til að gera; að skemmta fólki, og ferðast nú um landið með hljómsveit og rappara.
Brent er þó ekki alfarið hættur í viðskiptum, því hann er einnig að vinna við að selja ýmsan varning samhliða tónlistarferlinum, þó að ástríða hans sé öll í tónlistinni að sjálfsögðu.
Í tilefni af frumsýningu myndarinnar þá hefur Twitter í Bretlandi búið til sérstakan David Brent broskall ( emoji ), en fyrirmynd broskallsins er frægt dansatriði Brent í þáttunum.
Fyrir þá sem vilja nota broskallinn í Twitter stöðuuppfærslum sínum, þá er nóg að nota myllumerkið #BrentsBack, og þá birtist Brent í frábærri dansstellingu.
Kíktu á broskallinn hér fyrir neðan og stiklu úr myndinni þar fyrir neðan:
What better way to celebrate the @DavidBrentMovie than with our exclusive Brent emoji? #BrentsBack pic.twitter.com/cQIYpffXn6
— Twitter UK (@TwitterUK) July 28, 2016