Jurassic World 2 kemur 2018

Framhald risaeðlutryllisins Jurassic World kemur 22. júní, 2018. Variety segir frá þessu nú í morgun.

Aðalleikararnir Chris Pratt og Bryce Dallas Howard munu snúa aftur, og Steven Spielberg verður aðalframleiðandi.

Film Title: Jurassic World

 

Colin Trevorrow, leikstjóri Jurassic World, mun skrifa handritið ásamt Derek Connolly.

Í gær, miðvikudag, varð Jurassic World, þriðja tekjuhæsta bíómynd allra tíma, og fór þar fram úr ofurhetjumyndinni The Avengers, með 1,52 milljarða Bandaríkjadala í tekjur.

Enn á eftir að frumsýna myndina á einu stóru markaðssvæði, Japan, en hún verður frumsýnd þar í landi 5. ágúst nk.