Ný stikla úr 'Mad Max: Fury Road'

mad-max-fury-road-affiche-53d0cd108fbe8Hin sígilda Mad Max frá árinu 1979 átti sinn þátt í að koma ástralskri kvikmyndagerð á kortið, en í kjölfar fyrstu myndarinnar fylgdu tvær framhaldsmyndir; The Road Warrior og Mad Max: Beyond Thunderdome.

Fjórða myndin, Mad Max: Fury Road, verður frumsýnd í maí næstkomandi. Fjögur ár eru liðin frá því að tökur á myndinni hófust, en aukatökur stóðu yfir í fyrra.

Aðalhlutverk í myndinni leika þau Tom Hardy, sem leikur titilhlutverkið, Nichoalas Hoult og Charlize Theron. George Miller, sem leikstýrði fyrri þremur myndunum, er aftur mættur til að stýra þessari.

Í dag var opinberuð ný stikla úr myndinni og má þar sjá mikin hasar í eyðimörkinni, en stikluna má sjá hér að neðan. Mad Max: Fury Road verður svo frumsýnd þann 15. maí vestanhafs.