Fyrsta stiklan úr 'Ted 2'

Fyrsta stiklan úr framhaldsmyndinni, Ted 2, hefur verið opinberuð. Í stiklunni er farið lauslega yfir söguþráð myndarinnar. Ted og kærasta hans hafa ákveðið að eignast barn og biður Ted eiganda sinn um að verða sæðisgjafi. Málið er þó ekki þar með leyst því Ted þarf að sanna það fyrir rétti að hann sé mennskur og geti þar með annast barn.

Screen Shot 2015-01-29 at 5.25.17 PM

Mark Wahlberg fer með hlutverk eiganda bangsans, John Bennett, á ný. Að þessu sinni fer leikkonan Amanda Seyfried með hlutverk kærustu Bennett, en Mila Kunis fór með sama hlutverk í fyrstu myndinni. Ásamt því að stórleikarinn Morgan Freeman mun fara með hlutverk lögfræðings sem hjálpar Ted við að leysa úr lagalegum flækjum.

Seth MacFarlane skrifar handritið, leikstýrir og ljáir bangsanum rödd sína líkt og í fyrstu myndinni sem kom út árið 2012 og halaði inn 549 milljónum USD á heimsvísu.

Hér að neðan má sjá fyrstu stikluna úr myndinni sem verður frumsýnd þann 26. júní næstkomandi.