Nýtt plakat fyrir Horrible Bosses 2 gefið út

Nýtt plakat fyrir framhaldsmyndina Horrible Bosses 2 var gefið út fyrir skömmu. Á plakatinu má sjá flóru þekktra leikara á borð við Jennifer Aniston, Jamie Foxx og Christoph Waltz, en plakatið má sjá hér að neðan.

horriblebosses

Með aðalhlutverkin fara þó þeir sömu og skemmtu okkur í fyrri myndinni. Þeir Jason Bateman, Jason Sudeikis og Charlie Day sem fara með hlutverk Nick, Kurt og Dale sem eru komnir með upp í kok af því að vinna fyrir aðra, og ákveða því að stofna sitt eigið fyrirtæki. En lævís fjárfestir svíkur þá, og þar með er ævintýrið fyrir bí.

Núna eru þeir bæði niðurlægðir og örvæntingarfullir og eiga enga von um að ná fram réttlæti gagnvart fjárfestinum. Þeir ákveða því að ræna fullorðnum syni fjárfestisins og krefja hann um lausnargjald til að ná fyrirtækinu sínu aftur úr höndunum á honum. En líf glæpamannsins er ekki alltaf dans á rósum, og áður en varir þurfa félagarnir að rukka inn greiða frá gömlum kunningjum.

Horrible Bosses 2 verður frumsýnd þann 26. nóvember næstkomandi.