Fyrsta opinbera stiklan úr fyrri hluta síðustu myndarinnar um Hungurleikanna, The Hunger Games: Mockingjay – Part 1, var sýnd í dag. Í stiklunni sjáum við persónurnar Plutarch Heavensbee og Alma Coin, sem eru leiknar af Philip Seymour Hoffman heitnum og Julianne Moore. Snow forseti kemur einnig fyrir og að lokum sjáum við Katniss Everdeen taka mikilvæga ákvörðun um að berjast fyrir málstaðinn.
Í myndinni sér Katniss Everdeen sig nauðuga til að sameina hverfin í Panem og efna til byltingar gegn spilltu ógnarstjórninni í höfuðborginni. Um leið og stríðið sem mun ákveða örlög Panem stigmagnast þar til að Höfuðborgin leggur öll hverfin í rúst, verður Katniss að ákveða hverjum hún getur treyst og hvað hún skuli gera, á meðan allt sem henni er kært hangir á bláþræði.
Hér að neðan má sjá fyrstu opinberu stikluna úr myndinni.