Minnisstæðar línur
Po: It is said that his enemies would go blind from over-exposure to pure awesomeness!
Kung Fu Panda

Fréttir
Kvikmyndir.is > Fréttir > Sam Raimi mögulega með nýja ofurhetjumynd í bígerð
Sam Raimi mögulega með nýja ofurhetjumynd í bígerð


Senda á Facebook

Senda á Twitter
4.2.2010
Sam Raimi mögulega með nýja ofurhetjumynd í bígerð
 Svo getur farið að Sam Raimi hafi ekki sagt alveg skilið við teiknimyndahetjur, heldur skipti hann aðeins út köngulóavefjum fyrir skammbyssur og rauðan klút.

Það eru komin nokkur ár síðan að Raimi öðlaðist kvikmyndaréttinn, og verið bendlaður við sem framleiðandi, að annarri stórri mynd um gamaldags ofurhetju, nefninlega The Shadow. Einnig nú þegar hann er ekki lengur með fulla dagskrá af köngulóarkrúnki þá getur jafnvel verið að hann stilli sér upp fyrir aftan myndavélina í þessu verkefni.

Samkvæmt sögusögnum þá er sagt að Raimi sé spenntur yfir nýlega skrifuðu handriti myndarinnar um hinn drungalega byssupotandi skugga. Handritið á víst að hljóma eins og góð (og R-rated) hasarmynd með kjarngóðri kvenhetju, litríkum aðstoðarmönnum, alvöru erkióvin, nóg af byssubardögum og handalögmálum. Svo eru vondu kallarnir lamdir í stöppu.

Sony á einhvern hluta af réttinum, sem gæti þýtt að Raimi og stúdíóið séu að haga sér vel vegna mögulegra viðskipta þeirra á milli. Ein af mörgum spurningum sem vakna er hvort Raimi geti gert mynd sem er aðlaðandi söluvara og jafnframt nógu öðruvísi til þess að forðast að vera líkt við hina miður góðu The Spirit. Ég efast ekki um að hann gæti það.

Persónan The Shadow sást seinast árið 1994, þegar að Alec Baldwin skartaði slapahattinum og lék hinn magnaða og miskunarlausa drápara. Peter Boyle og Jonathan Winters léku aðstoðarmenn hans og Sir Ian McKellan óskaði þess að hann væri staddur í Miðgarði.

Aðalsteinn Einarsson
Disqus spjallkerfi