Matsveinninn Daniel og veitingaþjónninn Þór eru reknir af Hótel Sögu vegna óvenjulegrar framkomu við matargest. Þeir ákveða að fara af landi brott og byrja „nýtt líf“ - í Vestmannaeyjum. Þeir sigla undir fölsku flaggi og ráða sig í vinnu hjá stærsta fiskvinnslufyrirtækinu í Eyjum, þar kynnast þeir Víglundi verkstjóra, („Þú ert kallaður Lundi, er það ekki?“), bónusvíkingnum Axel, Ungfrú Snæfells- og Hnappadalssýslu, Maríu Lundadóttur og skipstjóranum hjátrúarfulla og fjölmörgum öðrum ógleymanlegum persónum. Og eyjamúsíkin dunar í stórkostlegum flutningi Bjarkar Guðmundsdóttur og fleiri. Í Nýju lífi skutust persónurnar Þór og Danni upp á stjörnuhiminn íslenskrar kvikmyndasögu og urðu góðkunningjar allrar þjóðarinnar.