M. Night Shyamalan ætlar sér líklega að verða einhver Hitchcock nútímans. Hann heldur sig oft við sama geirann en tekst einhvern veginn alltaf að gera eitthvað nýtt og áhugavert við hann sem enginn hefur áður séð. Auk þess á hann mikið til að krydda sögurnar miklum - en jarðbundnum - alvarleika og mannlegum hætti. Lítið nú bara á hans fyrri verk. The Sixth Sense var draugamynd sem einblíndi á manneskjulega þáttinn á sálfræðilegan hátt. Sama má eiginlega segja með Unbreakable sem ofurhetjumynd og Signs sem geimverumynd. The Village aftur á móti er einhver ný tilraun hjá manninum, sem er mikil áhætta, sérstaklega þar sem hinar þrjár voru dularfullar ráðgátur sem voru sífellt að uppljóstra einhverju nýju. Fólk þar af leiðandi gerir sér of miklar vonir um að Shyamalan haldi þeirri braut áfram. En allavega, þá er The Village EKKI slík mynd.

Jú, vissulega er stór spurning á bakvið mörg element í plottinu en uppbyggingin hér er allt öðruvísi og markmið myndarinnar eru allt önnur. Ég gerði mér hins vegar grein fyrirfram að þetta væri ekkert í líkingu við hinar, en samt sem áður tókst myndinni að valda mér gífurlegum vonbrigðum.

Ég verð að viðurkenna, fyrsti hálftími hennar er ekki langt frá því að vera snilld; okkur er kynnt fyrir athyglisverðum persónum, sérstöku andrúmslofti og forvitnilegri sögu. En í kjölfarið fer þetta allt í vaskinn. Ég á pínu erfitt með að útskýra þetta, en þessi saga náði bara aldrei til mín eins og leikstjórinn hefur greinilega ætlast af áhorfandanum. Myndin byggir líka mikið ofan á ákveðna ástarsögu, og hún kemst í upphafi nokkuð vel til skila en í seinni helmingnum verður þetta hálf dautt allt saman (dirfist ég að nota orðið 'leiðinlegt?' - Í þessu tilfelli verð ég að játa). Og án þess að uppljóstra of miklu fannst mér endirinn slappur. Aldrei bjóst ég við að Shyamalan myndi veita okkur slíkan anti-climax eins og er hér um að ræða. Svo er bara uppljóstrunin sjálf yfirhöfuð furðuleg, og þegar að lokum leið fór áhugi minn á restinni af sögunni sífellt hrapandi.

Fáein bregðuatriði eru til staðar en spennan nær engum hæðum og dramatíkin er heldur ekki nógu sterk til að við finnum til mikið með þessum persónum. Nýstirnið Bryce Howard (dóttir leikstjórans Ron Howard) kom mér samt bráðskemmtilega á óvart og sýndi að hún hefur efni í góða leikkonu og var meira eða minna bara toppur myndarinnar hvað varðar leik. Joaquin Phoenix, William Hurt og Sigourney Weaver eru ekkert slæm en þau eru á svo rólegum nótum að það nær ekkert lengra að segja frá þeim. Svo fannst mér hinn frábæri Brendan Gleeson skelfilega vannýttur í örsmáu hlutverki og Adrien Brody heillaði mig ekki nær því eins mikið hér og í The Pianist (kannski langsóttur samanburður). Ég bjóst allavega við meiru frá slíkum gæðaleikara.

En ef ég skelli vonbrigðinni til hliðar þá fannst mér kvikmyndatakan og önnur tæknileg vinnsla alveg stórkostleg, eins og ávallt er hjá Shyamalan. Það er sífellt gaman að reyna að koma auga á minnismerkin hans (þ.á.m. endurspeglun í myndatökunni - mikið notað í Unbreakable). Það eru margir gallaðir punktar í The Village, og jafnvel þótt ég met þessa tilraun leikstjórans mjög mikið þá fannst mér lokaniðurstaðan bara fullójöfn, jafnvel þótt hugmyndin sjálf sé afskaplega góð. Til að hlífa frekari vonbrigði þá er sterklega mælt með því að þið stillið væntingar ekki á aðra Signs eða Sixth Sense. Borgar sig ekki. Farið frekar á þessa mynd í opnun huga fyrir einhverju nýju. Kannski mér skjátlist með þessa mynd, en í heildina verð ég bara að segja að ég voni að Shyamalan geri betri hluti næst enda er hann löngu búinn að sanna hversu efnilegur hann er sem kvikmyndagerðamaður.

6/10

Ég er mikill aðdáandi M. Night Shyamalan. Og fannst Sixth Sense og Signs með bestu myndum síðustu ára. En Unbreakable var undantekning þar. Fannst hún ekkert spes. En ég átti aldrei von á því að hann næði að toppa Unbreakable hvað varðar hræðilega mynd. Ég skil ekki hvað fólk sér í þessari mynd. Getur vel verið að það sé eitthvað plott við söguna sem ég er að missa af eða kannski hún sé flott gerð eða whatever, en ég var engann veginn að fíla þessa ræmu. Fannst hún svo innantóm, ekkert athyglisvert að gerast og bara heildarmyndin virkaði engan veginn. Þannig ég ráðlegg ykkur að halda ykkur frá henni.

Þessari mynd er líst sem spennumynd/hrollvekja....hmmmm....ég hef greinilega misst af einhverju þegar ég sá þessa mynd!!! Því þarna er sko engin hrollvekja eða spennumynd á ferð!!! Það einfaldlega gerist bara ekki neitt í þessari mynd nema fólk að tala saman.....einfaldlega leiðinlegasta mynd sem ég hef séð!! Ekkert sem heldur manni við efnið, ekki neitt því ekkert er að gerast!! Ef þú átt í erfiðleikum með svefn þá mæli ég með myndinni því þú sofnar úr leiðindum!!!

M.Night Shyamalan er einn af betri leikstjórum nútímans Sixth sense og Unbreakable voru mjög góðar og Signs einnig góð en þó aðeins síðri enhinar tvær.

Villiage er virkilega vanmetin kvikmynd sem er skrítið því að spennan var mikil,leikurinn mjög góðurog mjög góð leikstjórn og endirinn var frábær.

Árið 2004 var mjög slappt kvikmynda ár eða allar góðu myndirnar komu hingað út í ár en þetta ár 2005 er mikið betra allavega er það mín skoðun.

Village er svo sannarlega ein besta mynd seinasta árs.

Fólk í smábæ um 1800 er virkilega hrætt við eitthvað í skóginum.

Ekki má neitt meira segja um söguþráðinn án þess að spilla.

Leikararnir voru frábærir þá má helst nefna Bryce Dallas Howard,Joaquin Phoenix og

Adrian brody í aðalhlutverkum.

Vanmetin en góð mynd sem ég get svo sannarlega mælt með.

Bíðum spennt eftir næstu mynd Shyamalans.

Þessi kvikmynd er ein af leiðinlegustu myndum sem ég hef nokkur tíman séð , skil ekki hvernig það er hægt að gera svona óspennandi mynd og kalla hana svo hryllingsmynd!!!

Var búin að hlakka lengi til að sjá hana en hefði alveg eins getað sleppt því.

Skrifa ekki meira að sinni

Birgitta

Þetta er að mínu mati lélegasta mynd eftir M. Night Shyamalan þótt ég hef bara séð tvær og það voru Signs og The Village. Það er ótrúlegt hvað hann getur gert mjög ólýkar myndir en samt í sama flokk eða draugaþriller þá er ég að meina með atriðum sem gerir mann hræddann eða mjög spenntan. Myndir hans eru mjög líkar myndinni The Others sem var mjög góð. Eins og ég sagði að það væri ótrúlegt hvað hann getur gert mismunandi myndir í sama flokk, The Sixth Sense(sálfræðiþriller), Signs(geimverumynd) og The Village gerist 1800 og eitthvað með Amish fólki. Það góða við Signs er að hún er allt öðruvísi geimverumynd, í flestum geimverumyndum þá sést altaf í geimverurnar eins og í Mars Attack og fleirum. En í Signs þá sést varla í geimverurnar það sést tvisvar í þær minnir mig og það sést samt oft í skuggan á þeim. Það er það sem gerir Signs góða og svona draugalega að maður sér ekki í geimverurnar en maður veit að þær eru þarna og maður sér bara í skuggan, það er það sem gerir mann spenntan og stundum hræddann. Gallinn við The Village er að það er alltof mikill skortur á draugalegum atriðum sem gerir mann hræddann, það var eitt atriði sem átti að gera mann hræddann snemma í myndinni en það tókst ekki vel á mig. Ég er ekki að segja að ég er að monta mig því að ég varð ekki hræddur á því atriði heldur varð ég fyrir miklum vonbrigðum útaf því að ég varð ekki hræddur(ég er mikið fyrir myndir sem eru með draugalegum atriðum. Þá er ég ekki að meina hryllings myndir með bregðu atriðum heldur draugalegum myndum eins og The Others og Signs og fleiri. Þessi mynd fjallr um fólk sem á heima á smábær sem bara 150 eiga heima á, og þessi bær er umkryngdur skógi sem má ekki fara inní annars koma skrýmsli og drepa mann. Það var gerður samningur fyrir löngu að enginn í bænum færi inní skógin og þá koma skrýmslin ekki í bæinn. ATH ég mun núna segja mikið af stórum punktum úr myndinni þannig að þeir sem hafa ekki séð þessa mynd og ætla að sjá hana HÆTTIÐI AÐ LESA NÚNA!! Annar gallinn við myndina er að hún er langdregin á pörtum inni á milli stóru atriðanna, þá er ég að tala um á milli atriðsins þegar skrýmslið var næstum því búið að komast inní húsið og rétt áður en að Ivy fer út í skóginn. Þá er ég ekki að segja að hún sé langdregin alla sá tíma á milli þessa atriða heldur á milli þessa atriða er hún langdregin á pörtum. Hún er líka mjög óvænt(þá er ekki að segja að það sé galli við hana að hún er óvænt) eins og þegar maður sá að skrýmslin voru ekki til í alvöru og þegar maður sá að hann Noah var í skrýmslabúningnum í skóginum, og þegar maður fattaði að þetta var árið 2004 allan tíman og afi þeirra keypri bara stóran garð fyrir löngu síðan. Aðalhlutverk eru: Bryce Dallas Howard(How The Grinch Stole Christmas), Joaqiun Phoenix(Gladiator), Adrien Brody(The Pianist) og Sigourney Weaver(Aliens), ég gef þessari mynd tvær og hálfa stjörnu.

Hvað er skemmtilegra en að horfa á mynd eftir M. Night Shyamalan .


Þessi snillingur færði okkur The Sixth Sence, Unbreakable og Signs og hann gefur ekkert eftir í nýustu mynd sinni The Village.


Í friðsamlegu og útskekktu þorpi býr fólk sem virðist lifa fullkomnu lífi. Algjörlega úr sambandi við umheiminn vegna þess að skógur er allt í kringum þorpið en það er ekki allt því í skóginum búa hræðilegur verur sem laðast að öllu rauðu. Þorpsbúar hafa gert samning við verurnar um að fara aldrei inní skóginn og þá koma verurnar ekki inní þorpið. En þegar Lucius Hunt (Joaquin Phoenix) labbar inní skóginn koma verurnar inní þorpið og allt verður vitlaust!


Þetta minnir ekki mjög á mynd eftir M. Night Shyamalan en hún er með þannig yfirbragð.


Í myndinni er margir frægir leikarar svo sem Brendan Gleeson (Troy), Joaquin Phoenix (Signs), Sigourney Weaver (Alien 1,2,3,4) og Adrien Brody (The Pianist). Einnig er þar Bryce Dallas Howard dóttir Rons Howards leikstjóra.

Allir þessir leikarar eru frábærir.


Tónlistin er drungaleg að vanda en spilar stundum of stórt hlutverk.


Flott hryllingsmynd sem ég mæli með.

Þessi maður er sannkallaður snillingur! Myndirnar hans eru nákvæmlega eins og ég vil hafa þær -ef þær fá ekki fullt hús vantar lítið upp á hjá mér. Auk þess sem hann er sérfræðingur í að velja réttu leikarana. Ég hef þurft að hugsa mig um mjög lengi áður en ég ákvað að gefa The Village fjórar stjörnur. Það eru einhverjir töfrar yfir þessari mynd og ég féll í hálfgerðan trans á meðan á áhorfinu stóð. Maður verður hiklaust að sjá hana oftar til að ná henni alveg. Hér er á ferðinni mjög frumleg mynd með frábærri persónusköpun og pottþéttum leikurum sem skilur mikið eftir sig, a.m.k. í mínu tilfelli. Um miðja myndina kemur mjög átakanlegt atriði þar sem ein aðalpersónan lendir í hremmingum sem enginn getur hafa búist við. Sama gildir um endinn -flestir eru búnir að reikna ýmislegt út úr þessari spennandi sögu en ég held ég eigi það sameiginlegt með öðrum áhorfendum að engan óraði fyrir bláendinum. Joaqin Phoenix er alltaf að sanna það hversu hæfileikaríkur hann er og engin undantekning er á því hér. Sigourney Weaver er ekki í eins stóru hlutverki og ætla mætti og verður svolítið ósýnileg -leikhæfileikar hennar og Johns Hurt falla í skuggann af þremur aðalpersónunum, leiknum af Phoenix, Adrien Brody (var ótrúlega góður) og Bryce Dallas Howard sem kom virkilega á óvart og verður gaman að fylgjast með í framtíðinni. Hún er aðeins 23 ára gömul og á sannarlega framtíðina fyrir sér. Margar spurningar vakna við áhorfið: -Hverjir eru þeir sem ekki má tala um og þola ekki rauðan lit? -Getur fólk lifað hamingjusömu lífi í einangruðu samfélagi í skugga ótta? -Er skynsamlegt að láta einskonar öldungaráð stjórna samfélagi? Og síðast en ekki síst: -endaði myndin vel eða illa? Ef þið pælið ekkert allt of mikið í hlutunum er þetta ekki mynd fyrir ykkur. Ef þið hafið gaman af djúpum vangaveltum og heimspekilegum umræðum sjáið þá The Village. Þessi mynd var að minnsta kosti einstök upplifun fyrir mig.

Mér fannst þessi mynd mjög góð... hún var öðrvísi og þurti maður að bæla svona svolítið í hlutunum sem voru að gerast...Ég hef verið hrifinn af öllum myndum Shyamalans. Sixth Sense var frábær, Unbreakable mjög góð, og Signs var einnig prýðisgóð og spennandi ræma. Í öllum þessum myndum er ákveðinn ævintýrablær, blandaður skemmtilegum húmor, þrátt fyrir yfirnáttúruleg viðfangsefni.Joaquin Phoenix fer vel með hlutverk Lucius Hunt,sem er þögull en hugrakkur maður.Bryce Dallas fer líka mjög vel með sitt hlutverk sem blinda Ivy Walker sem er ung og hugrökk kona.Í myndin fjallar um lítið þorp þar sem það er skógur allt í kring og inni í skóginum eru þessar svokölluðu verur(those who we don't speak off) sem drepa alla sem voga sér inni í skóginn og sýna enga miskunn. Síðan meiðist einhver og er manneskja send til næsta bæjar og ná í lyf fyrir sýkingu og þá fara að gerast skrýtnir hlutir sem leiðir margt í ljós.

Ég fór á The Village í bíó og fannst það frábær skemmtun. Ég bjóst nú reyndar aldrei við öðru, þar sem að mér finnst hinar myndir Shyamalans frábærar (The Sixth Sense, Unbreakable og Signs). Mér finnst handritið vel skrifað og frumlegt að vanda og leikararnir fóru vel með hlutverk sín, þá sérstaklega Bryce Dallas Howard í hlutverki Ivy. Shyamalan tekst enn á ný að búa til spennumynd, með góðu 'plotti', sem þó byggir mikið á persónusköpun og mannlegum samskiptum. Hann er snillingur að mínu mati og þó að þetta sé ekki besta mynd hans, hef ég ekkert til að setja út á.

Honum M. Night Shyamalan hefur tekist að gera enn eina stórmyndina sína,en allar þær myndir sem hann hefur gert hafa slegið rækilega í gegn. Hann byggir allar þessar myndir upp á mjög líkum eiginleika. Í þeim er yfirleitt mjög stór atburður sem engin býst við, eins og sumir kannast nú við. Þetaa rosalega góð mynd sem ég fúslega mæli með.

The Village er nýjasta mynd M. Night Shyamalans sem leikstýrði meðal annars The Sixth Sense, Unbreakable og Signs. Það er farinn að myndast nokkurs konar hefð fyrir því að myndir hans innihaldi ótrúlegar fléttur undir lokin og The Village sker sig ekki úr hópnum að því leiti. Ég hélt ég væri búinn að giska á hver fléttan yrði eftir hálftíma af myndinni og reyndist sú ágiskun mín rétt þó ég hafi efast um hana nokkrum sinnum eftir það áður en hið sanna kom í ljós. Ég var hins vegar algerlega óundirbúinn undir raunverulegu fléttuna þegar hún kom í ljós í endann og er langt síðan að mynd hefur komið mér svona mikið á óvart. Burtséð frá öllu tali um fléttur og óvænta enda ráðlegg ég öllum að sjá myndina með opnum hug og eyða ekki of miklu púðri í að geta sér fyrir um endann, því allar líkur eru á því að hann verði ekki sá sem þú heldur. Hér er um að ræða gríðarlega vandaða mynd þar sem góðar leikframmistöður, frábær myndataka, tónlist og andrúmsloft skapa magnaða upplifun. Af leikframmistöðum hér ber sérstaklega að hrósa nýliðanum Bryce Dallas Howard sem er svo góð hér að hugsanlega eru gullnar styttur í nánustu framtíð hennar. Adrien Brody fer líka skemmtilega með hlutverk þorpsfíflsins. Rétt eins og Signs var í raun ekki ''geimverumynd'' ætti fólk heldur ekki að búast við að hér sé um einhvers konar hrollvekju að ræða. Myndir Shyamalans falla ekki vel undir flokkun af þessu tagi. Að mínu mati hefur hann hér sent frá sér þriðju bestu mynd sína (á eftir Sixth Sense og Signs) og hingað til hefur þessi frábæri leikstjóri aldrei slegið vindhögg. Mér finnst forvitnilegt að myndin sé almennt ekki að fá betri dóma en raun ber vitni og held ég að rangar væntingar ásamt því sem fólk leitast við að finna ótrúverðug atriði í tengslum við söguþráðinn spili þar inn í. Fyrir þá sem koma að The Village með opnum huga býður myndin upp á tvær klukkustundir af frábærri bíóupplifun. Þetta er mynd sem verður klárlega á topp 10 listanum mínum fyrir 2004.

Ég hef verið hrifinn af öllum myndum Shyamalans. Sixth Sense var frábær, Unbreakable mjög góð, og Signs var einnig prýðisgóð og spennandi ræma. Í öllum þessum myndum er ákveðinn ævintýrablær, blandaður skemmtilegum húmor, þrátt fyrir yfirnáttúruleg viðfangsefni. Að vissu leyti má sjá ákveðna Spielberg-stemmningu í þessum myndum, og er ekki leiðum að líkjast.

Eftir að hafa séð the Village er ég ekki lengur hrifinn af öllum myndum Shyamalans. Áður höndlaði leikstjórinn vel þá pressu að skrifa handrit, framleiða og leikstýra, en þessi mynd ber þess merki að hann sé orðinn of öruggur með sjálfan sig. Fyrri myndirnar voru hægar og ekki fyrir neina hasarfíkla, en þær voru nógu vel gerðar til þess að maður var spenntur frá upphafi til enda. Þessi mynd er hins vegar svo hæg að hún verður leiðinleg áhorfs. Tíma er varið í að kynnast persónum en sá tími er vannýttur með meiri áherslu á myndatöku en persónusköpun. Til hvers að láta aðalpersónuna steinþegja mestallan tímann? Fólk talar um að hann sé fámæltur en þegar maðurinn á eina senu sem reynir eitthvað á leikhæfileika hans í allri myndinni þá er þessum leikhæfileikum sóað. Þá er frátalið eitt atriði, besta atriðið í myndinni, sem er það eina við hana sem virkilega og þá meina ég VIRKILEGA kemur á óvart. Aðalleikkonan á hins vegar góðan dag. Að öðru leyti á myndin fáránlega heimskulega spretti og þegar henni lýkur eru flestir bíógestir búnir að hrista hausinn nóg til að framleiða orku á við Kárahnjúkavirkjun. Stórlega ýkt reyndar, en staðreyndin stendur eftir: The Village er langversta mynd leikstjórans og ber að varast hana. Þetta þýðir ekki að hann sé útbrunninn, en hann þarf að fara að hugsa sinn gang. Allir geta gert mistök. Meira að segja Spielberg gerði The Lost World sem var dauðans hörmung. Þér leyfist að gera eina vonda mynd, Shyamalan, en í guðanna bænum farðu ekki að leggja það í vana þinn.

Slakasta mynd Night til þessa, án nokkurs vafa.

Það er svosem ekki mikið sem hægt er að segja um þessa mynd, því það þarf ekki mikið til að skemma plottið. Fyrir marga er plottið svoldið fyrirsjáanlegt, en það fer eftir því hve mikið fólk pælir í myndunum sem það er að horfa á. Ég var mikið að pæla í þessu margumtalaða plotti áður en ég fór á myndina og á meðan ég var að horfa á hana og því kom fátt á óvart.

Eina sem ég get bent fólki á til að njóta myndarinnar er að fara á hana í bíó með opnu hugarfari, ekki gera sér vonir eftir að hafa séð trailerinn sem mér þykir mjög misvísandi og reyna að pæla ekki of mikið í henni.

Veit ekki hvað á að segja. Miðað við fyrri snilldarmyndir Shyamalans er The Village stórt vonbrigði. The Sixth Sense, Unbreakable og Signs voru helvíti góðar en Village er ekkert miðað við þær. Myndin þjáist af óvandaðri sögu. Mér sýnist að Shymalan hafi verið soldið latur við gerð myndarinnar. Öll tæknileg vinnsla myndarinnar er gott en það er sagan og handritið sem er stór gallað. Village er bara ekki nógu góð, hún hefur góða hluti en sem heild virkar myndin alls ekki.

Já því miður..en ég verð að segja það að þessi mynd er sú lélegasta sem ég hef séð! Söguþráðurinn er gjörsamlega ónýtur! Mjög ósáttur við þessa mynd!..Ekki fara á hana í bíó!

Mín skoðun..tek það fram!

Ég fór á þessa mynd ekki vitandi um hvað hún væri um nákvæmlega en bjóst samt við að hún væri ágæt úr því litla sem ég vissi um hana...hún er ekker lík því sem ég hélt um hana... hún var fín svona fyrsta klukkutímann...svo fór allt að breytast ég var orðin svolítið fúl út í söguþráðinn og fannst á þeim tímapunkti lítið til myndarinnar komið og varð hún svolítið ruglingsleg í svona 10 mínútur en það bjargast nú sem betur fer í lokin þegar hún er loksins útskýrð.....þetta er alveg ágæt mynd..gæti alveg farið á hana aftur ef ég yrði beðin um það....fín bregðuatriði...það fer engin úr þessari mynd án þess að bregða ekki að minnsta kosti einu sinn...þetta er fín mynd fyrir pörin að fara á....ekki of strákaleg og fínt að grípa í strákana þegar við stelpurnar verðum hræddar....:)

Þessi mynd(The Village) hefur alveg frábæran söguþráð að mínu mati og Joaquin Phoenix fer vel með hlutverk Lucius Hunt,sem er þögull en hugrakkur maður, og einnig fer Bryce Dallas Howard mjög vel með hlutverk Ivy Walker sem er hugrökk blind kona. í myndin fjallar um lítið þorp þar sem það er skógur allt í kring og inni í skóginum eru þessar svokölluðu verur(those who we don't speak off) sem drepa alla sem voga sér inni í skóginn og sýna enga miskunn. síðan meiðist einhver og er manneskja send til næsta bæjar og ná í lyf fyrir sýkingu og þá fara að gerast skrýtnir hlutir sem leiðir margt í ljós. þetta er ágæt mynd en mætti vera aðeins styttri því á endanum varð hún soldið langdreginn. ágætlega góð mynd þegar uppi er staðið og skemmtilegt að hugsa um hlutina sem gerðust í myndinni eftir myndina:)

The Village er án nokkurs vafa ein af bestu myndum ársins. Ég var mjög ánægður með myndina og get bara sagt hrein snilld. Þetta er talsvert öðruvísi mynd en þær sem við höfum séð á árinu en hún kemur skemmtilega á óvart. Eins og fyrri myndir M.Night Shyamalan er myndin ráðgáta með fullt af vísbendingum á leiðinni fyrir fólk að ráða út og ef fólki tekst að púsla vísbendingunum þá ætti endirinn ekki að koma eins mikið á óvart, en eins og áður þá tekst honum að koma fólki á óvart með svaka endi. Myndin er vel skrifuð og þó áherslan sé lögð á spennu og eftirvæntingu þá flettast inn í söguna líf fólkisins sem að býr í þorpinu og gefur okkur innsýn inn í þeirra líf. Í myndinni má sjá leikara sem að leikstjórinn hefur notað í fyrri myndum sínum og má þar nefna Joaquin Phoenix sem fer með eitt af aðalhlutverkunum. Myndin er hlaðin gæða leikurum á borð við Adrien Brody, Sigourney Weaver, William Hurt og svo má sjá leikstjórann bregða fyrir. Myndin er í senn spenndandi og full af eftirvæntingum enn einnig alvarleg með léttum húmor. Ég var mjög ánægður með myndina og ég hlakka mikið til að sjá næsta verk meistara M.Night Shyamalan.

Ég fór á þessa mynd með miklum eftirvæntingum....en þvílík vonbrigði.. Hápunktur skemmtunarinnar var að það var sæt stelpa fyrir framan mig í hléinu þegar ég fór og fékk mér Magic til að halda mér vakandi....Þetta er líklega ein af þremur leiðinlegustu myndum sem ég hef séð... soo sorry